YĀKÖP 2:1 - TÖHET LĪPÖRE (Re-edited) Bible (BSI)

¹ Kahōlö, un ṙapka ngam rinātö ellōn i ngam Mā hī Yēsū Kristū, ngam Mā kanôlò, nö holtö intöllen tarik.

YĀKÖP 2:1 Referans Kwoze

INCHŌḴ-OṘÔ 24:23

Anū-ö min në inrē ṙô tö akaha, Tötlöök an ngam intölten i inkaha fālen.

YĀKÖP 2:9

Yē yīö pöri atöltuṙen tö tarik, köölö fālen yī-ö, kôti ngaich tö tī ngam chöngö öi tököölö fālen.

I. CHÖNGÖ 16:19

Uh më-eṅ löinyngö inkaha fālen: um atöltenvö tö tarik: um rēhĕn kē pinlööṙö raneushö: tön tilupngömat tö-akaha öp pinlööṙö raneushö; ngaich harīkngö kaha ngam ṙô töchip inrē.

LA-EN LĒVĪ 19:15

Uh man tī tö tötchip im inkaha fālen: uh man atölten yāich, um rēhĕn milēḵṙen töp tarik tökirööngö chöngö: im chanīpen pöri öm akah fālen ngam holre.

I. CHÖNGÖ 1:17

Uh yin atöltuṙen tö tarik i inkaha fālen; hĕngren i tökiröng hang ṙô cha tö tökūönö inrē; uh yin pa-ekūö tö kūö tarik; tön aṅ im Tēv an ngam inkaha fālen: kētö öp chöönyi in chu öp tökihngen nö in yīö, ngaich hāngö e min Chū-ö.

INCHŌḴ-OṘÔ 28:21

Töchōich an ngam inmeuktö intölten; vaich pöri nö kô-òren ngòh tarik tökūö töhĕng mufôkö nyā-aṅkūö.

2 KINṘÖTNGÖ 19:7

Yĕh pöchö ngaich, i kui yīö an yēḵ ngam pinhë-eṅkūö tö ngam Mā Tēv; haṙēmngenre tö nup la-en yīö, tön rö-övö nö inchōichnguvö nö in öp töchip hēk öt intöltenvö, hēk öt kē raneushö minyôiny.

YĀKÖP 3:17

Ngam mikah pöri ṙamā-ang lātulöng nö hanëtö raneh, lanāmen, hēk ṙanēmen, tövanë-enkūö, tööḵlö tö miṙēlōn, tölöök la-en inrē, öt īnu tö intölten, innyatkö elmat inrē.

YĀKÖP 2:3

Ngaich yī-ö chumkūöṙen tö ò ngam tö vāyö hinlāṙö; ngaich ngö ṙô, Ihih man ūichngöre, im tölöök chūökö, ngaich ngö ṙô yī-ö tö ngam yāich tarik, Umū-aṅ me-eṅ sökhaka, hēk ūichngöre elkatòh ngam ranöönö röön chu;

NGAM LĪPÖRE KAHŪICH YŪT 1:16

Cha-a yin famël tarik, vame-eny miṙivre, tömrit kuilōnre (minë elvāng cha inrē nö ṙôtö yöng ṙô tö föh), hameuktö miṙēre tö tarik, nö chööḵnyö tö taneūngenre.

1 TIMÒTĪ 5:21

Tölṙô meh chin i kūö ngam Tēv, Kristū Yēsū inrē, yip tökatöllöng ma-ahānga inrē, öm haköp nö öm um chanöku; öt kahëkuṙen tö intölten.

T. MËTIV 22:16

Ngaich tīnngö yik mahaköp nö in re cha-a, nö holtö yik aṅ in Hērôt, ngaich ngö ṙô cha-a, Mahaköphöti; akahalōn in tö Meh tökô-en, im kanô-en Man inrē haköptö talöökö ngam Tēv Öt hĕng tak chumkūöṙen inrē; pò Meh öt ngëichkökūö tarik.

1 KÒRIN 2:8

Ngam töt hĕng tak ma-akah tö yik mahayöng ngih panam: pòn akaha e öre cha-a, ngaich öthōḵ öre cha-a nö harātö ngam Mākūö kanôlò,

INMEUKHÖMAT 14:12

Ihih an ngam manöiyö yip töhet, acha-a yip tököp tö nup chöngö ngam Tēv, ane inrē ngam ṙinātö ellōn in Yēsū.

TAITÖS 2:13

Hatīönkö ngam tökôlò mineūka, ngam tökôlò inrē mineūkö ngam Yöng Tēv hī, Mahayööken inrē Yēsū Kristū;

INLAHEN 20:21

Hameukhömat yip Yahūti chin, Tahëng Mihëṅṙö inrē tö ngam invöötö ellōn tökū-ötö im Tēv, ngam mikah inrē im Mā hī, Yēsū Kristū.

2 PĪTÖR 1:1

Simōn Pītör, kūönkūö ane inrē tanīnöṙô Yēsū Kristū, löö in cha yip tö ngaichnö teūngen tö ngam töngatī töpōiṙāi ṙinātö ellōn nö hol hī, i lanöökö ngam Tēv hī ngam Mahayööken inrē Yēsū Kristū:

TAITÖS 1:1

Töhakövö an Pôl tö ngam Tēv, ane inrē tanīnöṙô Yēsū Kristū, sā ngam ṙinātö ellōn yip katöllö ngam Tēv, ane inrē sā ngam inkaha ngam tökô-en, ngam tö sā lanöökö,

1 TIMÒTĪ 1:19

Kiṙapkö ngam mikah, tö ngam lanöökö el kuilōn; ngam tö kurīngi tö yip rēvre, ngaich sayöḵötī nö im mikah:

KÒLÒSĪ 1:4

Pò ih hang ngam mikah yīö in Kristū Yēsū, ngam mikah hanāngenlōn yīö inrē, i vē taṙòkhöre tarik ngam Tēv; lökten ngam mineūka ngam hinöngken yīö el halīöngö.

HEPRĀI 1:3

Pòn Anga-aṅ yanëichö ngam kanôlò, kintān tö ngam Tēv takô inrē; kumṙapkö në taṙòkhöre chehen, lökten im minhôiṅyö ṙôre: keuheūtheṙen nö söichngö në tökööl ngaich ūichngöre nö lahāmö ngam kanôlò lātulöng.

RŌMA 1:11

Tön paṙūtalōn chin hòṅ meukkūö yīö, pò chu hòṅ kētö ngam inlōntö ma-alaha in yīö, hòṅ yīö köp;

INLAHEN 24:24

Haroh tum hang sumkam, yih ngaich Filik nö holten Trusilla, ök Yahūti pihö ò; ngaich tīnngö mahavëken Pôl; ngaich hang ṙô ò tö ngam mikah in Kristū Yēsū.

INLAHEN 7:2

Ngaich ngö ṙô anga-aṅ, Kahōlö, kayöngö inrē; hangihtöre. Meūkö An ngam tökôlò Tēv, tök yöng hī Aprahām, hē ò nö i Mesapotamīa; urēhĕkūö ò nö iyöng Haran;

INLAHEN 10:34

Ngaich Pītör nö kaknyöre nö ngö ṙô, Akahalōn takô chin ngaich tö ngam Tēv nö töt atöltuṙen tö tarik;

HEPRĀI 12:2

Hatīönken Yēsū, ngam yöngṙen, mahateungngö ngam ṙinātö ellōn nö in hī, ngam kūö ngam ṙanāmölōn tö ṙātu nö i kūö Ò, keun ök töhakālö hayëḵngen ngam sinrōngkūö, ngaich ūichngöre nö lahāmö ngam kantēra ngam Tēv.

YĀKÖP 1:16

Kahōlö, un hachīlö.

YĀKÖP 1:19

Haköp ngih yin, kahōlö; hökngen taṙòkhöre tarik nö ka-eūyö elnang; ṙēmöṙô nö ṙô-òv; ṙēmö lanīnö: