YĀKÖP 1:10 - TÖHET LĪPÖRE (Re-edited) Bible (BSI)

¹⁰ Ngatī ngòh tökôlò inrē im inyāichngöre; pò ngòh tökôlò min tarik nö sā chanuhu në ṙòng chōn.

YĀKÖP 1:10 Referans Kwoze

1 PĪTÖR 1:24

Pòn, Ṙòkhöre në alaha nöng kiyôp, Ṙòkhöre nup vanā- yö u nöng sā panöpnyòng kiyôp. Nyangngö ngam ki- yôp, sukngöre ngaich ngam panöpnyòng e:

1 YÔHAN 2:17

Ngaich ngih panam nö chuhngöre nö holtö nup töchōich lōnre: anga-aṅ pöri ngòh töla-evṙen tö lōn ngam Tēv köp nöng örheūheu.

NGAM LĪPÖRE YŌP 14:2

Sīöp an sā ṙòng chōn, nyang- ngö inrē; sā pinnyatngö nyat an, öt ngö- haka inrē.

1 TIMÒTĪ 6:17

Vëkö yip tökôlò nö ing panam töngamuh, hòṅ cha nö öt tulöng ellōn, hòṅ cha inrē nö öt i nup töt kamngu kanôlò ellōn nö meūka, im Tēv pöri, ngam töpōyen tī nö kētö taṙòkhöre inṙamlōn hī;

T. MËTIV 5:3

Tökôlò yin vē töyāichö ellōn; pòn pūlngö cha ngam halīöngö.

1 KÒRIN 7:31

Ane inrē yip kamëtö aṅ ngih panam, sā töt tööḵ-önglōn: pò ngam fehe ngih panam nö chuhngöre.

Salmai 103:15

Ngòh tarik pöri, höng sā kiyôp nun në sakāmö ò: sā panöpnyö ṙòng chōn an, ngatī sanīöplö an.

YĀKÖP 4:14

Ngaich rö-ö yī-ö akahalōn töp min ip huṙöich. Asuh öng ngam nômö yīö? Tö yīö höng hanusngö, töng rahëichtaṙen meūkö, chaṙēviyö ngaich.

T. MËTIV 6:30

Yē ngam Tēv nö ngatī lanöökö tī tö në chōn ngam elkahôyö, në töng tötaheui, ngaich inmeui tameūyö huṙöich; röh Ang öre nö mööḵlö tī tö hilā yīö, Ō yī-ö tökūöṅnen mikah?

Isayā 66:2

Vahīṙen në kuntī chu nun në, lökten në taṙòkhöre nö chū-ö chu, ṙô ngam Mā Tēv Ngòh pöri tarik ngahëichkö chu min, ngòh yāich töhaṙivlōn tö tökööl re inrē, tökichëyöre inrē tökūö ṙô chu.

Isayā 40:6

Ngih ṙô öp töhĕng tak nö ngö ṙô, Hū-a. Ngaich ngö ṙô chū-ö, Sūāp min ṙô chu hū-a? Ṙòkhöre min në alaha nöng kiyôp, ṙòkhöre nup lanöökö in u inrē nöng sā panöpnyö ṙòng chōn elkôyö.

FILIPĪ 3:8

Hôṅ kô; kaheuktö u chin nö yanëḵngen, kūö ngam tölngö lanöökö mikah aṅ in Kristū Yēsū ngam Mā chu: ngam töpô-òvkūö tö chu yëḵngen tö taṙòkhöre, ngaich kaheuktö u ngö sôḵ nuā, hòṅ chu teūngen tö Kristū,

Isayā 57:15

Tön ngö ṙô An ngam lātulöng ngam tömarô-òl chūök, ngam mī-iyöng im tötchnūhuvṙen, ngam tö minënyu tö ngam Töhet: Iyöng lātulöng chin Töhet chūökö inrē hol ò inrē öp tö haṙivlōn tö tökööl re, töyāichö ellōn inrē, mahā-aṅ ma-alaha öp yāich, ane inrē mahā-aṅ nômö öp töhaṙivlōn tö tökööl re.

Salmai 102:11

Sā nyat nuk sakāmö, ap törūöngö: nyangngö chin inrē ngaich sā kiyôp.

Salmai 37:2

Pò cha min nö ka-eūyen nö köti sā kiyôp: ngaich nyīk-ngö sā nup tö-ayal kun chōn.

Salmai 39:6

Kôngen ön ngòh tarik nöng sā nyat; kôngen yin nöng tötöl: hamūl kanôlòre ön, ngaich öt akahakūö töp mahamūlö u min.

Isayā 40:7

Nyangngö kiyôp, nyīkngö panöpnyö kūö ṙòng chōn; pòn föötöre ngam unhômö ngam Mā Tēv nö i kui u: kô-òngrit ön ngòh tarik nöng kiyôp: