YĀKÖP 2:6 - TÖHET LĪPÖRE (Re-edited) Bible (BSI)

⁶ Ngaich pöri yī-ö miṙēngö ngam yāich tarik. Röh yip tökôlò ṙung nö miyëḵ tö yīö, ngaich cha-a inrē nö tūökten yīö i kūö chūök kinṙôka?

YĀKÖP 2:6 Referans Kwoze

INCHŌḴ-OṘÔ 17:5

Ngòh mumnônngen yāich hayëḵngen ap vamī-i ò; anga-aṅ ngòh tö ṙamölōn tö öt kanôlò öt kiröönngöre min nö öt sācha.

1 KÒRIN 11:22

Sitih? Öt patī-ivö öyih tö chūökre nyā, òk inrē? Hòṅ hayëḵngen vē māṅ ngam Tēv öyih? Ngaich sumrōngngökūö cha vē töt nyamā? Sitih ṙô öich min tö yīö? Ha-öinyö yīö öich in e? Hö-ö chin ha-öinyö yīö.

INCHŌḴ-OṘÔ 14:31

Ngòh tamṙam yāich tarik maha-āichngen ngam Vamīlen ò, ameū an pöri anga-aṅ ngam tö aṙē-ĕvlōn tö yāich.

Salmai 14:6

Sumrōngngökūö inlēnö yip yāich yin: pò ngam Mā Tēv nö elyöngö ò.

YĀKÖP 5:4

Yĕh meuk nup ṙô yip mahamūl nö el panô-òṅ yīö nö hūkö raneuhösre tö nup tö hachīliṙen tö yīö: ngaich öp ṙô yip mahamūl nö hū-a nö meūt höt nö elnang ngam Mā Tēv yip tö maṙôngö.

YĀKÖP 2:3

Ngaich yī-ö chumkūöṙen tö ò ngam tö vāyö hinlāṙö; ngaich ngö ṙô, Ihih man ūichngöre, im tölöök chūökö, ngaich ngö ṙô yī-ö tö ngam yāich tarik, Umū-aṅ me-eṅ sökhaka, hēk ūichngöre elkatòh ngam ranöönö röön chu;

INLAHEN 17:6

Ngaich hē cha nö öt kôtökūö tö cha, tūökö Yāsön cha-a, haroh tum tak yik tahëng inrē, nö i yik makūö panam; ngö ṙô nö hūḵa,

INLAHEN 13:50

Ngaich pöri yik Yahūti nö harunlö alaha yik tökôlò kikānö tö pa-ekūö tö ngam Tēv, yik mākūö panam inrē ngaich chöngu tö ötinkôlò nā Pôl, nāṅ Parnapas; ngaich ahōngen cha nö ṙā-ang ip panam cha.

INLAHEN 8:3

Ngaich pöri ang Sôl nö hayëḵ ngam māṅ, kuhēthötre nö el patī, ngaich kēḵ kikōnyö kikānö inrē, ngaich kalonghöt cha nö el kinlōngö.

SAKARIĀ 7:10

Un kirāchtu kui tafīösi un rēhĕn kūönyōich, un rēhĕ aṅ tahëng, un rēhĕn yāich; un hĕng tak tö yīö inrē töchōichö ellōn nö i holre.

AMŌS 5:11

Lökten pò yīö rööntö kui yāich, ngaich hateungtīre kē vīt öm in ò: ngaich yin yih mānlö nup patī nö ihong töfāsö hö-ö pöri yī-ö min iyöng ël u; teūichtö tökôlò yin el panô-òṅ vāin, rö-ö pöri yī-ö min òk öp vāin aṅ in u.

Mumkahten 5:8

Yē meh meuk yāich nö hakihtuṙen ip töhĕng panam kē-ĕyö inrē kinṙôka töt michūḵṙen mikahlōn inrē nö filīnyiyö, um pingangkūö tö e angū-ö; pò yip lamā tulöng mā nö aṅtu tö ngam lātulöng, ōtngöre ap lamātulöng tö cha.

INCHŌḴ-OṘÔ 22:16

Ngòh tamṙam yāich nö ṙūölö kanôlò re, hēk kē-ĕti nö i tökôlò yih min nö im hanāten.

Salmai 12:5

Pò ngam nāichngen yāich, pò ngam inlöinyö chanökö töhāṅten: Ngaich chin öich choholre, ngö ṙô ngam Mā Tēv; lā im chūök öt pinlā-ngen tī chin min tö ò ngam hayëḵngen cha.

Salmai 10:14

Meūkö e man; pò meh meuk tötlöök, kumnyahṙen inrē, ngaich kē-ĕ e me-eṅ eltīre: kētöre yip töt hōluṙen nö in meh; hamòlṙen kūönyōich man me-eṅ.

YĀKÖP 5:6

Asaichhanga yin ngaich, ngaich tī yin fëlngö ngam tölöök; öt laklöre anga-aṅ tö yīö.

INLAHEN 18:12

Hē Kalīō pöri nö mahayöng Akayā, hĕng tum yik Yahūti nö choholre nö lā-al Pôl; ngaich kēten ò nö i chūök kamhôṅka, nö ngö ṙô,

HAPAKŪK 3:14

Tafūni tī me-eṅ tö kui yip kumyung in ò öm aṅtī tö nuk tinkung ò; yih cha-a sā tī lamfeui kuföt nö pirātngen chu: unlāikenre ngineūṅktö yāich ṙanāmölōn cha.

AMŌS 4:1

Hang ngih ṙô, yī-ö kan nuā aṅ Pasān, öi mī-ikui ngam rôngö Samariā, öi mahakihten yāich, öi pumnyāichngö töhāten, öi tö ngö ṙô tö yip mā cha, Kē-ĕti, tā-a töi ka-eūt.

Isayā 53:3

Töt hakūökaṙen an tösō-ovö inrē tö tarik; tarik miṙivlōn an, tö-īnu inrē tö miṙivlōn; sā öp töhĕng tak an inrē chūök tarik nö hanyatngö kūö re öt hakūökaṙen anga-aṅ rö-ö ayīö inrē hāngen tö ò.

Salmai 10:10

Fātngöre an, sōnngöre: ngaich ngam yāich nö fukngö tö kūö kumlēḵ ò.

Salmai 10:8

Ūichhaka an nö i tuhēt el chūök mahayun, el nup tö-ruptu anga-aṅ nö kumpah töt akahaṙa: ulāikö matre an nö ngëichken öp töt-hōluṙen.

Salmai 10:2

Lūḵ ngam yāich an ngam inkeūlen ngam tötlöök: hökngen cha yĕh nö kô-òng-vah tökūö nup vahīṙen cha tömilichngen lōn cha.

NGAM LĪPÖRE YŌP 20:19

Pò ò nö kirāchngö, ṙāngö yāich inrē, kē patī an öp töt mahānlö ò.

T. YÔHAN 8:49

Ngaich sapṙô cha Yēsū, nö ngö ṙô, Öt sī-u aṅ in Chin. Milēḵṙen pöri tö ngam Yöng re; ngaich yī-ö öt milēḵṙen tö Chu.

INCHŌḴ-OṘÔ 18:23

Hòṅ aṙētuṙô ngòh yāich tarik. Kësô pöri ngam tökôlò nö sapṙô.

INCHŌḴ-OṘÔ 22:7

Hayöng yāich ngòh tökôlò, ngòh mahaṙūöng inrē töhakövö tö ngam tö haṙūönghukūö.