YĀKÖP 1:19 - TÖHET LĪPÖRE (Re-edited) Bible (BSI)

¹⁹ Haköp ngih yin, kahōlö; hökngen taṙòkhöre tarik nö ka-eūyö elnang; ṙēmöṙô nö ṙô-òv; ṙēmö lanīnö:

YĀKÖP 1:19 Referans Kwoze

INCHŌḴ-OṘÔ 17:27

Tö akaha ön ngòh mam-iṅ ṙô re, tö akaha elmat inrē nö tarik ngòh tö ufōvö ellōn.

INCHŌḴ-OṘÔ 21:23

Ngòh mahaköp elvāng re litākre inrē köptī tö re nö la-uk kanihngen.

INCHŌḴ-OṘÔ 14:29

Ngòh töṙēmö tanānyö kiröngö mikah elmat, ngòh tö kurātö tanānyö pöri hapōilö kumlō-ovö.

INCHŌḴ-OṘÔ 10:19

Öt hāṅten tanôichngen, yĕn maṙôngö ṙô, tö akaha pöri ngòh mahaköp minuh re.

INCHŌḴ-OṘÔ 18:13

Yĕn hĕng tak öp samap ṙô urēhĕkūö ò nö hang, kumlō-ov ò an angū-ö sumrōngkūö inrē.

INCHŌḴ-OṘÔ 13:3

Haköp nômöre an ngam amahtö elvāng re; palā-airen ön ngòh vamā-anykūö re nö pōitī.

INCHŌḴ-OṘÔ 16:32

Anga-aṅ ngòh tö ṙēmö tanānyö ĕhten tö tökalēḵ, anga-aṅ inrē ngòh mahayöng ellōn re ĕhten tö ò öp kamë el panam.

EFISÖS 4:26

Līn yin, uh pöri köölö fālen; un meutti ngam tavūöi tö rôta lanīnö yīö.

INCHŌḴ-OṘÔ 15:18

Harunlö linā-alkūö ön ngòh tötainy tarik, ngòh töṙēmö tanānyö pöri tahngö linā-alkūö.

KÒLÒSĪ 3:8

Ngaich pöri yī-ö töngamuh ṙāngö në inrē nö ṙòkhöre nö ṙā-ang elvāng yīö; tanāinyö, lanīnö, ötlanöökölōn, chanökhuṙô, sinrōngkūö inrē.

EFISÖS 4:31

Hökngen nup taṙòkhöre kumnyahlōn, tanānyö, lanīnö inrē, hinūkö öt linëkö, holtö nup taṙòkhöre tötlöök, nö ṙā-ayö nö in yīö.

INCHŌḴ-OṘÔ 18:21

I minhôiṅyö litāk an ngam kinpaha nômö inrē, ngaich cha-a yip tö hāngenlōn tö e nyā ṙòng e min.

KÒLÒSĪ 3:15

Hökngen ngam lanāmen ngam Tēv nö hayöng nö ellōn yīö, ngam chūök invëtö yīö im tö hĕng alaha.

INCHŌḴ-OṘÔ 19:11

Vītö tarik an ngam mikah nö ṙēmö tanānyö, ineū-eu ò an inrē angū-ö ngam töt nginëchkö fālen.

INCHŌḴ-OṘÔ 15:2

Ṙūönyö mikah an ngam litāk tö-akaha, vōknyö kumlō-ov pöri ngam elvāng tökulō-ov.

INCHŌḴ-OṘÔ 25:28

Ngòh tarik tötkô nö hayöngöre sā ngih elpanam tö taṙēhĕyö ṙā-ayö ngaich nö ötkinlōngu.

INCHŌḴ-OṘÔ 14:17

Kulō-ovṙen ön ngòh tarik tö ka-eūyö tanānyö, tö möi pöri ngòh tarik tö akahaṙa.

T. MËTIV 5:22

Ngö ṙô pöri Chu-ö tö yīö, Ngòh lamā-alkūö holre, nöng öt löknyu chööḵnyi, kihngen min nö im kinṙôka. Ngòh tötlamëkôre tö holre, ngaich kihngen min nö i yip mā kamhôṅka. Ngòh ramūttö ötkanôlò, ngaich kihngen min nö i kūö tameūyö el chūök ötinkôlò.

INCHŌḴ-OṘÔ 17:14

Ngam ranehlö linā-alkūö sā tö löpnyukūö mak; lökten kē-ĕngre urēhĕkūö öp linā-alkūö.

YĀKÖP 1:26

Yē ngòh tarik, nö im Tēv inlahen tölōnre, ngaich öt haköp ngam litākre, hachīl ellōnre pöri, töt kô-en an angū-ö falngen nö im Tēv.

1 TÖSALÒNIKĒ 2:13

Angū-ö an chööḵnyö ih öt ṙākôre ha-öiny ngam Tēv, pò yīö hē yīö kēḵ ngam ṙô inhānga in ih, ngam ṙô ngam Tēv, ngaich hōḵo e yī-ö, nö öt ṙô tarik, sā ṙô ngam Tēv pöri, nö im kanô-en, ngam mahalöinyköre nö in yīö öi ṙamātö ellōnre.

NAHIMIĀ 9:17

Sōḵ cha-a nö hang chöngö, ngaich öt köpölōn tö nuk pinngangkūö nuk tī meh in cha; hangëngö likeun re pöri cha-a ngaich vīlö yöngṙen re nö havantöre nö el inkövöre nö i Aikup. Tēv pöri më-eṅ tölēnen aṙē-ĕl, tö-aṙē-ĕlōn tö-aheūkölōn inrē, töt ka-eūyö tanānyö töpōyen, aṅ in inrē tö tököp hanāngenlōn, ngaich rö-ö öm ṙāngen cha.

INLAHEN 17:11

Töakaha yik cha-a tö yik aṅ Tösalònikē; pò cha nö lēnö ellōn nö hōḵo ngam ṙô, örhĕnghang sumkam nö ngëichkö mat līpöre, yē u anū-ö nö tökô-en.

T. LŪKÖS 19:48

Ngaich öt kôtökūö cha-a tö tīre; pò më tarik nö havīlen Ò, nö hang ṙô Ò.

T. MĀKÖS 2:2

Ngaich maṙôngö yik mahamūlöre; lökten cha nö öt ōtre chūök, öt rēhĕn nöng i kūö inkūp öre. Ngaich mumkahten cha Anga-aṅ.

INCHŌḴ-OṘÔ 19:19

Kētö sācha öp min tarik tö kiröngö lanīnö; pò meh yē meh ṙānyen ò, höng hēkhökūöre me-eṅ min ngatī.

INLAHEN 10:33

Ngaich ilööṙen chū-ö tīnngö lamukken meh; ngaich me-eṅ löök öm yih. Ṙòkhöre in īhö ngaich ihih, i kūö ngam Tēv; öi hòṅ hang nup taṙòkhöre tinöölô meh tö ngam Mā Tēv.

INLAHEN 2:42

Ngaich cha-a nö kamnipkūö nö im inköphöti tö yik tanīnöṙô, i innôlö, i finòkö rôti, i vine-eṅkūötēvinrē.

T. LŪKÖS 15:1

Ngaich ṙòkhöre yik mahamūl ṙāi kinehet chehen, yik tököölö fālen inrē, nö ṙūötöre nö hòṅ hang ṙô Ò.

NAHIMIĀ 9:3

Söklöre cha-a ngaich nö i chūök re ngaich vë-ekūö ngam līpöre chöngö ngam Mā Tēv ngam Tēv cha lūöi köṅny ṙô rô-òten ngam sakāmö; ngaich im tahëng tölūöi köṅnyṙô cha-a nö vë-eny tökööl re salām ngam Mā Tēv inrē, ngam Tēv cha.

1 YÔHAN 2:21

Rö-ö chin kūichhöti in yīö nö pò yīö öt akahalōn töm kanô-en, tön pò yīö akahalōn tö e, pòn öt aṅ im kanô-en ngam minyôiny inrē.

INLAHEN 13:48

Ngaich hē yik tahëng mihëṅṙö tarik nö hāngö e, ṙāmölōn cha-a ngaich; ngaich ha-öiny ngam Mā Tēv. Ngaich yik tö hōtu nö im nômö tö örheuheū-aṅ, nö ṙātö ellōnre.

T. MĀKÖS 12:37

Yē Tāvit nö Mā ngö, nö havëken Ò, aṅyih Ang nö Kūön ò? Ngaich yik tömaṙôngö nö ṙāmölōn nö hang ṙô Ò.

NAHIMIĀ 8:18

Kaheuk sakāmö ngaich, löktökūö ök raneh sakāmö söl ik manā-aṅ sakāmö, anga-aṅ nö vë-ekūö ngam līpöre chöngö ngam Tēv. Sat sumkam cha-a nö haköpken ngam nyinā-aṅ; ngaich im hinëvhöre sakāmö ök töchēv manūlö, sā ngam chöngö.

KINṘEŪKÖ 22:27

Meuk ök ma-ahānga aṅ im Mā Tēv ngam köttö, ngaich hulalngöre anga-aṅ nö el katòh Pēlām: hūlökūö tanāinyö ngaich Pēlām, foh ngam köttö ngaich anga-aṅ aṅtī tök tinkung re.

INCHŌḴ-OṘÔ 29:20

Meuk tarik öm ṙung tökurat nö i ṙô re? Mötlö ap mineūka ti tökulō-ov töp in ò.

INLAHEN 1:15

Lohten nö hēngòng nët anāi yik tömaṙôngö nö hamūlöre; hē e Pītör nö söklöre nö ellōn cha, ngaich ngö ṙô tö cha,

YĀKÖP 1:2

Kahōlö; ṙanāmölōn an yĕh, tö lōn yīö, yē yīö fukngö i nup töṙōlkangen kanihngen:

YĀKÖP 1:16

Kahōlö, un hachīlö.

YĀKÖP 2:1

Kahōlö, un ṙapka ngam rinātö ellōn i ngam Mā hī Yēsū Kristū, ngam Mā kanôlò, nö holtö intöllen tarik.

YĀKÖP 2:5

Kahōlö, hangihtöre yin; Röh Ang ngam Tēv nö katöllen cha, yip yāich nö ing panam, nö tökôlò nö im ṙinātö ellōn, tö amīnu inrē tö ngam pūlngö ngam tö ngaich nö kilēḵĕyö nö in cha. Yip töhāngenlōn tö Ò?

YĀKÖP 3:10

Höng hĕng ngam elvāng nö löknyö ineū-eu, öt linëkô inrē, Yī-ö hol chu, rö-ö nun anū-ö nö kô nö ngatī.

YĀKÖP 4:11

Kahōlö, ui chōchöṙô tö höö. Ngòh töchōchô tö holre, hēk akah holre, chōchöṙô tö ngam chöngö, ngaich ma-akah ngam chöngö: yē meh pöri akah ngam chöngö, öt lamök im chöngö me-eṅ, ma-akah pöri.

YĀKÖP 5:12

Kahōlö, möthë tö taṙòkhöre, un chūökkūṙô, un rēhĕn nö im halīöngö, un rēhĕn nö im panam, un rēhĕn nö i töng chūökṙô: hökngen ap tö hôṅ pöri in yīö nöng tö hôṅ, öp tö hö-ö inrē in yīö nöng tö hö-ö; hòṅ yīö öt fuk elkatòh ngam kinṙôka.

YĀKÖP 5:19

Hol chu, yĕn hĕng tak tölō-ongkūö aṅ in yīö, nö ṙā-ang im kanô-en, ngaich hĕng tak öp mahavanten ò:

NGAM LĪPÖRE YŌP 32:16

Höka öich pökeh, tökūö cha nö öt ṙô-òvö, pò cha nö sökhak nö umuh, öt hēk nö sapṙô?