YĀKÖP 1:26 - TÖHET LĪPÖRE (Re-edited) Bible (BSI)

²⁶ Yē ngòh tarik, nö im Tēv inlahen tölōnre, ngaich öt haköp ngam litākre, hachīl ellōnre pöri, töt kô-en an angū-ö falngen nö im Tēv.

YĀKÖP 1:26 Referans Kwoze

EFISÖS 4:29

Un töchōichu ṙô, löknyö elvāng yīö; öp tölöök pöri, hòṅ e nö hinòlṙen, kanôlò cha inrē yip hamang.

Salmai 141:3

Ō Mā Tēv, aṅtö kūö elvāng chu: aṅtö kūö inkūp në minuh chu.

1 PĪTÖR 3:10

Ngòh tö hòṅ hāngenlōn töre nö aṅ, tö hòṅ meuk tölöök sakāmö inrē; hökngen ò yēḵ nö haköp litākre i nup tötlöök, nup minuh ò inrē un ṙôtö töchōich ṙô.

EFISÖS 5:4

Unrēhĕn chanôichö, un rēhĕn nup töng yô-òv ṙô, nup tö-öt lööken, lahëḵ pöri ngam nöinyö,

INCHŌḴ-OṘÔ 19:1

Ĕhten ön ngòh yāich tarik ngòh lamök i mikah re, tö ngòh tarik ngòh töchōchô, tökulō-ovö inrē.

Salmai 34:13

Lakngö ngam litākre tö töt-löök: minuh meh inrē nö i huneū-euṅrô tö tötlöök.

INCHŌḴ-OṘÔ 10:31

Kumtö mikah an ngam elvāng tölöök, ṙāti pöri min ngam litāk tö chōich,

INCHŌḴ-OṘÔ 10:19

Öt hāṅten tanôichngen, yĕn maṙôngö ṙô, tö akaha pöri ngòh mahaköp minuh re.

KÒLÒSĪ 4:6

Hökngen nup ṙô yīö nö örheūheu nö holtö lanöökö, kumchiklöng tö sāl, hòṅ yīö huveū sapṙô cha nö kökö hĕng tak.

YĀKÖP 1:22

Kamëkö kaha ngam ṙô yin yēḵ; un höng hamang, öi hachīlöre.

YĀKÖP 1:19

Haköp ngih yin, kahōlö; hökngen taṙòkhöre tarik nö ka-eūyö elnang; ṙēmöṙô nö ṙô-òv; ṙēmö lanīnö:

INCHŌḴ-OṘÔ 16:25

Talöökö ap umuh tölöök tölōn tarik, kinpaha pöri öp tölngö ngam talöökö.

T. LŪKÖS 8:18

Haṙēmngenre yin lökten, tö nup ahangre; tön ngòh tö-aṅhaṅv-in, ngaich anga-aṅ min tö kē-ĕvkūö; ngòh tötaṅhaṅv-in, ngaich kē-ĕyö min nö in ò öp töng mi-in ò, tö lōn ò.

KALATĪ 6:3

Yĕn hĕng tak tarik tö kiröng tö lōnre, yē ò nöng tö rö-ö, hachīlöre an anga-aṅ

INCHŌḴ-OṘÔ 14:12

Talöökö öp umuh tö huveū tölōn öp tarik, kinpaha pöri öp tölngökūö e.

I. CHÖNGÖ 11:16

Haṙēmngenre më-eṅ, hòṅ meh öt hachīlö tö ellōn re ngaich kānngöre më-eṅ, ngaich lök la-en tahëng tēv, ngaich salāmö u;

KALATĪ 2:6

In cha pöri yip tö-eūnyu nö tö akaha öp tö sitih tö cha misī, öt tö-uroh angū-ö nö in chu: öt atöltu kūö an ngam Tēv cha-a yip ṙô chu, yip tö-akaha, öt kahëtu nö in chu:

T. MĀKÖS 7:7

Höng tötöl pöri cha-a nö hayīchö Chu; haköphötī tö fālen tarik nö inköphöti.

Isayā 44:20

Nyā tisum anga-aṅ; halō-ongkūö ò ngaich ngam inchīlö ò, ngaich rö-ö anga-aṅ nö kô nö ṙā-any re hēk ngö ṙô, Röh ap minyôiny-aṅ nö lahāmö chu?

INCHŌḴ-OṘÔ 21:26

Yikhanga ngòh tötlöök tarik irô-òtö sakāmö, kē-ĕti pöri ngòh tölöök öt ma-inngenre.

1 KÒRIN 15:2

Ngam lökten yīö inrē hayökaṙen; tö ṙô chu mikahtölōn yīö tö ngam tölöök inhānga, yē yīö haköpö e; öi öt höng tötöl ṙātö ellōnre.

T. MËTIV 15:9

Höng tötöl cha-a nö ve-ekūö Chu; haköphöti pöri tö fālen tarik, nö inköphöti.

MALAKI 3:14

Ngö ṙô yin ngaich, Chanök alaha an ngam linökö la-en ngam Tēv: asuh ap inrē kanôlò hī öi haköp ngih chöngö ò, tö hī inrē kiröönngöre i kūö ngam Mā Tēv yip tömaṙôngö öi höng haṙīvölōn?

Isayā 1:13

Uh yin kumtö töng töl tökētu; sā-òkkūö chin ngaich tö lōpān, tö ayöö chingëṅt töhet sakāmö inrē, tö ngam invëtö manūlö ötkô chin īnu tö tötlöök töp tö-ūnngen inrē inmūlö.

1 KÒRIN 15:15

Hôṅ, ngaich ihö inrē samūöcha, eūkö ngam Tēv; pò ih eūkö ngam Tēv nö hachohlen Kristū, ngam töt hachohlöngö tö Ò, yĕn ngatī vē tökpaha nö öt hachohlöngö.

INCHŌḴ-OṘÔ 16:10

I minuh rācha nup tö vīhötvö chöngö, öt köölö fālen öp elvāng ò i kinṙôka.

INCHŌḴ-OṘÔ 15:2

Ṙūönyö mikah an ngam litāk tö-akaha, vōknyö kumlō-ov pöri ngam elvāng tökulō-ov.

Salmai 32:9

Uh yin yēḵ höng sā kōra, hēk sā kötta, nup töt īnu tö mikah elmat: nup töng yanöṅtö tö inkāl elvāngre, hanīötkūöre inrē nö ṙanap u, pò u nö öt haröhtöre nö in meh yĕn öt ngatī.

YĀKÖP 2:20

Akahalōn öm min, Ō me-eṅ tarik mahanyatkö ellōn, tö ngam ṙinātö ellōn, yĕn köhngen tö nup la-en, nö öt ṙôngu?

KALATĪ 3:4

Chök alaha öi, ngih ṙôken kanihngen? Yē e nö kô-òngrit nö chanök alaha.

KALATĪ 2:9

Ngaich hē cha nö meuk ngam tökētu inlōnti nö in chu, ngaich hēḵ Yāköp, Kīfas, Yôhan inrē, yik tö-eūka nö machööḵlö, nö kē-ĕkūö chu tö Parnöpas, nö hamòlṙen; hòṅ ih ihö chuh i yip Tahëng mihëṅṙö tarik, ngaich cha-a nö i yip tö tunyīnyi;

1 KÒRIN 3:18

Un tarīku yēḵ mahachīlöre. Yĕn tarīku in yīö tö akaha tö lōnre, nö ing panam, hökngen ò yēḵ nö vīngöre nö tökulō-ov, hòn vīngöre anga-aṅ nö akaha.

NGAM LĪPÖRE YŌP 15:13

Öm havööngö ellōn re lā-al ngam Tēv, hökngen tö ngatī ṙô inrē nö ṙā-ang elvāng meh?

NGAM LĪPÖRE YŌP 30:11

Pò ngam Tēv nö tiyōlnyö ngam tökuvāha chu hayāich- ngen chu inrē, kavalngö milēḵṙen re yin nö i kūö chu.