YĀKÖP 1:4 - TÖHET LĪPÖRE (Re-edited) Bible (BSI)

⁴ Ngaich hökngen ngam manöiyö nö hateungngö ngam la-enre, hòṅ yīö öi teungten, öt hanātuṙen i tökeuheūttöre.

YĀKÖP 1:4 Referans Kwoze

1 PĪTÖR 5:10

Ngam Tēv, lökten taṙòkhöre inlōnti, ngam mahavëten yīö im tö-örheūheu kanôlò, in Kristū, Anga-aṅ min mahateungten yīö haköpö yīö, hangëken yīö inrē; unôichrit yīö rahëchtaṙen kihngen.

T. LŪKÖS 21:19

Teūngen yin min tö nômöre, ip manöiyö yīö.

T. MËTIV 5:48

Lökten yin yēḵ, yī-ö öi öthāṅten, sā ngam Yöng yīö el halīöngönö töthāṅten.

2 TIMÒTĪ 3:17

Hòṅ ngam tarik ngam Tēv nö öthāṅten, keuheūttöre aṅtī nö im tölöök la-en.

HAPAKŪK 2:3

Pò ngam tömeūkö nö mī-ip ṙētak re, veūtö röön an inrē nö kū-ötö öp manāngen, öthō inrē nö minyôiny-aṅ: pòrô anū-ö nö öl, hökken e; tön öthō an min nö öt yih öt ahāṅkenre an min.

HEPRĀI 13:21

Vīten yīö teungten i tökeuheūttöre tölöök, öi la-evṙen tö lōn Ò, vahī-ivṙen nö in hī töp ṙanāmölōn nö i kūö Ò, lökten Yēsū Kristū: kanôlò Ò yēḵ örheūheu. Āmen.

KALATĪ 6:9

Ta-a inrē, ui uhā-en i tölöök vahīṙen: tön ip tölöök ṙētak in min hamūl, yē hī öt cheingö.

Salmai 40:1

Höka chin hamöiyöre im Mā Tēv: ngaich asītöre anga-aṅ nö in chu, hang ṙô chu inrē.

Salmai 37:7

Chēvtöcheich im Mā Tēv, ha-möiyöre inrē, hökken ò: um hakihtenre tökūö ò ngam tökôlò nö el talöököre, kūö ngam tarik inrē töteungtö tī tö nup tötlöök halēnlöre.

YĀKÖP 3:2

Pò hī ṙòkhöre kavē-ĕre i tökeuheūttöre. Yĕn töt kavē-ĕrevö tarik nö im ṙô, anga-aṅ an töteung nö tarik, kô inrē nö hachōkūö ngam alaha.

YĀKÖP 1:5

Yĕn hĕng tak in yīö tö īnuvö töp töhāṅten mikah, hökngen ò yĕh nö ve-ekūö ngam Tēv, ngam tötṙāyutī nö kē-ĕkūö taṙòkhöre, ngam tötmumṙē-ĕng inrē; ngaich kē-ĕvkūö min anga-aṅ tö e.

1 KÒRIN 2:6

Ṙô tö mikah inri i yip töteungten; rö-ö pöri nö mikah aṅ ing panam, öt rēhĕn nö aṅ i yip mahayöng ngih panam, nup yamih nö im ranö-ö.

KÒLÒSĪ 4:12

Salāmö yin tö Epafaras, ngam aṅ in yīö, kūön Kristū töhakövö, örheūheu panītnyi nö im vinë-eṅkūötēv töpòkūö yīö, hòṅ yīö teungta sanöklö, ngaich keuheūttöre minkahtölōn i nuplōn ngam Tēv.

T. LŪKÖS 8:15

Nup me-el tölöök tumlat, cha-a yip tölöök, tökô-en ellōn, hamang ngam ṙô, haköpngöre ngaich, ip manööyö, ngaich nö ṙônguvö.

T. MËTIV 10:22

Surīkhu yin min tö taṙòkhöre tarik, töpòkūö Minë-eny Chu. Ngòh tököp pöri, nö söl ip manā-aṅ, anga-aṅ min töhayöökaṙen.

NGAM LĪPÖRE YŌP 17:9

Sön ngam tölöök nö haköp talöököre, anga-aṅ inrē ngam töhet eltī nö kalēḵlöre.

INCHŌḴ-OṘÔ 4:8

Kiröngölōn tö ò, ngaich hapōilen meh min anga-aṅ eū-eu meh an min yē meh fūölan.

2 PĪTÖR 1:9

Pò ngòh töhāṅten tö u nö tötmeuk, höng meuk töng röhta, vaichngenre tö inhetlöre nö ṙā-ang i nup höteh tököölre.

T. YÔHAN 17:23

In cha Chū-ö, in Chu Me-eṅ; hòṅ cha nö teungten nö höng hĕng; hòṅ ngih panam nö akahalōn tö Meh Öm tīnten Chu; Öm, hāngenlōn inrē tö cha, sā hanāngenlōn Meh tö Chu.

T. LŪKÖS 18:22

Höng hangtöre ang Yēsūtö e, ngö ṙô Anga-aṅ tö ò, Hĕng ap töhāṅten nö in meh; inyihngö nup taṙòkhöre man chehenre; öm katölhökūö yāich; ngaich me-eṅ min kanôluṙô el halīöngö. Ngaich ta-a tömrit Chu.

T. MĀKÖS 10:21

Ngaich Yēsū nö hatīönken ò, nö hāngenlōn tö ò; ngaich ngö ṙô tö ò, Hĕng öp hanāten meh. Kuṙòh; inyihngö nup inre man, ngaich kē-ĕkūö yāich; ngaich me-eṅ minö el halīöngö chehen. Ngaich ta-a; kēḵ ngam töhakālöre tömrit Chu.

T. MËTIV 19:20

Ngaich ngö ṙô ök ṙāl tarik tö Ò, Ngaich chin haköpö u nö ṙòkhöre. Asuh ap tö öltöre nö in chu?

1 TÖSALÒNIKĒ 5:23

Hòṅ ngam Tēv lanāmö nö keuheūtlöre tī nö ahetlen yīö: haköpka nup inrē yēḵ nö tumre ma-alaha, nômö, alaha yīö inrē, nö öt vinëku ip yanihih ngam Mā hī Yēsū Kristū: