T. MĀKÖS 9:47 - TÖHET LĪPÖRE (Re-edited) Bible (BSI)

⁴⁷ Yē ngam mat meh nö pô-òvkūö tö meh palā-aiṙen, pëôknyö e. Lahëḵ man min höng hēngö mat, öm kuhēthötre in pūlngö ngam Tēv; ĕhten tö meh yē meh āṅngöre lā mat, kavāli el chūök ötinkôlò;

T. MĀKÖS 9:47 Referans Kwoze

T. MËTIV 18:9

Yē ngam mat meh nö pô-òvkūö tö meh palā-aiṙen, peôknyö e, kavalngö e nö ṙā-ang in meh, ĕhten man min yē meh kuhēthötre im nômö, öm höng hĕngtit mat; tö meh yē meh āṅngöre lā mat nö kavalhötvö nö el ngam tötnyangngökūö tameūyö.

T. MĀKÖS 9:43

Ngaich yē ngam kël meh nö pô-òvkūö tö meh palā-aiṙen, rökngö e. Lahëḵ man min höng kurong, öm kuhēthötre imnômö; ĕhten tö meh yē meh āṅngöre lā kël, chuh el chūök ötinkôlò, i kūö öp töthannyangngen tameūyö;

T. MËTIV 5:22

Ngö ṙô pöri Chu-ö tö yīö, Ngòh lamā-alkūö holre, nöng öt löknyu chööḵnyi, kihngen min nö im kinṙôka. Ngòh tötlamëkôre tö holre, ngaich kihngen min nö i yip mā kamhôṅka. Ngòh ramūttö ötkanôlò, ngaich kihngen min nö i kūö tameūyö el chūök ötinkôlò.

KALATĪ 4:15

Isuh öp pökeh nöinyö yīö? Tön eūken yīö chin chu-ö, tö yīö kô-òren peôknyö matre ngaich kētö u nö in chu.

T. LŪKÖS 14:26

Yĕn tarīku yamihtöre nö in Chu, ngaich öt sumrīk tö pīhöre, kūönre, hanöngkisānöre, ngam nômöre inrē, öt kô anga-aṅ nö mahaköp nö in chu.

Salmai 119:37

Havööngökūö chu ṙā-ang i nginëichkö chanök alaha: ha-aṅhaṅ chu el minë talöökö Meh.

NGAM LĪPÖRE YŌP 31:1

Vi kinlēḵngô chin i në mat chu; sitih kanô-òṅ öich hatīönkö rēlö?

Ranehlö 3:6

Ngaich hē ngam kikānö nö meuk tö ök chōn nö tölöök nö nyā-aṅkūö, ane inrē tö ò nö kumchik elmat, tö ngam chōn inrē nö töhòṅ akahatī, kē ṙòng anga-aṅ ngaich nö in ò, ngaich nyā; kē-ĕkūö ök pīhöre anga-aṅ inrē ök in ò, ngaich nyā anga-aṅ.

T. MĀKÖS 9:46

I chūök nup kamlökö nö öt kapah; öt nyangngö öp tameūiyö inrē.

T. YÔHAN 3:3

Ngaich Yēsū nö ngö ṙô, nö sap ṙô ò. Tökô-ò ṙô Chin tö meh, yē ngòh tarik nö öt tumfömlöng finötnyi, öt kô anga-aṅ nö meuk ngam pūlngö ngam Tēv.

T. YÔHAN 3:5

Ngaich ngö ṙô Yēsū, nö sapṙô ò, Tökô-ò ṙô Chin tö meh, yē ngòh tarik nö öt fötnyu tö ngam mak, ngam {Töhet} Fanöinylö inrē, öt kô min anga-aṅ nö kuhēthötre nö im pūlngö ngam Tēv.