T. MĀKÖS 9:42 - TÖHET LĪPÖRE (Re-edited) Bible (BSI)

⁴² Ngaich yē ngòh tö hĕng tak pòkūö tö vē kunkūöṅnö nö palā-aiṙen, vē ṙamātö ellōnre nö in Chu; ĕhten öp öre misī, yĕn kapòktu likeun tö tökiröng ihong, ngaich sūmi nö el mai.

T. MĀKÖS 9:42 Referans Kwoze

T. MËTIV 18:6

Ngòh töhĕng tak pòkūö pöri tö aṅ i vē kun kūöṅnö vē ṙamātö ellōnre nö in Chu, nö palā-aiṙen; lööken an öre nö urĕh sin, yē ò nö kapòktu likeun tö tökiröng ihong ngaich sūmi nö el mai.

T. MËTIV 18:10

Uh yin hĕng tak hayëḵngen tö vē kun kūöṅnö; ngö ṙô Chin tö yīö, tö yip ma-ahānga cha, el halīöngö, nö örheūheu nö hatīönkökūö ngam Yöng Chu el halīöngö.

2 KÒRIN 6:3

Rö-ö in kētö lökngen fanukngö, i tökeuheūttöre; hòṅ ngam la-en ih nö öt vinëkuvö.

RŌMA 16:17

Kahōlö, ve-ekūö yīö chin, mikahngö yip tö tī-iv tö inrēvngö, nö chööḵnyi fanukngö, tö harīkngöre tö ngam haköp yīö inköphöti: havööngö kūöre tö cha.

RŌMA 14:13

Ta-a lökten, ui hēkaṙa uyëken höö: uyëkö ngih pöri lahë, hòn öt tarīku ṙamātö kinve-ĕre nö el talöökö holre, hēk öp lökngövah fanukngö.

2 PĪTÖR 2:2

Maṙôngö min yip tamömken cha i nup vahīṙen cha tötlöök yinikhanga; lökngen cha min ngam talöökö kanô-en nö öt löökö elnang.

INLAHEN 9:4

Fukngö anga-aṅ ngaich nö el tumlat; ngaich hang ök ṙô anga-aṅ, tö ngö ṙô tö ò, Sôl, Sôl! Kūöyòh öm öthakôlò chu?

1 TIMÒTĪ 5:14

Lökten chin hōtö tö-ayal tafīösi kikānö nö, hapihö, hakūöntö nyīö, hayöng patī, un kētu löknyö ngam tökunyahaṅ elmat nö sumrōngngökūö;

FILIPĪ 1:10

Hòṅ yīö hameuktö nup tölöök; hòṅ yīö kô-en, öt īnu inrē tö töchōich, söl im sakāmö Kristū;

RŌMA 15:21

Sā kinūichngö e pöri nö ngö, Meuk yip min, yip töt yihivö tö inhangkö Ò, akahalōn min cha-a yip tö öölu nö hang.

T. MËTIV 17:27

Ngaich pöri, hòṅ hī öt pô-òvkūö tö cha, Kuṙòh, kiröönngöre man; chuh el mai, sumngö vòkre pömchö; ngaich kēḵ öp kāḵ mu-urĕhlö; tuvāḵnyö elvāng ò; ngaich hĕng tāk min öp rupīö kanôtökūö meh, Kē-ĕ e me-eṅ; ngaich kētö e in cha, tī hānyöre.