YĀKÖP 1:9 - TÖHET LĪPÖRE (Re-edited) Bible (BSI)

⁹ Hökngen ngòh yāich nö ṙāmölōn töre nö hapōilöngö;

YĀKÖP 1:9 Referans Kwoze

INCHŌḴ-OṘÔ 19:1

Ĕhten ön ngòh yāich tarik ngòh lamök i mikah re, tö ngòh tarik ngòh töchōchô, tökulō-ovö inrē.

2 KÒRIN 6:10

Sā tö haṙīvölōn, ngaich sön tö-örheūheu ṙamölōn sā yāich, ngaich maṙôngö tī tö tökôlò; sā töt hĕng mihëṅṙö aṅ in, ngaich sön tö īnu tö tökeuheūttöre.

INMEUKHÖMAT 2:9

Akahalōn chin tö kanihngen meh, tö ötkakôlò meh inrē (kôlò pöri me-eṅ), ane inrē tö ngam ötlinëkô cha yip Yahūti tö ṙôre, ngaich nö rö-ö cha-a, chūök vine-eṅkūö sātān pöri.

T. LŪKÖS 1:52

Kē-ĕyö yip rācha nö el chūökre; hapōilöng pöri vē yāich.

INCHŌḴ-OṘÔ 17:5

Ngòh mumnônngen yāich hayëḵngen ap vamī-i ò; anga-aṅ ngòh tö ṙamölōn tö öt kanôlò öt kiröönngöre min nö öt sācha.

Salmai 62:9

Kô-òngrit yin vē tarik tötaṙeūḵ nöng törö-ö, vē tö tulöng inrē nö minyôinyaṅ: takööklöng yin min nö el öp kinlah lumngan, höh yin tö töng rö-ö.

I. CHÖNGÖ 15:11

Pòn öt hētu yāich nö ṙākenre nö i kūö ngam panam: lökten chin ngö ṙô tölṙô meh, Luvënyökūö ellōnre man im mak alahare, ngam töhāṅten, im yāich meh inrē, im panam meh.

I. CHÖNGÖ 15:9

Ṙēmen un töchōichu ellōn meh, öm ngö ṙô, Röhta an ngam sinātö samyeūheu, ngam hē ṙīnānyö; ngaich kunyaha elmat më-eṅ tö ngam mak alahare, ngaich öt kē-ĕkūö ò; ngaich anga-aṅ nö peunyhökūö ngam Mā Tēv nö lā-al meh, ngaich in meh angū-ö nö kanöölö.

I. CHÖNGÖ 15:7

Yē meh holtuṙah tö yāich tarik, hĕng tak aṅ i yip mak alaha meh, la-ël inkūp ngam kinlōngö meh im panam meh kahëtö ngam Mā Tēv ngam Mā Tēv meh nö in meh, uh më-eṅ hangëṅngö ellōnre, um rēhĕn tilup eltīre im yāich mak alaha meh:

FILIPĪ 3:14

Iṙuhöröön kū-ö tö im tölngö, im raneushö,ngam invëkö aṅ tulöng im Tēv in Kristū Yēsū,

FILIPĪ 3:3

Pò ih ihö tötunyīnyi, vamë-ekūötēv lökten im Töhet Fanöinylö ngam Tēv, kanôlò inrē in Kristū Yēsū, öt inyönglenvö im alaha:

RŌMA 8:17

Ngaich yē hī kūön, ngaich tö amīnuvö: tö amīnuvö töm Tēv, hol Kristū tö amīnuvö, yē hī sā Ò kihngen, hòṅ hī inrē hapōilöngö hol Ò.

T. LŪKÖS 10:20

Uh pöri öi ṙāmölōn i ngih, tö më sī-ö nö hang ṙô yīö; ṙāmölōn pöri tö kinūichngö nup minënyö yīö nö el halīöngö.

T. LŪKÖS 9:48

Ngaich ngö ṙô Ò tö cha, Yē ngòh hamôḵòṅ ngòh kun nyīö min, nö i Mine-eny Chu, ngaich hamôḵen Chu. Ngòh hamôḵen Chu min, ngaich hamô-òṅ ngam tamin ngen Chu. Pò ngòh tökūöṅnö nö in yīö ṙòkhöre, anga-aṅ tö pōyö.

1 SAMUĔL 2:8

Hachohlö yāich an ṙā-ang el tumlat hachohlö töhāṅten An ṙa-ang im rung sôḵ nuā, nö vīten chān holtöṙah kūön mā nö ūichhaka, amīnu inrē tö kantēra minā-aṅ: pò nup machööḵlö ngih panam nö aṅ im Mā Tēv, töönglö ngam panam anga-aṅ inrē nö i kui u.

1 PĪTÖR 2:9

Mumātö pöri yi-ö öi tökatöllöngö, mineukṙen aṅ im Mā, töhet tarik, tarik öi amin ngam Tēv, pò yīö hōtu hameuktö lanöökö Ò ngam mahavënyen yīö ṙā-ang el sinngūlö, öi im pinngangkūö hanātö:

Isayā 29:19

Yip yāich inrē min nö ṙūölöre ṙanāmölōn nö im Mā Tēv, yip yāich inrē min in vē tarik nö ṙāmölōn nö im Töhĕng Töhet in vē Israĕl.

T. LŪKÖS 14:11

Pòn ṙòkhöre vē mahapōilöre nö hayāichi min; ane inrē vē mahayāichngöre, nö hapōilöng.