YĀKÖP 2:8 - TÖHET LĪPÖRE (Re-edited) Bible (BSI)

⁸ Yē yīö pöri hateungngö ngam mā chöngö, sā ṙô ngam töhet līpöre, Hāngenlōn man tö holre sāre töre, huveū-en yī-ö:

YĀKÖP 2:8 Referans Kwoze

LA-EN LĒVĪ 19:18

Uh man havāhalre, um lanīnuvö i yip kūön yip tarik meh, hāngenlōn pöri më-eṅ tö holre sāre tö re, Chū-ö Chin Mā Tēv.

KALATĪ 5:14

Tön keuheūtlöre an ngam chöngö nö in ngih tö hĕng ṙô, ingih; Hāngenlōn man tö holre sāre töre,

YĀKÖP 2:12

Ngatī ṙô yī-ö, ngaich ngati tī, sā öp tarik tö kahòkkaṙen tö ngam chöngö töt inkövö.

T. MËTIV 22:39

Sā e an ngam innëtö, Hāngenlōn man tö holre, sāre töre.

KALATĪ 6:2

Keunhökūö höö yin tö lumnganre, ngaich ngatī hateungngö chöngö Kristū.

LA-EN LĒVĪ 19:34

Öp aṅ tahëng tö rahëchtaṙen nö iyöng in meh sā töfötnyu anga-aṅ nö i patī nö in meh, hāngenlōn më-eṅ tö ò sāre töre; pò yīö misi i panam Aikup öi aṅ tahëng, Chū-ö Chin Tēv meh Öich Mā Tēv.

1 PĪTÖR 2:9

Mumātö pöri yi-ö öi tökatöllöngö, mineukṙen aṅ im Mā, töhet tarik, tarik öi amin ngam Tēv, pò yīö hōtu hameuktö lanöökö Ò ngam mahavënyen yīö ṙā-ang el sinngūlö, öi im pinngangkūö hanātö:

YĀKÖP 1:25

Anga-aṅ pöri ngòh ngamëchkö ngam tö teung chöngö, ngam chöngö ṙinānyö, ngaich iṙūöhen nö ngatī; rö-ö nöng hamang, nö tövaichngö; kamëkö kaha pöri, nö töla-evṙen; anga-aṅ min tarik töhakôlöngṙô nö i nup la-enre.

YÔNA 4:4

Ngö ṙô ngaich ngam Mā Tēv, kiröngö lanīnö ömeh?

2 RĀCHA 7:9

Ngö ṙô cha-a ngaich tö höö, Vāchö inlahen in: sakāmö hē tölöök inhānga ön ngih, ngaich ayī-ö höng öt ṙô-òv: yē hī höngngöh hanöng saha hanatlö peuheū, ngaich kôti min ayī-ö ing fālenre: tā-a lökten, töi kiröönngöre vë-eny nang yip aṅ patī ap rācha.

1 TÖSALÒNIKĒ 4:9

Rö-ö pöri yī-ö kusīktö tī ih kūichhöti in yīö, i inlahen hanāngenlōn tö holre: pò yīö yī-ö ngaich haköptu tö ngam Tēv öi kö hāngenlōn tö höö;

FILIPĪ 4:14

Huveū-eu tī yinri yī-ö ngaich pò yīö ngaich innôltuvö im kanihngen chu.

T. MËTIV 25:23

Ngaich ngö ṙô ngam mā tö ò, Töteūngen man; tö-akaha, tökô-en i törahëchyen; hamālöng man ngaich tö chu, i në töpōyen chehen. Hanôltöre man ngaich, i ṙanāmölōn ngam mā meh.

YÔNA 4:9

Ngö ṙô ngaich ngam Tēv tö Yôna, Kirööngö lanīnö ömeh tökūö ngam katū? Ngaich ngö ṙô anga-aṅ, Huveū-eu lanīnö chin söl kinpaha.

1 RĀCHA 8:18

Ngö ṙô pöri ngam Mā Tēv tök yöng chu Tāvit, Lōn meh ök angū-ö mānlö patī i minënyö chu, huveū-en man tö e nö ellōn meh:

YĀKÖP 2:19

Ṙātö ellōnre man yih tö ngam Tēv nöng hĕng; huveūen me-eṅ: ṙātö ellōnre inrē vē sī-ö nö kichëiyöre.

T. MËTIV 25:21

Ngaich ngö ṙô ngam mā tö ò, Töteūngen man; tö-akaha, tökô-en mahalanṙen. Ngaich man kô-en i tö rahëchyen; hamālöng man ngaich tö chu, i në töpōyen chehen. Hanôltöre man ngaich i ṙanāmölōn ngam mā meh.

T. MËTIV 7:12

Lökten, sā lōn yīö, hōten holre nö meukṙen yīö; ngatī lōn yī-ö inrē, tö cha; tön angū-ö an chöngö, nö ṙô yik pròfĕt inrē.

RŌMA 13:10

Hāngenlōn man tö holre sāre töre. Öt vītö töchōich an nö i holre, ngam hanāngenlōn: lökten an ngam hanāngenlōn nö inteungngö ngam chöngö ngam Tēv.

YĀKÖP 4:11

Kahōlö, ui chōchöṙô tö höö. Ngòh töchōchô tö holre, hēk akah holre, chōchöṙô tö ngam chöngö, ngaich ma-akah ngam chöngö: yē meh pöri akah ngam chöngö, öt lamök im chöngö me-eṅ, ma-akah pöri.