YĀKÖP 1:27 - TÖHET LĪPÖRE (Re-edited) Bible (BSI)

²⁷ Ngih ön töhet falngen im Tēv, öt töchōich inrē, ngih chinöhkö kūönyōich, tafīösi inrē, i nup kanihngen cha; haköpngöre inrē un pitōtuvö tö aṅ ing panam.

YĀKÖP 1:27 Referans Kwoze

RŌMA 12:2

Un asīntöre nö sā ngih panam, harīkngenre pöri yī-ö, i tinfömlö ellōnre, hòṅ yīö hameukten ngam tölöök tö hōḵovö inrē, tö ngam tö teungten inrē lōn ngam Tēv.

YĀKÖP 4:4

Yī-ö ma-asĕhha, öt akahalōn öyih; tö ngam innôlö aṅ ing panam nö lā-al kūö ngam Tēv? Lökten ngòh töng mahanôl ngih panam vi-ire anga-aṅ nö lā-alkūö ngam Tēv.

1 TIMÒTĪ 5:4

Ngaich yĕn tafīösivö tökūönu, hēk yōmu, hökngen cha nö urĕh nö haköptöre, nö hameuktö pinheṅ-eṅ kūöre tö ngam Tēv nö i yip mak alahare, ngaich havanhöti nö i yip yöngre: tön töhōḵov an angū-ö nö i kūö ngam Tēv.

Salmai 119:1

Tökôlò yin vē tö teung nö el talöökö: vē lamök im chöngö ngam Mā Tēv.

1 TIMÒTĪ 1:5

Ngam hanāngenlōn pöri manā-angrit ngam chöngö nö löknyö öp töhet ellōn lanöökö el kuilōn inrē ngam mikah inrē töt höng töl:

T. LŪKÖS 1:6

Nëtre taka cha-a nö tölöök nö i kūö ngam Tēv, ötfāluṙen tö töchōich; lök i nup chöngö, ane inrē nup la-en ahōtö ngam Mā Tēv.

Salmai 68:5

Yöng kūönyōich, kamhòklökui tafīösi inrē: Tēv nö el ngam, töhet elyöngö re.

T. MËTIV 5:8

Tökôlò yin vē töhëtö ellōn; pò cha min nö meuk ngam Tēv.

Isayā 1:23

Ma-ahôngen yip kūön rācha meh, mahanôl mū-ulaya inrē; ṙòkhöre nö hāngenlōn tö rineushö, ngaich fachūrit raneushö: hö-ö cha-a nö akah fālen kūönyōich, öt rēhĕn nup fālen tafīösi nö yih nö in cha.

1 YÔHAN 5:18

Akahalōn in tö ngòh töng aṅ im Tēv finötnyi nö öt köölö fālen; anga-aṅ pöri ngòh aṅ im Tēv finötnyi, haköpöre, ngaich ngam tötlöök nö öt lūölken ò.

YĀKÖP 3:17

Ngam mikah pöri ṙamā-ang lātulöng nö hanëtö raneh, lanāmen, hēk ṙanēmen, tövanë-enkūö, tööḵlö tö miṙēlōn, tölöök la-en inrē, öt īnu tö intölten, innyatkö elmat inrē.

KALATĪ 6:14

Uh chin yēḵ chū-ö eū-eure, höng im töhakālö ngam Mā hī, Yēsū Kristū; ngam lökngen ngih panam nö kapah nö in chu, kapah chu-ö inrē ing panam.

KALATĪ 1:4

Ngam kamëḵngöre kūö tökööl hī, pòn hòṅ ṙānyen hī Anga-aṅ nö ṙā-ang in ngih tötlöök panam töngamuh, sā lōn ngam Tēv hī, Yöng hī inrē;

KALATĪ 5:6

Pòn öt kanôluṙô nö in Kristū nö rēhĕn ngam tunnyinyngö, ötrēhĕn ngam töt tunnyinyngö mikah pöri tö tī-iv lökten im hanāngenlōn.

I. CHÖNGÖ 14:29

Ngaich kūö ngam Lēvī nö töt minchöḵ-övö öt rēhĕn nö tö-amīnuvö nö hol kūö meh, tö ngam aṅ tahëng, tö ngam kūönyōich, tö ngam tafīösi, yip lamā ël inkūp kinlōngö meh, nö yih, nyā-aṅvkūö ngaich nö tööḵngen hòṅ ngam Tēv ngam Mā Tēv meh nö hakôlò meh i nup la-en vahīken minë kuntī meh nö ṙòkhöre.

Salmai 146:9

Aṅtö aṅ tahëng An ngam Mā Tēv; ṙapkö kūönyōich An, tafīösi inrē: afatlöng pöri öp talöökö tötlöök.

T. MËTIV 12:32

Aṙēlöngö min ngòh töchōchö ṙô nö i ngòh Kūön Tarik; ngòh töchōchö ṙô pöri, nö i ngam Töhet Fanöinylö, öt aṙēlöng, öt rēhĕn nö i ngih panam, öt rēhĕn nö im töyihivö panam.

RŌMA 2:13

Pòn öt höng yip hamangṙô ngam chöngö, tö löök nö i kūö ngam Tēv, tön yip töla-evṙen tö aṅ im chöngö, nö cha-a tö kaheuktu nö löök.

KALATĪ 3:11

Akaha an nö ngaich, tö tarik nö öt inlööklu nö i kūö ngam Tēv nö lökten im chöngö: pò, Vē tölöök nö lökten im mikah nö aṅ;

EFISÖS 2:2

Lahök yīö sin lā-urĕh, asā inlahen ngih panam, asā ngam mā ngam minhôiṅyö ngam kuföt, ngam sī-ö töla-evṙen töngamuh i yip kūön minôṙô;

TAITÖS 2:12

Haköpten hī, pòi hōtu harööḵngen ötlanöökö, nup lōn töyīki inrē aṅ panam, ngaich iyöng, öt sinṙaklen, chanīpen, lanöökö inrē, ing töngamuh panam:

YĀKÖP 3:9

Löknyö in e ṙô ayī-ö eū ngam Mā, Yöng inrē; löknyö in e ṙô öi ötlēkôre tö tarik ngam tövilöngö nö insā ngam Tēv:

2 PĪTÖR 1:4

Lökten Anga-aṅ nö kē-ĕkūö hī tö ngam töpōiṙāi, tökiröng kinlēḵngô; pò yīö hōtu lökten i në vītöre hamòl im töhet inlaha, öi ngaich ötkô-òngvah tö kūö nup tötkôlò ing panam, kūö tötlöök yinikhanga.

2 PĪTÖR 2:20

Pò cha yĕn hēk nö vönngö nö in e ngaich kô-òngvah, unôichrit ötkanô-òngvah cha tö kūö nup inchōichngö aṅ i panam, nö löklen im mikah cha nö im Mā Mahayööken Yēsū Kristu, ngaich ngam manā-aṅ lainyngen cha nö höichngen tö ngam mu-urĕh.

2 PĪTÖR 3:14

Lökten, kahōlö, yĕh meūköre öi höngö u anū-ö, haṙūöttökūöre hòṅ yīö min kôti im lanāmö, öi öt mirūnuvö, öt chnôichu inrē ikūö Ò.