T. MĀKÖS 9:7 - TÖHET LĪPÖRE (Re-edited) Bible (BSI)

⁷ Ngaich teungtöre ök taṙul nö hanyattökui cha; ngaich hĕng ök ṙô lamöktö el ök taṙul, tö ngö, Hanāngen Chu Ön ngòh nö Kūön Chu; hang ṙô Ò yin.

T. MĀKÖS 9:7 Referans Kwoze

2 PĪTÖR 1:17

Pò Ò nö kēḵ aṅ im Tēv ngam Yöng, ineū-euṅ kanôlò inrē, hē ök ṙô nö löö in Ò ṙamā-ang im tölngö kanôlò, Hanāngenlōn Chu ön ngòh nö Kūön Chu, in Ò Chin ṙamölōn takô:

T. MËTIV 3:17

Ngaich ök töngöṙô, lamöktö el halīöngö, “Hanāngenlōn Chu ön ngòh, nö Kūön Chu. In Ò Chin ṙāmölōn takô”

T. MĀKÖS 1:11

Ngaich hĕng ök ṙô lamöktö el halīöngö, tö ngö, Me-eṅ Man Kūön Chu, Öm hanāngenlōn Chu; in Meh Chin ṙāmölōn takô.

INMEUKHÖMAT 1:7

Yĕh meuk holtö taṙul an nö yih; ṙòkhöre mat inrē min nö meūkan, tö cha inrē yip samapngen Ò; ṙòkhöre inrē min yip miyöngö ing panam nö haṙivhen Ò. Ngatī an yēḵ. Āmen.

HEPRĀI 2:1

Lökten in hòṅ mötlö kumlēḵlōn, öi hakūötö kūöre tö nuk tö ngaich ahangre, hòṅ hī öt amahaiṙen hëmngö ṙā-ang in u.

T. YÔHAN 20:31

Kūichyö pöri në, hòṅ yīö ṙātö ellōnre tö Yēsū nö Kristū, ngam Kūön ngam Tēv, hòṅ yīö inrē, lökten im ṙinātö ellōnre i Mine-eny Ò, öi nômuvö.

T. YÔHAN 6:69

Ṙātö ellōnre īhö ngaich, akahalōn inrē, tö Meh Öm Töhet aṅ im Tēv.

T. YÔHAN 1:34

Ngaich Chū-ö meuk eū-a tö Ò nö Anga-aṅ Kūön ngam Tēv.

1 YÔHAN 5:20

Akahalōn ayī-ö inrē, tö ngam Kūön ngam Tēv nö yih, ngaich nö kētö mikahlōn hī inrē, öi akahakūö töm kanô-en, im Kūön Ò Yēsū Kristū. Anga-aṅ ön ngòh tökô-en Tēv, Nômö inrē tö-örheūheu-aṅ.

RŌMA 1:4

Ngam tövënyu nö kūön ngam Tēv im minhôiṅyö, sā ngam hanëtö ngam ma-alaha, lökten im invanlö tö kapah; ngam mā hī Yēsū Kristū.

INLAHEN 8:36

Ngaich hē cha nö iṙuhöröön nö kiröönngöre, sölta cha-a ngaich nö ik mak. Ngaich ngö ṙô anga-aṅ, Ngīöng yih mak! Asuh ap lökngen chu öt kô vōkö?

INLAHEN 7:37

Anga-aṅ ön ngòh Môsös tö ngö ṙô, nö i yik kūön Israĕl, Hĕng tak vahīlö An min ngam Tēv tö pròfĕt, nö aṅ in yīö; nö tö sā chu.

INLAHEN 1:9

Keuheūthëṙô Anga-aṅ tö u, ṙòngmöng hötīöna cha-a, ngaich kēḵlöngö Anga-aṅ, ngaich ök taṙul nö kēḵ An nö i kūö cha.

T. YÔHAN 19:7

Ngaich ngö ṙô yik Yahūti, nö sapṙô ò, Chöngu in īhö; hòṅ kumpaha Anga-aṅ nö ip chöngö ih; pò Ò nö vī-ilre nö Kūön ngam Tēv.

T. YÔHAN 9:35

Hāngö cha Ang Yēsū, nö ahōngen ò; ngaich kôtökūö tö ò, ngaich ngö ṙô, Ṙātö ellōnre ömeh i ngòh Kūön Tarik?

T. YÔHAN 5:37

Ngam yöng, ngam tamīnten chu eūken Chu Anga-aṅ, Örhĕng heuh yin yī-ö hang ṙô Ò; öt rēhĕn meūkan.

T. YÔHAN 5:18

Angū-ö lökten yik Yahūti nö ṙuhöllōnre nö hòṅ fëlngen Ò; pò Ò nö öt höng filalngö ngam töhet sakāmö, tön Yöngrevö ṙô tö ngam Tēv, vīlöre inrē nö sā ngam Tēv.

T. YÔHAN 1:49

Ngaich Netenīĕl nö ngö ṙô tö Ò. Rappī; Kūön ngam Tēv Man; Rāchakūö Israĕl Man.

T. MËTIV 27:54

Ngaich ök yöngṙen kumyung, yik hol ò inrē, nö aṅten Yēsū; hē cha nö meuk ök kumyeūnö, nuk töngaichngen inrē, ngaich pōyö pinhe-eṅkūö, ngö ṙô, Kô Ön ngòh, nö Kūön ngam Tēv.

T. MËTIV 27:43

Hayönglenre An nö im Tēv; hökngen Ò yēḵ nö ṙānyen Ò töngamuh, yē Ò nö hōten Ò; tön ngö ṙô An, Kūön ngam Tēv Chin Chu-ö,

TANĪ-ĔL 7:13

Ngaich meuk chū-ö i heūvö tö hatööm, Yĕh meuk, holtö taṙul ngam halīöngö. Hĕng tak ök umuh yamih tö sā kūön tarik, yih anga-aṅ nö i nuk sakāmö mā misī, ngaich kētu anga-aṅ nö i kuö ò.

Salmai 97:2

Havīlen Ò nup taṙul, sinngūlö inrē: lanöökö, inkaha fālen inrē, chūök ngam kantēra Ò.

Salmai 2:7

Hòṅ vë-eny ngam chöngö chin: Ngö ṙô an ngam Mā Tēv tö chu, Kūön chu Man më-eṅ: löknyö in chu man i ngih sakāmö.

MANEUTNYI 40:34

Ngaich ngam taṙul nö hanyattökui ngam rūkui manūlö, ngaich ngam yanëichö ngam Mā Tēv nö hatööḵlö ngam inrūkui.

MANEUTNYI 24:16

Ngaich ngam lanöökö ngam Mā Tēv nö i kui ngam rôngö Sināi, tafūöl sumkam angū-ö nö kahultö kui e: ngaich im sinātö sakāmö Anga-aṅ nö havëken Môsös nö löknyö ellōn ök taṙul.

T. MĀKÖS 9:6

Pò ò nö öt akahalōn tö ṙôre lang; pò cha nö pa-ekūö takô,

T. MĀKÖS 9:8

Ngaich iṙūö havīngömatre cha-a nö ngëcha, ngaich öt hĕngtit tak maheuṅk, höng Yēsū nö hol cha.

T. LŪKÖS 3:22

Ngaich ngam Töhet Fanöinylö nö yônti, nö sā tö alahavö nyö-öṅ nö i kui Ò; ngaich löktö el halīöngö ök ṙô yamih, Me-eṅ Man hanāngenlōn Chu, Öm Kūön Chu; in Meh Chin Öich ṙāmölōn takô.

T. YÔHAN 12:28

Kūö e Chinri yih i ngih ṙētak. Kayöngö; hakôlò ngam Mine-enyre Man. Hē e, ök ṙô lamöktö el halīöngö, tö ngö, Ngaich Chin hakôlò e; hēk min inrē Öich hakôlò e,