T. MĀKÖS 9:4 - TÖHET LĪPÖRE (Re-edited) Bible (BSI)

⁴ Ngaich meūkö tö cha nāṅ Ēlaicha, nāṅ Môsös; ve-ekūö Yēsū cha-a.

T. MĀKÖS 9:4 Referans Kwoze

INMEUKHÖMAT 19:10

Ngaich afukngöre chū-ö i röön ò öich salāman. Ngaich ngö ṙô anga-aṅ tö chu, Yĕh meuk, uh man ngatī tī tö e: hol meh chin chū-ö tanölöṙô, hol yip hol meh inrē ṙamapkö ngam inmeuktö Yēsū; salām ngam Tēv: pò ngam inmeuktö Yēsū nö angū-ö mā-alaha ngam inhānga.

T. YÔHAN 5:39

Chöh nup töhet līpöre yī-ö, pò yīö in u tö lōnre öi nômu tö tö-örheūheu-aṅ; anū-önun inrē ameūken Chu.

T. LŪKÖS 24:44

Ngaich ngö ṙô Anga-aṅ tö cha, Në nun ṙô Chu, ṙahônyö Chu in yīö, hē Chu ṙòngmö in yīö; tö u nö töhōtu nö keuheūtiṙen nup tökūichiyö nö im chöngö Môsös, i nup pròfĕt, ane inrē i nup salmai, nup inlahen Chu.

T. LŪKÖS 24:27

Ngaich rēhnyôre Anga-aṅ, nö ṙā-ang mat nup līpöre Môsös, yik pròfĕt inrē; nö ve-eny ṙô u nö in cha, tö inlahen Ò nö i nup töhet līpöre.

T. LŪKÖS 9:19

Ngaich ngö ṙô cha-a, nö sapṙô Ò, Yôhan Öp Vamôk; rēvre pöri yip tö ngö ṙô, Ēlaicha; hēk yip tahëng tö ngö ṙô, Hĕng taka ap aṅ i yip höteh pròfĕt, mahavanlöre.

T. MËTIV 11:13

Pòn ṙòkhöre yip pròfĕt, ngam chöngö inrē, nö ṙôtö ngam pūlngö tölngö in Yôhan.

T. MĀKÖS 9:3

Ngaich nuk hilā Ò nö pachālamat, isoh takô; öt tökô-òv samöich hilā ing panam, nö mi-isohoiny u.

T. MĀKÖS 9:5

Ngaich Pītör nö ngö ṙô tö Yēsū, Rappī; lööken in ihih. Yē hökngen ih lūöyö vahī tö inrūkui; hĕng inrūkui Meh, hĕng Môsös, hĕng Ēlaicha.