YĀKÖP 1:2 - TÖHET LĪPÖRE (Re-edited) Bible (BSI)

² Kahōlö; ṙanāmölōn an yĕh, tö lōn yīö, yē yīö fukngö i nup töṙōlkangen kanihngen:

YĀKÖP 1:2 Referans Kwoze

YĀKÖP 1:12

Tökôlò ön ngòh tarik, ngòh töthanlöinyken tö kanihngen; pò ò min nö teūngen tö ngam sapīöv ngam nômö, yē ò min nö mihôiṅ, ngam ṙô ngam Mā nö kilēḵngôre nö in cha yip töhāngenlōn tö Ò.

FILIPĪ 1:29

Pòn kētu nö in yīö, nö pòkūö Kristū, öt höng ngam ṙinātö ellōn in Ò, tön kihngen inrē töpòkūö Ò:

2 PĪTÖR 2:9

Huveū-en an ngam Mā nö ṙānyö tölöök nö ṙā-ang i kinlaha ngaich ṙātö tötlöök nö elkatòh ötinkôlò, söl ip sakāmö kinṙôka;

KÒLÒSĪ 1:24

Ṙāmölōn chin i në kanihngenre tö pòkūö yīö, ngaich haṙënngö ngam töhāṅten chu-ö kanihngen Krsitū ing alahare, pòkūö ngam alaha Ò, ngih māṅ;

INMEUKHÖMAT 2:10

Uh man pa-ekūö tö u nup töt ṙôktörevö kanihngen meh; yĕh meuk, tö ngam sī-ö nö hòṅ rultöre nö sukhöt yip rēvre tö yīö nö el kinlōngö, hòṅ yīö kalaha; kanihnguṙen yin min söm sumkam. Söl i kinpahare kanô-en man yēḵ, ngaich kē-ĕkūö meh min chu-ö tö sapīöv aṅ i nômö.

INLAHEN 5:41

Kiröönngöre yik tanīnöṙô nö ṙā-ang i kūö yik kamhôṅka; ṙāmölōn töre nö halöngtuṙen nö sumrōngikūö tökūö ngam Mine-eny;

HEPRĀI 10:34

Sā yīö hĕnghöre aṙē-ĕlōn tö cha yip tö hakövö, ngaich ṙāmölōn öi kēḵ inyëḵngen nup amin yīö, kūö mikahlōnre töre öi amīnu töp tö hönlöre tö köp inrē.

FILIPĪ 2:17

Hôṅ, yē chu kētu im tökētu ane inrē mineukṙen ngam mikah yīö, ṙāmölōn chu-ö, ṙāmölōn hòṅ hol yīö ṙòkhöre:

RŌMA 5:3

Un höng ngatī, tön hĕnghöre ṙāmölōn ayī-ö, ta-a, i nup kanihngen hī; akahtöheichlōn tö ngam kanihngen nö vītö manöiyö,

YĀKÖP 1:16

Kahōlö, un hachīlö.

YĀKÖP 1:19

Haköp ngih yin, kahōlö; hökngen taṙòkhöre tarik nö ka-eūyö elnang; ṙēmöṙô nö ṙô-òv; ṙēmö lanīnö:

YĀKÖP 5:11

Yĕh meuk, tökôlò yin vē kameun, tö ṙô hī: ngaich yin hang manöinyö Yōp, ngaich meuk manā-aṅ tī ngam Mā, tö ngam Mā nö tötööḵlö tö miṙēlōn, tööḵlö inrē tö neūkölōn.

FILIPĪ 2:18

Ngatī yī-ö inrē ṙāmölōn, hol chu inrē ṙāmölōn.