T. YÔHAN 3:3 - TÖHET LĪPÖRE (Re-edited) Bible (BSI)

³ Ngaich Yēsū nö ngö ṙô, nö sap ṙô ò. Tökô-ò ṙô Chin tö meh, yē ngòh tarik nö öt tumfömlöng finötnyi, öt kô anga-aṅ nö meuk ngam pūlngö ngam Tēv.

T. YÔHAN 3:3 Referans Kwoze

2 KÒRIN 5:17

Lökten, yĕn tarīkuvö; mī-in Kristū, tufömngöre anga-aṅ: ṙòkhöre nuk höteh nö ngaichngen; yĕh meuk vītöre nun nö tumfömngöre.

1 YÔHAN 3:9

Ngòh aṅ im Tēv finötnyi, öt vīken tökööl, pò ngam kulöl ò nö köp nö in Ò. Ötkô anga-aṅ nö köölö fālen, pò ò nö aṅ im Tēv finötnyi.

1 YÔHAN 5:1

Ngòh ṙamātö ellōnre tö Yēsū nö Kristū, aṅ im Tēv finötnyi Anga-aṅ: ngòh töhāngenlōn tö ngam lökngörit, hāngenlōn inrē tö ò ngam aṅ Ò finötnyi.

TAITÖS 3:5

Ngam hanāngenlōn Ò inrē nö lā i tarik, öt kūö la-en i lanöökö, nup tī hī, tön sā ap neūkölōn Ò nö hayööken hī, i sinöichlö tinfömlö finötnyi, ane inrē tinfömlö aṅ im Töhet Fanöinylö,

T. YÔHAN 1:13

Yip töfötnyuvö, röön aṅ i mahām, öt rēhĕn nö lōn ngam alaha, öt rēhĕn nö lōn tarik; aṅ i ngam Tēv pöri.

1 YÔHAN 2:29

Yē yīö akahalōn tö Ò nö tölöök, akahalōn yī-ö ngaich tö ò inrē ngòh tövahī-ivṙen tö lanöökö, aṅ in Ò finötnyi anga-aṅ.

1 PĪTÖR 1:3

Tökôlò an yēḵ ngam Tēv, ane inrē Yöng, ngam Mā hī Yēsū Kristū ngam tö sā ṙôkö öp neūkölōnre nö kayôḵnyen hī im tö aṅ mineūka, lökten i invanlö Yēsū Kristū nö ṙā-ang i tökapah,

KALATĪ 6:15

Tunnyinyngö, öttunnyinyngö inrē, höng öt harīkngöre; tufömngöre pöri nö tarik.

1 YÔHAN 5:18

Akahalōn in tö ngòh töng aṅ im Tēv finötnyi nö öt köölö fālen; anga-aṅ pöri ngòh aṅ im Tēv finötnyi, haköpöre, ngaich ngam tötlöök nö öt lūölken ò.

2 KÒRIN 4:4

Yip tö tilupi ellōn, tö öp tēv ngih panam, töt ṙamātö ellōnre, pòn sōtu nö malīlöng nö in cha, ngam hanātö ngam kanôlò Kristū, ngam insā ngam Tēv.

T. YÔHAN 12:40

Tilupngö mat cha Anga-aṅ, hangëḵngö ellōn cha inrē; pòn sōtu nup mat cha nö meuk, sōtu nö akaha ellōn inrē, ngaich havöölökūöre; ngaich halanken cha Chū-ö.

EFISÖS 2:1

Ngaich yī-ö ha-aṅhaṅ, hē yīö ngaich kapah, kūö tinölngenre, tökööl inrē,

YERIMIĀ 5:21

Hang ngih yin, Ō yī-ö tökulō-ovö töt akaha tarik inrē, yī-ö tö mātu, öt meuk pöri, yī-ö tönāngu öt hang pöri.

T. YÔHAN 1:5

Yang ngam Hanātö nö el sinngūlö; ngaich ngam sinngūlö, nö öt kô tö e.

I. CHÖNGÖ 29:4

Hö-ö pöri ngam Tēv nö kētö ellōn yīö öi akahalōn, öt kētö mat yīö öi meuk, öt kētö nang yīö inrē öi hang, söl i ngih sakāmö.

YĀKÖP 3:17

Ngam mikah pöri ṙamā-ang lātulöng nö hanëtö raneh, lanāmen, hēk ṙanēmen, tövanë-enkūö, tööḵlö tö miṙēlōn, tölöök la-en inrē, öt īnu tö intölten, innyatkö elmat inrē.

T. YÔHAN 1:51

Ngaich hēk ngö ṙô Anga-aṅ tö ò, Tökô-ò ṙô Chin tö meh, meuk ngam halīöngö man min nö löpnyörekūö; ngaich yip ma-ahānga, aṅ im Tēv nö yônlö, yônti inrē nö i kui ngòh Kūön Tarik.

T. MËTIV 16:17

Ngaich ngö ṙô Yēsū tö’, Sīmōn kūön Yôna; tökôlò man me-eṅ; pòn öt alaha, öt mahām inrē. Mahameuktö e nö in meh; tön ngam Yöng Chu, el halīöngö.

T. MËTIV 5:18

Tökô-ò ṙô Chin tö yīö, Hanöng saha chanuhu ngam halīöngö, ngih panam inrē; öt hĕng hang milôhò min chamuh, nö ṙā-ang im chöngö; hanöng saha kinheūṅten u.

INMEUKHÖMAT 3:14

Ane inrē löö ip Ma-ahānga ngam māṅ i Laotisiā ngö tī kūich; në nun ṙô ngam tö Āmen, tökô-en, ameū-aṅ tökô-òṙô, ngam ranehlö në vahī ngam Tēv;

ISIKĪ-ĔL 36:26

Ngaich chū-ö min kētö tufömngöre ellōn yīö, tufömgöre inrē ma-alaha ṙahātö chu min lātuhēt in yīö; ngaich chū-ö min ṙā-ang im alaha yīö kēngö ngam ihong ellōn kē-ĕkūö yīö inrē tö alaha ellōn.

T. MËTIV 19:24

Hēk Chin ngö ṙô tö yīö, Lööṙen ön ngòh ūṅt nö meuthöt nö lökhöt rit charum, tö ngòh tö kôlò tarik nö kuhēthötre nö im pūlngö ngam Tēv.

T. MËTIV 21:31

Öp yòh öp tö mināṅ tö nët tak töteūngen tö lōn ngam yöng? Ngaich ngö ṙô cha-a, Ngam maṙöinylö. Ngaich ngö ṙô Yēsū tö cha, Tökô-ò ṙô Chin tö yīö, tö vē mahamūl ṙāi kinëhöt chehen, vē tötkôlò kikānö inrē, nö urĕh tö yīö, nö kuhēthötre nö im pūlngö ngam Tēv.

T. MĀKÖS 9:47

Yē ngam mat meh nö pô-òvkūö tö meh palā-aiṙen, pëôknyö e. Lahëḵ man min höng hēngö mat, öm kuhēthötre in pūlngö ngam Tēv; ĕhten tö meh yē meh āṅngöre lā mat, kavāli el chūök ötinkôlò;

T. MĀKÖS 10:14

Ngaich pöri Yēsū nö pōyen kumnyahlōn, hē Ò nö meūkö e; ngö ṙô An tö cha Hökngen më kun nyīö nö yihtöre nö in Chu; uh yin nö vëka; tön töngatī aṅkūö an ngam pūlngö ngam Tēv.

T. YÔHAN 3:4

Ngaich ngö ṙô ang Nikòtimös tö Ò. Sitih kanô-òṅ ang ngòh tarik nö fötnyu, yē ò nö köiny nö ngaich? Kô-òren ang nö kuhēthötre nö ellōn yöngre, ngaich fötnyu nö hēk?

1 YÔHAN 5:4

Ngòh lamökngörit ngam Tēv, mihôiṅ töng panam. Ngih ön yih minhôiṅyö tömihôiṅ töng panam, ngam mikah hī.