YĀKÖP 1:22 - TÖHET LĪPÖRE (Re-edited) Bible (BSI)

²² Kamëkö kaha ngam ṙô yin yēḵ; un höng hamang, öi hachīlöre.

YĀKÖP 1:22 Referans Kwoze

RŌMA 2:13

Pòn öt höng yip hamangṙô ngam chöngö, tö löök nö i kūö ngam Tēv, tön yip töla-evṙen tö aṅ im chöngö, nö cha-a tö kaheuktu nö löök.

T. YÔHAN 13:17

Akahalōn yin yih ngaich tö u; tökôlò yin, yē yīö la-evṙen tö u.

YĀKÖP 4:17

Ngòh tö-akahalōn tö tölöök vahīṙenre, ngaich rö-ö nö vīken e, in ò an angū-ö tökööl.

1 YÔHAN 2:3

In e lökten in akahalōn tö hī akahakūö tö Ò, yē hī haköp në chöngö Ò.

T. LŪKÖS 11:28

Ngö ṙô pöri Anga-aṅ, Hôṅ kô; tökôlò yin vē hamang ṙô ngam Tēv, ngaich haköpö e.

T. MËTIV 12:50

Pòn kahëm Chu, kanānö Chu, yöng Chu inrē kikānö, ngòh töla-evṙen min tö lōn ngam Yöng Chu el halīö-ngö.

KÒLÒSĪ 3:17

Ngaich yē nup töng vahīṙen yīö, i ṙô, i la-en inrē, vīken u nö ṙòkhöre nö i minë-eny ngam Mā Yēsū, ha-öiny ngam Tēv Yöng lökten in Ò.

INMEUKHÖMAT 22:7

Yĕh meuk, kaeuitö yihih chin. Tökôlò öp anga-aṅ, öp mahaköp në ṙô vinë-eny mu-unôich aṅ mat ngih līpöre.

1 YÔHAN 3:7

Yī-ö nyīö, ui hökngenre halō-oikūö tö tarik. Tölöök ön ngòh tölöökö la-en sā Ò Anga-aṅ nö löök.

YĀKÖP 1:26

Yē ngòh tarik, nö im Tēv inlahen tölōnre, ngaich öt haköp ngam litākre, hachīl ellōnre pöri, töt kô-en an angū-ö falngen nö im Tēv.

KALATĪ 6:7

Un hachīlöre; töt hanyëḵngen an ngam Tēv: hamūl ṙòng taneūichre ön min ngòh tarik.

3 YÔHAN 1:11

Kahōlö, un asīnö ngam tötlöök, angū-ö pöri ngam tölöök. Anga-aṅ ngòh vamī tölöök, aṅ im Tēv: anga-aṅ ngòh vamī tötlöök, öt meuk ngam Tēv.

KALATĪ 6:3

Yĕn hĕng tak tarik tö kiröng tö lōnre, yē ò nöng tö rö-ö, hachīlöre an anga-aṅ

1 KÒRIN 6:9

Öt akahalōn öyih, tö vē tömichūṙen min nö öt amīnuvö tö ngam pūlngö ngam Tēv? Un nyātölōn; öt rēhĕn chamô-òṅkānö; vame-ekūö insātēv, ma-asĕhha, kumkantöre, chamô-òṅ kikōnyö.

T. MËTIV 28:20

Haköpten cha nö haköp nup taṙòkhöre tinölô yīö tö Chu. Yĕh meuk; örheūheu Chin holtöṙah yīö, söl ip manāngen ngih panam.

1 YÔHAN 1:8

Yē hī ötköölö fālen, tö ṙôre, ngaich höng mahachīlöre ayī-ö, öt īnu ayī-ö töm kanô-en.

FILIPĪ 4:8

Manā-aṅ, kahōlö, nup taṙòkhöre töng kô-en, nup taṙòkhöre töng tö ineū-euṅv, nup taṙòkhöre töng löök, nup taṙòkhöre töng het, nup taṙòkhöre töng hanāngen, nup taṙòkhöre töng löökö ineūkö; yĕn tölöökuvö in e, yĕn ineū-euṅvö inrē in e, fēkö u anū-ö.

1 KÒRIN 15:33

Ui hachīlöre; öt kôlò tī yin vē tötlöök hol, tö tölöök inlahen.

INMEUKHÖMAT 12:9

Suktu ngaich ngam tökiröng tulan, ngam pēch misī, ngam sī-ö, Sātān invëka, ngam mahachīl në taṙòkhöre panam. Suktu anga-aṅ nö el tumlat; hol ò nö ṙòkhöre yip Ma-ahānga ò, nö suktu.

2 PĪTÖR 2:13

Vāichö kanihngen pòn kūönkūö tövaich la-en; vē tarik kamheuṅktö e nö kumchikṙen nö hapōhore tö sakāmö, pitōt, tö paṙòk inrē, hapōhore i nup nyinā-aṅ i hanāngenlōn, isaha cha nö holkūö yīö nö im nyina-aṅ;

TAITÖS 3:3

Tön töt akaha in ayī-ö misī, töminôṙô, hachīlö, ṙōlö lahök tö töchōich lōn, intööḵngen minyam inrē, iyöng i kumnyah elmat inrē, sunrīkhö, kö sumrīkhen höö.

OPĒTIĀ 1:3

Hachīlö man tö inkeūlen ellōn re Ō me-eṅ mī-iyög el nup tökuhīôlhötre i kaha ihong nup lātulöng chūökö; tö ngö ṙô öm ellōn re, Chīap mīnö kamëten chu lā taṙeū?

Isayā 44:20

Nyā tisum anga-aṅ; halō-ongkūö ò ngaich ngam inchīlö ò, ngaich rö-ö anga-aṅ nö kô nö ṙā-any re hēk ngö ṙô, Röh ap minyôiny-aṅ nö lahāmö chu?

1 KÒRIN 3:18

Un tarīku yēḵ mahachīlöre. Yĕn tarīku in yīö tö akaha tö lōnre, nö ing panam, hökngen ò yēḵ nö vīngöre nö tökulō-ov, hòn vīngöre anga-aṅ nö akaha.

2 TIMÒTĪ 3:13

Vē tötlöök pöri tarik, mahachīl, nö ṙūöngenre, hachīl, hĕnghöre hachīlö inrē.

YERIMIĀ 11:6

Ngaich ngö ṙô ngam Mā Tēv tö chu, Ahangkö në ṙô i nup elpanam Yūtā, el nup kanröönö Yērusalem inrē: Hang në ṙô ngih kinlēḵngô la-evṙen inrē tö u.

YĀKÖP 4:11

Kahōlö, ui chōchöṙô tö höö. Ngòh töchōchô tö holre, hēk akah holre, chōchöṙô tö ngam chöngö, ngaich ma-akah ngam chöngö: yē meh pöri akah ngam chöngö, öt lamök im chöngö me-eṅ, ma-akah pöri.