T. YÔHAN 2:2 - TÖHET LĪPÖRE (Re-edited) Bible (BSI)

² Ngöönka inrē Yēsū, tö yik mahaköp inrē nö in Ò, nö im inpihö.

T. YÔHAN 2:2 Referans Kwoze

KÒLÒSĪ 3:17

Ngaich yē nup töng vahīṙen yīö, i ṙô, i la-en inrē, vīken u nö ṙòkhöre nö i minë-eny ngam Mā Yēsū, ha-öiny ngam Tēv Yöng lökten in Ò.

1 KÒRIN 7:39

Sa rô-òtö nômö ngam kikōnyö an ngam kikānö nö köp nö im pihöre; yē ngam kikōnyö pöri nö kapah, kô-òren ngam kikānö nö hapīhö töp lōnre; höng im Mā pöri.

HEPRĀI 13:4

Hökngen ngam pinīhö, i taṙòkhöre, nö hanāngen, un hachōichi ngam chamam; pò vē chamô-òkānö, ma-asĕhha inrē min nö kahòkkaṙen töm Tēv.

1 KÒRIN 10:31

Lökten yē yīö nya-aṅvkūö òk, hēk nup töng vahīken yīö, vīken u nö ṙòkhöre nö kanôlò ngam Tēv.

T. MËTIV 25:45

Ngaich ngö ṙô min Anga-aṅ, nö sap ṙô cha, Itum heuh yīö öt ngatī i vē yāich takô, ngaich törö-ö yī-ö ti-iv in Chu.

T. MËTIV 25:40

Ngaich ngö ṙô min ngam Rācha nö sap ṙô cha, Tökô-ò ṙô Chin tö yīö, I tum heuh tī yīö i vē kahëm Chu, vē yāich takô; ngaich mi-in Chu tī yī-ö.

T. MËTIV 12:19

Hö-ö Öp min nö lā-alkūö, öt rēhĕn nö hūḵa; öt hĕng tak min hamang ṙô Ò, nö el talöökö.

INMEUKHÖMAT 3:20

Yĕh meuk, sökhak chin ikūö inkūp, öich kurönga: yĕn tarīku hamang ṙô chu, ngaich löpnyökūö ngam inkūp, ngaich kuhēthötre chu-ö min in ò, ngaich holkūö ò min nyā, holkūö chu anga-aṅ inrē.

T. YÔHAN 2:3

Ngaich hē ök vāin nö keuheūt, ngö ṙô ök yöng Yēsū kikānö tö Ò, Ngāichen vāin yin.

T. YÔHAN 2:12

Unôichrit e Anga-aṅ nö chuh Kafarnahum, Anga-aṅ tök yöng Ò kikānö inrē; holtö yik mëmre, kahëmre, tö yik mahaköp inrē. Öt ṙōl sumkam cha-a nö umuh.

T. YÔHAN 2:17

Fëḵĕlre ngaich yik mahaköp tö ṙô ngam töhet līpöre, Ngeūktu Chin min, tö ngam kumlēḵlōn töm patī Meh.

T. YÔHAN 2:22

Lökten hē Ò nö choholre, nö ṙā-ang i yik tökapah; fēḵĕlre ngaich yik haköptö Ò, tö ngam ṙô Ò, ngaich ṙātö ellōnre nö i ṙô ngam töhet līpöre, tö ṙô Yēsū inrē tö cha.

T. YÔHAN 3:22

Unôichrit në, Ang Yēsū nö chuh i panam Yūtā, nö holtö yik mahaköp; ngaich in e Anga-aṅ nöngngöh nö holten cha; ngaich vōk tarik.

T. YÔHAN 4:2

(Öt hakôtenre pöri Yēsū nö vōk tarik; höng yik mahaköp.)

T. YÔHAN 4:8

Pò yik haköptö Ò nö chuh im panam, nö havah nya-aṅkūö cha.

T. YÔHAN 4:33

Ngaich ngö ṙô yik mahaköp tö höö, Tarīku hòng uvöh kamëtö nya-aṅkūö Ò?

T. YÔHAN 6:8

Hĕng taka ök mahaköp nö in Ò, Antarū, kahëm Sīmōn Pītör, tö ngö ṙô tö Ò.

T. YÔHAN 6:12

Ngaich hē cha nö tööḵngen, ngaich ngö ṙô Anga-aṅ tö yik mahaköp. Hamūl nup tölaköla, nup chööḵkūö, hòn öt tömëchiyö.

T. YÔHAN 6:16

Haraptöre ngam harap, ngaich chuh ik mai yik mahaköp.

T. YÔHAN 6:60

Maṙôngö yik haköptö Ò tö ngö ṙô, hē cha nö hāngö e, Tökihngen ön ngih ṙô. Achīö öp tökô nö hāngö e?

T. YÔHAN 6:66

Maṙôngö yik haköptö Ò ṙamāngen Ò, unôichrit e; ngaich öt holröön Ò nö kiröönngöre.

T. YÔHAN 6:67

Lökten Yēsū nö ngö ṙô tö yik tö nët sīön, Hòṅ ṙāngen Chu öi yī-ö inrē?

T. YÔHAN 6:70

Ngaich ngö ṙô Yēsū tö cha, Röh Öich katöllen yīö, yī-ö tö nët sīön tak? Ngaich hĕng tak öp aṅ in yīö nö sī-ö.

T. YÔHAN 6:71

Ṙôten Yūtā Anga-aṅ ök kūön Sīmōn Iskaryôt; pòn anga-aṅ kamëḵngen Ò, tö hĕng tak aṅ i yik tö nët sīön.

T. YÔHAN 7:3

Lökten yik mëm Ò, kahëm Ò inrē, nö ngö ṙô tö Ò, kiröönngöre Man, kuṙòh, chuh Yūtā, hòṅ yip haköptö Meh nö meuk nup la-en Meh.

INLAHEN 11:26

Ngaich hē ò nö kôtökūö tö ò, ngaich kēten ò nö i Anti-òk. Ngaich hĕng samyeūheu cha-a nö hamūlöre tök māṅ; ngaich pōyen haköpti tö tarik. Ngaich i Anti-òk yik mahaköp nö urĕh nö Kristīön invëka.

INLAHEN 11:29

Ngaich yik mahaköp, nö kö i kanô-òṅre, nö hòṅ tīnngö mineūken yik holre mī-iyöng Yūtā.