T. MĀKÖS 9:41 - TÖHET LĪPÖRE (Re-edited) Bible (BSI)

⁴¹ Yĕn hĕng tak min kamëtö òk yīö tö mak, nö pò yīö aṅ in Kristū; tökô-òṙô Chin tö yīö, Öt hōḵ öp min nö löhlö tö raneushöre.

T. MĀKÖS 9:41 Referans Kwoze

T. MËTIV 10:42

Ngòh töhĕng tak kahe-ekūö min tö vē kun kūöṅnö tö tö-ufov mak, nö pò ò nö mahaköp; tökô-ò ṙô Chin tö yīö, Öt löhlö ap min tö raneushöre.”

T. MËTIV 25:40

Ngaich ngö ṙô min ngam Rācha nö sap ṙô cha, Tökô-ò ṙô Chin tö yīö, I tum heuh tī yīö i vē kahëm Chu, vē yāich takô; ngaich mi-in Chu tī yī-ö.

2 KÒRIN 10:7

Ngëichkö nup mī-ikūöre yin. Yĕn tarīkuvö mahayönglenre nö in re, töre nö aṅ in Kristū, hökngen ò nö ngëichkö ngih nö hēk, nö in re, tö e, nö sā ò anga-aṅ nö aṅ in Kristū, ngatī in inrē ihö.

1 KÒRIN 15:23

Taṙòkhöre pöri nö ip hēre; Kristū an lanòh; ngaich möl yip kūön Kristū, ip yanihih Ò.

RŌMA 14:15

Yĕn kūö nya-aṅkūö ngam hol meh nö haṙivlōn, ngaich öt ngöhöre röön me-eṅ lök im hanāngenlōn. Un piyāyi tö nya-aṅkūö meh, ngam tö pô-òvkūö tö Kristū nö kapah.

RŌMA 8:9

Rö-ö pöri yī-ö im alaha, tön im ma-alaha, yē ngam Töhet Fanöinylö nö iyöng in yīö. Yĕn tarīku pöri töt īnu tö ngam Töhet Fanöinylö Kristū, ngaich öt aṅ in Ò anga-aṅ.

KALATĪ 5:24

Ngaich cha-a yip aṅ in Kristū Yēsū nö ngaich nö fëlngö ngam alaha, tö nup töchōich lōn e inrē.

KALATĪ 3:29

Ngaich yē yīö aṅ in Kristū, ngaich yī-ö kūön Aprahām, tö-amīnu sā ngam kinlēḵngô.

1 KÒRIN 3:23

Ngaich in Kristū yī-ö, aṅ im Tēv ang Kristū.

T. MĀKÖS 4:10

Ngaich hē Ò nöng hĕng taka, ngaich yik mi-in Ò tö yik tö nët sīön tak inrē, nö hatönan tö ngam inchōḵoṙô.