YĀKÖP 1:12 - TÖHET LĪPÖRE (Re-edited) Bible (BSI)

¹² Tökôlò ön ngòh tarik, ngòh töthanlöinyken tö kanihngen; pò ò min nö teūngen tö ngam sapīöv ngam nômö, yē ò min nö mihôiṅ, ngam ṙô ngam Mā nö kilēḵngôre nö in cha yip töhāngenlōn tö Ò.

YĀKÖP 1:12 Referans Kwoze

1 PĪTÖR 5:10

Ngam Tēv, lökten taṙòkhöre inlōnti, ngam mahavëten yīö im tö-örheūheu kanôlò, in Kristū, Anga-aṅ min mahateungten yīö haköpö yīö, hangëken yīö inrē; unôichrit yīö rahëchtaṙen kihngen.

INMEUKHÖMAT 2:10

Uh man pa-ekūö tö u nup töt ṙôktörevö kanihngen meh; yĕh meuk, tö ngam sī-ö nö hòṅ rultöre nö sukhöt yip rēvre tö yīö nö el kinlōngö, hòṅ yīö kalaha; kanihnguṙen yin min söm sumkam. Söl i kinpahare kanô-en man yēḵ, ngaich kē-ĕkūö meh min chu-ö tö sapīöv aṅ i nômö.

YĀKÖP 5:11

Yĕh meuk, tökôlò yin vē kameun, tö ṙô hī: ngaich yin hang manöinyö Yōp, ngaich meuk manā-aṅ tī ngam Mā, tö ngam Mā nö tötööḵlö tö miṙēlōn, tööḵlö inrē tö neūkölōn.

RŌMA 8:28

Akahalōn ayī-ö tö e nö in cha yip töhāngenlōn töm Tēv, holre nö ṙòkhöre nö vī tölöök, in cha inrē yip tö havëtu nö sā ap chööḵnyö Ò.

T. MËTIV 10:22

Surīkhu yin min tö taṙòkhöre tarik, töpòkūö Minë-eny Chu. Ngòh tököp pöri, nö söl ip manā-aṅ, anga-aṅ min töhayöökaṙen.

1 KÒRIN 9:25

Vē tarik tö kö kamlahnyöre nö im minyam, nöng ṙūöngten nö i tö keuhtūttöre. Asōl yin cha-a, pòn hòṅ teūngen tö töchahū-uyö sapīöv; teūngen pöri min ayī-ö, töp töt chahū-uyö.

1 PĪTÖR 3:14

Yē yīö pöri kihngen tökūö ngam tölöök, töṙāmölōn yī-ö. Ui pa-ekūö tö cha; ui röingölōn rēhĕn,

2 TIMÒTĪ 4:8

Töngamuhöten ap sapīöv lanöökö nö ṙātu hinöngken chu, tökētu min tö ngam Mā nö in chu ip sakāmö angū-ö; ngam töt atöltuṙen kamhôṅka; öt höng chū-ö, tön ṙòkhöre cha-a inrē, yip tö hāngenlōn ip mineūkö Ò.

YĀKÖP 2:5

Kahōlö, hangihtöre yin; Röh Ang ngam Tēv nö katöllen cha, yip yāich nö ing panam, nö tökôlò nö im ṙinātö ellōn, tö amīnu inrē tö ngam pūlngö ngam tö ngaich nö kilēḵĕyö nö in cha. Yip töhāngenlōn tö Ò?

1 PĪTÖR 5:4

Ngaich yē ngam yöngkūö më yōmpököre min nö hameuktu, teūngen yī-ö min tö sapīöv kanôlò töt pinheūmu.

1 KÒRIN 2:9

Ngaich pöri nö sā kinūichngö e, Nup töt meūkö tö mat, öt hāngö inrē tö elnang, ane inrē nup töt meuthöt nö ellōn tarik, nup töng halēnngö ngam Tēv, nö chöönyö tö yip töhāngenlōn tö Ò.

I. CHÖNGÖ 8:2

Köpölōn yī-ö inrē tö nup talöökö nup talöökö tī ngam Mā Tēv nö hachō-o yīö el tönyalnyi i në töfën anāi samyeūheu, pò ò nö hòṅ miṙēngen yīö, nö kalaha yīö, pòn hòṅ akahalōn, tö ellōn yīö, yē yīö hō haköp në chöngö ò hēk yēi rö-ö.

INCHŌḴ-OṘÔ 17:3

Chūök inṙöich rupīö tanīönyö, tö hūkūö tameūyö inrē i humlum, kalah ellōn inrē ngam Mā Tēv.

SAKARIĀ 13:9

Ngaich chū-ö min kētö ngam linūöi mi-ëlö nö löknyö kūö tameūyö, ngaich halöök tit u min sā inlöök tit rupīö, ngaich kalahten u min inrē nö sā kinlahten humlum: ngaich cha-a min nö havëkö minënyö chu, ngaich hang ṙô cha chū-ö min: Ngö ṙô chin min, tarik chu yin; ngaich ngö ṙô min cha-a, Tēv chu An ngam Mā Tēv.

INMEUKHÖMAT 3:21

Anga-aṅ ngòh tömihôiṅ, kēḵĕkūö ò min chū-ö tö inūichhaka nö hol chu nö el kantēra chu, sā chu chu-ö ngaich mihôiṅ, ngaich ūichngöre hol ngam Yöngre el kantēra Ò.

1 PĪTÖR 4:13

Ṙāmölōn yin sā yīö ngaich hamòl im kanihngen Kristū, hòn hē öp inmeuktö öp kanôlò Ò inrē yī-ö min pōyen ṙanāmölōn.

1 KÒRIN 8:3

Yĕn tarīku pöri tö hāngenlōn töm Tēv, anga-aṅ tö-akaha tö Ò.

INMEUKHÖMAT 3:19

I tum tat yip hanāngen chu, vëken cha chū-ö chökṙen cha inrē: lökten kalēḵĕ ellōn, havöötö ellōnre inrē.

I. CHÖNGÖ 13:3

Uh më-eṅ hang në ṙô öp pròfĕt anga-aṅ, hēk ap hameūv heūvö: tön kalaha meh an ngam Tēv meh ngam Mā pòn hòṅ akahalōn yē meh hāngenlōn tö ngam Tēv meh ngam Mā Tēv öm keuheūttö ellōnre keuheūttö nômöre inrē.

HEPRĀI 10:32

Fēkö nuk misī sakāmö, unôichrit yīö ngaich mikahtu elmat, ngam chūök yīö hökngenre tökiröngö kanihngen;

Salmai 119:71

Tölöök an nö in chu öch hakihten re sin: hòṅ chu haköp në chöngö Meh.

I. CHÖNGÖ 7:9

Akahalōn yin lökten tö ngam Mā Tēv ngam Tēv yīö, Angā-aṅ an Tēv; tökô-en nö Tēv, ngam tököp tö kinlēḵngô miṙēlōn inrē in cha yip töhāngenlōn tö ò mahaköp në chöngö ò inrē söl i tököṅnyu tumköl chap;

HEPRĀI 6:15

Ngatī, pītnyöre nö i manöiyö, teūngen ngaich anga-aṅ tö ngam kinlēḵngô.

T. MËTIV 25:34

Ngaich ngö ṙô min ngam Rācha tö cha yip lahāmö Ò, Ta-ih, yī-ö tö kôlò tö tī ngam Yöng Chu; amīnu tö ngam pūlngö tö halēnkaṙen tö pòkūö yīö, hētentö ranehlö ngih panam.

Salmai 119:67

Urĕh chin sin kihten ngaich lōngen: ngaich chin töngamuh haköpkö në chöngö Meh.

NAHIMIĀ 1:5

Ngö ṙô chū-ö, Ō Mā Tēv ngam halīöngö, tökiröng Tēv inrē tö pahë-ev mahaköp kinlēḵngô tököpö hanāngenlōn inrē tö cha yip tö hāngenlōn tö ò mahaköp nup chöngö ò inrē;

HEPRĀI 11:17

Lökten i ṙinātö ellōn ang Aprahām nö kalaha, kēḵngen Īsak ngaich: hôṅ, anga-aṅ tö ṙāmölōn nö kēḵ, minë kinlēḵngô, ngaich nö kēḵngö ök töng hĕng maneuk kūönre kikōnyö;

Salmai 119:75

Ō Mā Tēv, akahalōn chin tö minë inkaha fālen aṅ in Meh nö tö chip: tö Meh inrē im kanô-en re hakihten chu.

1 YÔHAN 4:19

Hāngenlōn in; pòn urĕh Anga-aṅ nö hāngenlōn tö hī.

Isayā 64:4

Löktökūö misī nö öt hĕng tak hamang hēk öt akaha elnang, öt hĕng tak mameuk Tēv öp hol meh, öp töla-evṙen tö pòkūö cha yip hamökken ò.

Salmai 5:11

Hökngen cha pöri nö ṙāmö-lōn nö hayönglenre nö in meh, hökngen cha nö ṙāmö-lōn nö pōitô nö hū-a pò meh laklen cha: hökngen cha inrē yip töhangenlōn tö minë-eny meh nö ṙāmölōn.

MANEUTNYI 20:6

Hameuk tö miṙēlōnre i yip köṅnyu in cha yip tö hāngenlōn tö chu, mahaköp në Chöngö chu inrē.

HEPRĀI 12:5

Vaichngö yin tö ngam ṙinūöhöl alaha, vame-ekūö, nö sā kūönre ṙô; Kakūönö, uh man höhölōn tö ngam vinëköre aṅ im Mā Tēv, um rēhĕn uhā-en yē meh chöken tö Ò.

NGAM LĪPÖRE YŌP 5:17

Yĕh meuk, töṙāmölōn ön ngòh tarik tövëka tö ngam Tēv; lökten un öt kūöngen tö chinök- ṙen re töm Tökeuheūttöre Chöngö.

Salmai 94:12

Tökôlò ön ngòh tarik, ngòh töchöken tö Meh, Ō Mā Tēv: tö haköptu inrē tö Meh tö aṅ im chöngö.

Ranehlö 22:1

Chalô ngaich tö e, unôich tö në, töngam Tēv nö kalaha Aprahām, nö ngöṙô tö ò, Aprahām, ngaich ngöṙô anga-aṅ, Ihih chini.

NGAM LĪPÖRE YŌP 2:10

Ngö ṙô pöri anga-aṅ tö ò, Sā ṙô töhĕng tak man më-eṅ tökulō-ov kikānö öm ṙô-òv. Höng tölöökhöre taneūngen öi min eltī ngam Tēv, öt teūngen öi min inrē tö tötlöök? In u ang Yōp nö ṙòkhöre nö öt köölö fālen nö i minuh re.

Salmai 11:5

Kalah tölöök an ngam Mā Tēv: surīkhö ngam tötlöök pöri ngam töhangenlōn inrē tö inngëtachōich.

T. LŪKÖS 6:22

Tökôlò yin yī-ö, yē tarik min nö kunyahaṅelmat tö yīö, yē cha inrē nö harēvngen yīö töre, nö sumrōngngökūö yīö, sā tötlöök, töpòkūö ngòh kūön Tarik.

RŌMA 5:4

Ngam manöiyö, tī tö inmeukten inrē, tī tö mineūka;

2 TIMÒTĪ 2:15

Haṙēmngenre man öm kētöre töhōḵov im Tēv, öm töla-evṙen töt hōḵ sirōngkūö, hachip tīre tö ngam ṙô kanô-en.

1 PĪTÖR 4:14

Tökôlò yin, yē yīö sumrōngikūö tö kūö mine-eny Kristū; pò ngam Fanöinylö ngam kanôlò, ngam Fanöinylö ngam Tēv nö i kui yīö nö ngöh.