T. MĀKÖS 9:43 - TÖHET LĪPÖRE (Re-edited) Bible (BSI)

⁴³ Ngaich yē ngam kël meh nö pô-òvkūö tö meh palā-aiṙen, rökngö e. Lahëḵ man min höng kurong, öm kuhēthötre imnômö; ĕhten tö meh yē meh āṅngöre lā kël, chuh el chūök ötinkôlò, i kūö öp töthannyangngen tameūyö;

T. MĀKÖS 9:43 Referans Kwoze

T. MËTIV 25:41

Ngaich ngö ṙô min Anga-aṅ tö cha, yip latavē Ò, kē-ĕngre yin, ṙā-ang in Chu, yī-ö tötkôlò, el ngam tötnyangngö tameūyö, tö halēnkaṙen tö pòkūö ngam sī-ö, yip ma-ahānga ò inrē.

HEPRĀI 12:1

Lökten in ayī-ö inrē, ta-a, ṙā-ngö nup sanānngenre, ngam tökööl inrē tö lööṙen nö havīlen hī, öi meūköre havīlöngö tö tökiröngen taṙul, yip ameū-a, ngaich ta-a inrē, töi fal asōl, ngam insōlö töṙātu nö i kūö hī.

T. MËTIV 5:22

Ngö ṙô pöri Chu-ö tö yīö, Ngòh lamā-alkūö holre, nöng öt löknyu chööḵnyi, kihngen min nö im kinṙôka. Ngòh tötlamëkôre tö holre, ngaich kihngen min nö i yip mā kamhôṅka. Ngòh ramūttö ötkanôlò, ngaich kihngen min nö i kūö tameūyö el chūök ötinkôlò.

KALATĪ 5:24

Ngaich cha-a yip aṅ in Kristū Yēsū nö ngaich nö fëlngö ngam alaha, tö nup töchōich lōn e inrē.

T. MËTIV 3:12

Eltī Ò ap haneui; ngaich Anga-aṅ min nö ahetlö el ap chūök sāiny. Ngaich hamūl nup sāiny nö el chūökre; föngngö nup uk nëlö pöri min Anga-aṅ, nö i kūö töt nyangngö tameūiyö.”

TAITÖS 2:12

Haköpten hī, pòi hōtu harööḵngen ötlanöökö, nup lōn töyīki inrē aṅ panam, ngaich iyöng, öt sinṙaklen, chanīpen, lanöökö inrē, ing töngamuh panam:

KÒLÒSĪ 3:5

Lökten kumpahngö nup tūmö alahare më-el tumlat, Chinô-òṅkānö, töchōich, sinṙakngölōn, tötlöök lōn, ngam yinikhanga inrē, ngam vinë-ekūö insātēv.

RŌMA 8:13

Pò yīö, yē yīö lök lōn ngam alaha, kapah takô min yī-ö; yē yīö pöri, lökten im Töhet Fanöinylö, fëlngö nup la-en ngam alaha, aṅ min yī-ö.

T. LŪKÖS 14:13

Yē meh pöri vī nya-aṅkūö, havëkö yip yāich, yip tötkôlò alaha, tökaròk, tötmeuk inrē.

1 PĪTÖR 2:1

Lökten ṙāngö nup taṙòkhöre öt lanöökö, nup taṙòkhöre inchīlö, nup taṙòkhöre innyatkö elmat, nup kumnyah elmat, ṙòkhöre inrē nup tötlöök ṙô,

1 KÒRIN 9:27

Ngatī kisōl, öt höng sā kumsōl kuföt: kisōl ngam alahare pöri chū-ö, ngaich kēhöt e nö el inkövö; hòṅ chu öt löknguṙen öich sōḵov chū-ö, tö kinheūṅtenre mikahten tahëng.

T. LŪKÖS 14:21

Yihtöre ngaich ök kūön, ngaich ve-eny nang ök yöngre tö u. Ngaich līn ök tö patī-ivö ngaich ngö ṙô tök kūönre, Kuṙòh; ka-eūyen man chuh el tökiröng talöökö, el tökūöṅnö inrē, im panam; ngôṅtö yip yāich nö ihih, yip tötkôlò alaha, tötmeuk, ane inrē tökaròk.

Isayā 1:31

Ngaich yip tö kalēḵ min nö sā tö tūökö, öp la-en ò inrē sā linròklö kūö tameūyö; ngaich nëtre anū-ö min nö ökngö, ngaich öt hĕng tak min mahanyangngökūö u.

YERIMIĀ 4:4

Tunyiny ngöre man im Mā Tēv, kēngö öp laneūichlökūö nö ṙā-ang ellōn meh, Ō me-eṅ tarik Yūtā aṅ Yērusalem inrē; hòṅ ngam lanīnö chu nö öt sā tameūyö nö hūlökūö, ngaich öktikūö min ngaich nöng öt mahanyangngukūö, tökūö nup tötlöök la-en yīö.

T. MËTIV 17:27

Ngaich pöri, hòṅ hī öt pô-òvkūö tö cha, Kuṙòh, kiröönngöre man; chuh el mai, sumngö vòkre pömchö; ngaich kēḵ öp kāḵ mu-urĕhlö; tuvāḵnyö elvāng ò; ngaich hĕng tāk min öp rupīö kanôtökūö meh, Kē-ĕ e me-eṅ; ngaich kētö e in cha, tī hānyöre.

T. MĀKÖS 9:44

I chūök nup kamlökö nö öt kapah; öt nyangngö öp tameūyö inrē.

T. LŪKÖS 3:17

Öp tö-aṅhaṅv eltī tö haneui, ma-ahetlö ël ap chūökre; föngi pöri min tö ò nup uk nëlö nö i kūö öp töng ötnyangngö tameūyö.

NGAM LĪPÖRE YŌP 20:13

Pòrô anga-aṅ nö hòṅ ṙāngö e, mumkö e inrē nö elvāng ò,