YĀKÖP 1:14 - TÖHET LĪPÖRE (Re-edited) Bible (BSI)

¹⁴ Kalaha pöri ngòh tarik, yĕn tūöki anga-aṅ töp lōnre, ngaich hachōḵoyö.

YĀKÖP 1:14 Referans Kwoze

EFISÖS 4:22

Hòṅ yīö ṙāngö nup mu-urĕh inlahen yīö ngam höteh tarik, ngam tötkôlò i nup tötlöök lōn inchīlö;

T. MËTIV 15:18

Nup lamöknyö elvāng pöri, nö ṙā-ang ellōn, töchōchö tī tö tarik.

HEPRĀI 3:13

Halēnö höö pöri kaheuk sakāmö, i rô-òten e nö tötaheui; hòn öt hĕng tak tö yīö tö hangëḵeyö im inchīlö aṅ im tökööl:

Isayā 44:20

Nyā tisum anga-aṅ; halō-ongkūö ò ngaich ngam inchīlö ò, ngaich rö-ö anga-aṅ nö kô nö ṙā-any re hēk ngö ṙô, Röh ap minyôiny-aṅ nö lahāmö chu?

RŌMA 7:13

Ngaich pökeh hòng ngam tölöök nö kinpaha nö in chu? Öt halöng an ngam Tēv, ngam tökööl pöri, hòṅ e nö hameuktu nö tökööl, nö vītö kinpaha nö in chu, nö lökten i ngam tölöök; hòn lökten ngam chöngö ngam tökööl nö kiröngen kanöölö.

INCHŌḴ-OṘÔ 4:23

Haköp ellōnre i hinöngöre; tön löknyö in e ap nö hëmnyi mak nômö,

T. MËTIV 5:28

Ngö ṙô pöri Chū-ö tö yīö, tö ngòh ngamëchkö ngòh kikānö nö hòṅ lōnu tö ò; ngaich nö ma-asĕhken ò ang-aṅ nö ellōnre.

RŌMA 7:11

Pò ngam tökööl nö lökten im chöngö, nö kôtökūö tö lökngövah, ngaich hachīlö chu, ngaich lökten in e nö fëlngen chu.

NGAM LĪPÖRE YŌP 31:27

Ngaich öp ellōn chu inrē nö ulāikenre nö haṙöiyi, ngam minuh chu inrē nö hām- kūö eltī chu;

NGAM LĪPÖRE YŌP 31:9

Yē ngih ellōn chu nö haṙöiyi tö kikānö, ngaich chū-ö hayun kūö inkūp öp hol re;

T. MËTIV 15:20

Öt chōchö tī pöri tö tarik ngam ötsinöichö eltī yĕi nyā.

Ranehlö 6:5

Ngaich ngam Mā Tēv nömeuk tö ötlanöökö tarik nö kiröng nö im tumlat, ane inrē ṙòkhöre chanöh ellōn ò nö iṙūöhen nö ötlöök.

Ranehlö 8:21

Ngaich ngam Mā Tēv nö tong tökuchik tinhūsö; ngaich ngam Mā Tēv nö ngö ṙô nö ellōnre, Rö-ö Chin min hēk rūttö öt kanôlò ngam tumlat nö hēkngöre tö pòkūö tarik, pò ngam chanöh ellōn tarik nöng tötlöök löktökūö nyīni-öṅ ò; ötrēhĕn Chin min hēk fël nup tö-aṅ chehen Öich hēkngöre, sā tī Chu ngaich.

HŌSĪ 13:9

Ō Israel, inhatngö meh ana, pò meh lā-al chu, lā-al ngam hamòlṙen meh.

Ranehlö 3:6

Ngaich hē ngam kikānö nö meuk tö ök chōn nö tölöök nö nyā-aṅkūö, ane inrē tö ò nö kumchik elmat, tö ngam chōn inrē nö töhòṅ akahatī, kē ṙòng anga-aṅ ngaich nö in ò, ngaich nyā; kē-ĕkūö ök pīhöre anga-aṅ inrē ök in ò, ngaich nyā anga-aṅ.

2 SAMUĔL 11:4

Tīnngö tö kumtö ṙô ngaich ang Tāvit, ngaich kē an; yih ngaich anga-aṅ nö in ò, ṙōlngöre ngaich anga-aṅ nö holtöṙah ò. (Pò ò nö ahetlöre tök kumnyahṙenre.) Havan ngaich anga-aṅ nö i patīre.

T. MËTIV 4:1

Ngaich Yēsū nö hachōkoi tö ngam Töhet Fanöinylö, nö elinchōnngö, nö kalaha tö ngam sī-ö.

YĀKÖP 1:13

Un tarīku tö ngö ṙô, yē ò nö kalaha, Kalaha chin tö aṅ im Tēv: tön rö-ö An ngam Tēv nö kô nö kalaha tö tötlöök, rö-ö an Anga-aṅ nö kalah tarik:

YĀKÖP 1:15

Ngaich ngam tötlöök nö kumtö tökööl, yē e nö lēnngötī nö ellōn: ngaich ngam tökööl nö kumtö kinpaha, yē e nö ngaich nö tömngö.