T. MĀKÖS 9:29 - TÖHET LĪPÖRE (Re-edited) Bible (BSI)

²⁹ Ngaich anga-aṅ nö ngö ṙô tö cha, Öt anhôngen ön ngòh töngati sī-ö, höng lökten i vine-eṅkūötēv, inhīkö inrē.

T. MĀKÖS 9:29 Referans Kwoze

YĀKÖP 5:15

Ngaich ngam vine-eṅkūötēv aṅ im ṙinātö ellōn min nö yöölentī tö ò ngam tövahavö, ngaich hachohlen ò min ngam Mā: aṙēlöngö min anga-aṅ tö nup tököölre, yē ò nö kēken tökööl.

T. MËTIV 17:20

Ngaich ngö ṙô Anga-aṅ tö cha, Kūö ngam kun mikahre yin. Tökô-ò ṙô Chin tö yīö, Yē öp mikah yīö öre, nöng sā ṙôngòng kun kulöl, ngaich kô-òren yī-ö ngö ṙô tö ngih rôngö, Kē-ĕngre; chuh umu-aṅ; ngaich kô-òren angū-ö nö kē-ĕngre; ngaich öthēngö, öt kanô-òṅ yī-ö.

TANĪ-ĔL 9:3

Ngaich chū-ö havöötökūöre im Mā Tēv, chöhan i vine-eṅkūötēv vinë-eṅlkui inrē holtö inhīkö sāk inyut, tisum inrē.

EFISÖS 6:18

Holtö vinë-eṅkūötēv, vinë-eṅlkui inrē, örheūheu vë-ekūötēv; īnu tö ngam Töhet Fanöinylö; hīnöre inrē, pītnyöre, vë-elkui taṙòkhöre inrē vē töhet;

2 KÒRIN 12:8

Chööḵnyö tö e chu-ö lūöi heuh ṙô vë-ekūö ngam Mā, hòṅ e nö ṙāngen chu.

2 KÒRIN 11:27

Kanihngen i la-en; ṙōlheuh i inahaṅti, i kinpahare, inṙehenômö inrē; ṙōlheuh i inhīkö, i laneūchö, lichôi inrē.

T. LŪKÖS 11:26

Ngaich kiröönngöre anga-aṅ, sat tak kahëḵ tö tahëng holre tö yip tömööḵlö ötlanöökö sī-ö tö ò; kuhēthötre cha-a ngaich nö iyöng in e. Ngaich ngam manā-aṅ inlahen ngam tarik, nö mööḵngöre ötkanôlò tö ngam mu-urĕh.

1 KÒRIN 9:27

Ngatī kisōl, öt höng sā kumsōl kuföt: kisōl ngam alahare pöri chū-ö, ngaich kēhöt e nö el inkövö; hòṅ chu öt löknguṙen öich sōḵov chū-ö, tö kinheūṅtenre mikahten tahëng.

INLAHEN 14:23

Ngaich hē cha nö vī-il yik mā i nuk māṅ, ve-ekūötēv cha-a, ahik inrē; ngaich cha-a nö kēten cha nö im Mā Tēv, ngam chūök cha nö ṙātö ellōnre.

T. MËTIV 12:45

Kiröönngöre ngaich anga-aṅ, ngaich sat tak ngahôṅ tö holre tö sī-ö, tö mööḵlö ötlanöökö tö ò. Kuhēthötre cha-a, ngaich iyöng umuh; ngaich ngam mana-aṅ lāinyngen ngam tarik, nö höichngen tö ngam mu-urĕh, ngatī, an min inrē, i ngih tötlöök tūmö.

2 KÒRIN 6:5

I finôhòh, i kinlonghöt, i tinṙōlen, i chanëyö, i inahaṅti, i inhīkö,

T. MËTIV 17:21

Rö-ö pöri angū-ö töngatī nö kunyī-inyre; höng lökten vine-eṅkūötēv, inhīkö inrē.

T. MĀKÖS 9:28

Ngaich hē Ò nö yòhlö nö el patī. Ngaich yik haköptö Ò nö ulāikôre nö hatönan, nö ngö ṙô, Kūöyòh öi ihö öt kô ahōngen ò?

T. MĀKÖS 9:30

Kiröönngöre ngaich cha-a nö ṙā-ang umuh, ngaich lök i Kelelī; ngaich sōtö tarik Anga-aṅ nö akahalōn tö e.