YĀKÖP 1:1 - TÖHET LĪPÖRE (Re-edited) Bible (BSI)

¹ Salām yip tö nët sīön miyöngö, yip tö parāti an Yāköp, kūönkūö ngam Tēv, ngam Mā Yēsū Kristū inrē.

YĀKÖP 1:1 Referans Kwoze

ISIKĪ-ĔL 12:15

Ngaich cha-a min nö akahakūö tö chu öich Mā Tēv, yē chu pirātngen cha in vē pumnāmö tarik pirātngen cha inrē keuheūtngöre chūök i në panam.

1 PĪTÖR 1:1

Pītör, tanīnöṙô Yēsū Kristū, löö i yip töparāti mi-iyöng Pòntös, Kalatī, Kapatosiā, Āsi; Pitāniā inrē,

T. YÔHAN 7:35

Lökten yik Yahūti nö ngö ṙô nö in re, Chuh yih Angvöh min ngòh tarik, töp lökten hī öt kôtökūö min tö Ò? Chuh i yip töparāti Angvöh min, i yip tahëng mihëṅṙö tarik, nö haköpten cha?

INLAHEN 8:1

Hōḵngö kinpaha ò inrē ang Sôl. Ngaich hē e, ök yöng ötinkôlò ngam māṅ i Yerūsalem; ngaich cha-a nö ṙòkhöre nö kö parātṙen keuheūngöre chūök i chīṙö Yūtā, Samariā inrē; höng yik tanīnöṙô hötītö.

INLAHEN 26:7

Ngam kinlēḵngô maheūṅkkö inteungten yik tö nët sīön miyöngö, kalēḵĕlōn nö lök la-en ngam Tēv, nö peuheū harap. Kūö ngih mineūka chin vënyu tö yip Yahūti; me-eṅ rācha.

INLAHEN 15:23

Ngaich ngö tī cha-a nö kūichtö kum cha, Salām yip aṅ Antī-òk, Siriā, Kilikī inrē, yip tahëng mihëṅrö Kristīön, vē tanīnöṙô, tö vē mā inrē.

TAITÖS 1:1

Töhakövö an Pôl tö ngam Tēv, ane inrē tanīnöṙô Yēsū Kristū, sā ngam ṙinātö ellōn yip katöllö ngam Tēv, ane inrē sā ngam inkaha ngam tökô-en, ngam tö sā lanöökö,

KALATĪ 2:9

Ngaich hē cha nö meuk ngam tökētu inlōnti nö in chu, ngaich hēḵ Yāköp, Kīfas, Yôhan inrē, yik tö-eūka nö machööḵlö, nö kē-ĕkūö chu tö Parnöpas, nö hamòlṙen; hòṅ ih ihö chuh i yip Tahëng mihëṅṙö tarik, ngaich cha-a nö i yip tö tunyīnyi;

INLAHEN 15:13

Keuheūthë ṙô cha-a, kaknyöre ngaich Yāköp, nö ngö ṙô, Kahōlö; hangihtöre yin tö ṙô chu.

I. CHÖNGÖ 28:64

Ngaich min ngam Mā Tēv nö pirātngen yīö i taṙòkhöre tarik, löktökūö öp tö hĕng manā-angkūö ngam tumlat söl ip tahëng manā-angkūö ngam tumlat; ngaich umuh më-eṅ min lök la-en tahëng tēv nup töt mikahkūö meh öt rēhĕn nö mikahkūö yik muvöhngö yīö, chōn ihong inrē.

RŌMA 1:1

Töhakövö ön Pôl tö Yēsū Kristū, havëtu nö tanīnöṙô, hakösiṙen im tölöök inhangkö ngam Tēv;

INLAHEN 21:18

Ngaich im huṙöich sakāmö ang Pôl, nö holten ih, nö chuh in Yāköp, ṙòkhöre yik mākūö ngam māṅ nö umuh.

T. YÔHAN 12:26

Yĕn tarīkuvö tö hòṅ lök la-en Chu, hökngen ò yēḵ nö tömrit Chu; ngaich i chūök Chu, in e min ngam kūön Chu inrē. Yĕn tarīkuvö tö hòṅ lök la-en Chu, hakôlöng ṙô min anga-aṅ tö ngam Yöng.

T. MËTIV 19:28

Ngaich Yēsū nö ngö ṙô tö cha, Tökô-ò ṙô Chin tö yīö yī-ö tamömrit Chu, i tinfömlö taṙòkhöre, hē ngòh Kūön Tarik min nö ūichlöre nö el kantēra kanôlòre; ūichlöre min yī-ö inrē, ël nup tö nët sīön kantēra, kakòkken yip tö nët sīön miyöngö Israĕl.

NGAM LĪPÖRE KAHŪICH YŪT 1:1

Tīnngö sinlāmö ön Yūt, kūönkūö Yēsū Kristū, kahëm Yāköp, i yip töhavëka, hanāngen im Tēv Yöng, yip töhaköpka tö pòkūö Yēsū Kristū inrē:

2 PĪTÖR 1:1

Simōn Pītör, kūönkūö ane inrē tanīnöṙô Yēsū Kristū, löö in cha yip tö ngaichnö teūngen tö ngam töngatī töpōiṙāi ṙinātö ellōn nö hol hī, i lanöökö ngam Tēv hī ngam Mahayööken inrē Yēsū Kristū:

FILIPĪ 1:1

Pôl Timòtī inrē, töhakövö in Kristū Yēsū, yip taṙòkhöre i Filipī, töhet in Kristū Yēsū, holtö yip Pisköp, Tīkön inrē:

KALATĪ 2:12

Pòn urĕh sin tö yik yamih nö rā-ang in Yāköp, nya-aṅvkūö sin anga-aṅ nö hol kūö yik Tahëng mihënṙö tarik; chalôhë pöri cha-a, heūlngöre ngaich anga-aṅ, ngaich haköhngenre, nö pa-ekūö tö yik aṅ i yik tötunyīnyi.

KALATĪ 1:19

Hö-ö pöri chu-ö meuk yip tahëng tanīnöṙô, höng Yāköp ök kisānö ngam Mā.

INLAHEN 15:21

Pò ngam chöngö Môsös nö misī-iten nö ahangka, ve-evkūö inrē nö el chūök vine-eṅkūötēv, örheūheu hē el töhet sakāmö.

INLAHEN 1:13

Ngaich hē cha nö yih, yòhlö cha-a ngaich nö el öp lātulöng urôhò, i chūök cha nö höngngöh, hēḵ Pītör, Yôhan, Yāköp, Antaru, Filip, Tômös, Partòlòmai, Mëtiv, Yāköp ök kūön Alfāi, Sīmōn Sēlòt Yūtā inrē ök kūön Yāköp.

T. MËTIV 13:55

Röh Ang nö kūön ök vāmī chōn? Röh ap yöng Ò kikānö, nö Marīa invëka? Ngaich kahëm Ò hēḵ Yāköp, Yôsĕf, Sīmōn, Yūtā inrē?

1 RĀCHA 18:31

Ngaich Ĕlaicha nö nët sīönö kahëtö ihong, sā tumtak miyöngö yik kikōnyö kūön Yāköp, ök lööṙö ngam ṙô ngam Mā Tēv, nö ngö, Israĕl öp min minënyö meh.

I. CHÖNGÖ 30:3

Ngaich min ngam Tēv ngam Mā Tēv meh nö havööngökūö ngam inkövö meh, aṙē-ĕlōn inrē tö meh, ngaich havantöre min nö hamūlö meh nö ṙā-ang i yip tarik, chūök tī ngam Tēv ngam Mā Tēv meh nö pirātngen meh.

LA-EN LĒVĪ 26:33

Ngaich chū-ö min pirātngen yīö i yip pumnāmö tarik hōknyö öp sanëtre chin min unôichrit yīö: ngaich öp panam yīö min nö öt aṅhavkūö, nup el panam yīö inrē nö öt aṅhav.

INLAHEN 12:17

Aṅtī tö eltīre pöri anga-aṅ nö tahngö ṙô cha; ve-eny nang cha ngaich tö tī ngam Tēv nö kēḵnyen ò nö ṙā-ang el kinlōngö. Ngaich ngö ṙô anga-aṅ tö cha, Ve-eny nang Yāköp tö u, yip hol hī inrē. Kiröönngöre ngaich anga-aṅ, nö chuh tahëng panam.

ESRĀ 6:17

I kinëten ngih patī ngam Tēv cha-a nö hēngòng tī tö kōiny nuā, nëtòng töt tāli sīṅp, fënòng tö tāli sīṅp, ngaich tökētu inrē kūö tökööl yik aṅ Israĕl nët sīön nòng kōiny pököre sā tum miyöngö yik Israĕl.

I. CHÖNGÖ 4:27

Pirāti yin min tö ngam Mā Tēv i vē pumnāmö tarik, öt ṙōl tak min yī-ö ṙātu i vē pumnāmö tarik, ip chūök tī ngam Mā Tēv nö hachōngen yīö.

MANEUTNYI 39:14

Ngaich nuk ihong nö nët sīön nö sā minë-eny yik kūön Israĕl, nuk minë-eny cha; sā nup tö ka-īpö ip kinlong minkahangö, keuheūtlöre anū-ö nö kö i minë-eny cha, yip tö nët sīön miyöngö.

MANEUTNYI 24:4

Ngaich ang Môsös nö kūich nuk ṙô ngam Mā Tēv, ngaich ka-euilökūö nö chōholre tö peuheū, ngaich vīlö tahāklö hĕng el katòh ngam rôngö, nët sīönö machööḵlö, sā tum miyöngö yik kūön Israĕl.

INMEUKHÖMAT 7:4

Ngaich chū-ö hang ṙôken yip tö mikahayö, hēngòng fën anāi fën köṅny, tömikahayö i tum miyöngö yik kūön Israĕl.

INLAHEN 2:5

Yahūti yik umuh, tö pa-ekūö tö ngam Tēv, aṅ i nup taṙòkhöre panam elkatòh ngam halīöngö, mī-iyöng Yerūsalem.

T. LŪKÖS 22:30

Hòṅ yīö min nyā, òk inrē el ap mīs Chu im pūlngö Chu; hòṅ yīö min ūichhaka el kantēra, öi kahòkken yip tö nët sīön miyöngö Israĕl.

T. MËTIV 10:3

Filip, Partòlòmai inrē; Tômas, Mëtiv inrē ök mahamūl ṙāi kinëhöt chehen.

ESTÖR 3:8

Ngaich ngö ṙô Haman tök rācha Ahāsurös, Rīkre yip tarik tö pōiti pinrātngö ngaich parātiyö nö in vē tarik i në panam ngam pūlngö harīkngöre öp kui panam cha tö vē tahëng tarik, ngaich cha-a inrē nö öt haköp chöngö ngam rācha, lökten an ngam hinökngen cha nö öt kanôluṙô tī tö ngam rācha.

MANEUTNYI 28:21

Sā minë-eny yip kūön Israĕl min nup ihong, nët sīön, asā nup minë-eny cha; sā kiniphöt i minkahngö, kö asā nup minë-eny cha, mi-in yip tö nët sīön miyöngö min anū-ö.

2 TIMÒTĪ 4:21

Pītnyöre man yih urēhĕkūö ngam laneūchö, Salāmö man tö Yupalös, Pūten, Līnös, Klòtiā, ṙòkhöre inrē vē Māṅ.

INLAHEN 23:26

Salām, ngam tölngö tö-akaha mahayöng Filik, ang Klòtiös, Lusīös.

T. LŪKÖS 6:15

Nāṅ Mëtiv nāṅ Tômös inrē; ang Yāköp ök kūön Alfai, ane inrē Sīmōn Sĕlòt,

T. MĀKÖS 3:18

Antaru, Filip, Partòlòmai, Mëtiv, Tòmös, Yāköp ök kūön Alfai, Tattai, Sīmōn aṅ Kēnen.

I. CHÖNGÖ 32:26

Ngö ṙô chū-ö marô- vat tī chin pirātngen cha, Vīten öp kanöpölōn chin tö cha nö ṙā-ang re nö i tarik: