T. YÔHAN 1:3 - TÖHET LĪPÖRE (Re-edited) Bible (BSI)

³ Vahīlö Ò në taṙòkhöre chehen; öt hĕng hang, töt vahīlö Ò, nö i në tövīlöngö.

T. YÔHAN 1:3 Referans Kwoze

1 KÒRIN 8:6

Sön pöri nöng hĕng ngam Tēv nö in hī, ngam Yöng, löklö in Ò në taṙòkhöre, in Ò inrē ayī-ö; hĕng ngam Mā, Yēsū Kristū, lökten në taṙòkhöre, lökten Ò ayī-ö inrē.

INMEUKHÖMAT 4:11

Tökô Man Me-eṅ, Mā ih ane inrē Tēv ih, Öm kē kanôlò ineū-euṅ minhôiṅyö inrē; pò meh vamī-iṅl taṙòkhöre; pòkūö lōn meh anū-ö nö sökhaka, nö vīlöngö.

Salmai 33:6

Kūö ṙô ngam Mā Tēv minë halīöngö nö vīlöngö: kūö unhômö ngam elvāng ò minë töpōyen in u.

Ranehlö 1:26

Ngaich ngöṙô ngam Tēv, Tā-a töi vī tarik nösā Hī, nö tösā Hī: ngaich hökngen cha nö minā-aṅv ikui kāḵ el ngam mai ane inrē ikui chehchōn el ngam kuföt, ikui nuā, ikui në tumlat nö ṙòkhöre, ikui töṙeūla chëhen nup ṙameūla nö el tumlat.

T. YÔHAN 1:10

Ing panam Anga-aṅ; lökten Ò ngih panam nö vīlöngö; ngaich öt akahakūö ngih panam tö Ò.

Isayā 45:18

Pòn ngö ṙô ngam Mā Tēv ngam vamīlö minë halīöngö; anga-aṅ an Tēv; ngam mamul ngih tumlat vī-i e inrē; haköpngö e an, vī-i an tö ò nö öt payāyaṙen, mūlö e an nö chūök elyöngö: Chū-ö chin Mā Tēv öt tahënguvö.

Isayā 45:12

Ngāichö tī chin vī ngam tumlat, ngaich inrē vīlö tarik i kūö e: kôtö tī chin chiṙeūchnyö minë tömaṙôngö u inrē.

Salmai 102:25

Ṙātö rööntö ngih tumlat Man misī: vahī minë kuntī Meh, minë halīöngö.

EFISÖS 3:9

Ane inrē halööktömat mameuk ngam minchöḵö ngam ötmikahkūö sin, ngam töha-ehelen nö ngaich nö hayunngöre nö im Tēv, ngam vamīlö taṙòkhöre.

Ranehlö 1:1

Vīlö ngam halīöngö ngam Tēv tumlat inrē, ik raneh.

INCHŌḴ-OṘÔ 8:30

Ngaich in ò chū-ö, sā tarik yöngkūö töhuveū-en i la-en; kaheuk sakāmö chū-ö inrē kumchiklōn ò, ṙamölōn i kūö Ò örheūheu,

T. YÔHAN 1:2

Anga-aṅ mi-im raneh, nö hol ngam Tēv.

HEPRĀI 11:3

Lökten im ṙinātö ellōn in akahalōn, tö në panam nö kūö ṙô ngam Tēv nö vīlöngö, lökten ngam tömeūkö, nö öt tö vīlöngövö nö aṅ i nup tömeūkö.

1 YÔHAN 5:1

Ngòh ṙamātö ellōnre tö Yēsū nö Kristū, aṅ im Tēv finötnyi Anga-aṅ: ngòh töhāngenlōn tö ngam lökngörit, hāngenlōn inrē tö ò ngam aṅ Ò finötnyi.

INMEUKHÖMAT 3:14

Ane inrē löö ip Ma-ahānga ngam māṅ i Laotisiā ngö tī kūich; në nun ṙô ngam tö Āmen, tökô-en, ameū-aṅ tökô-òṙô, ngam ranehlö në vahī ngam Tēv;