T. MĀKÖS 9:26 - TÖHET LĪPÖRE (Re-edited) Bible (BSI)

²⁶ Keuheūthëṙen nö hūḵa, ngaich hangihire tī tö ò, nö pōihangen; meutnyi ngaich, nö ṙā-ang in ò, ngaich ngam nyīö nö sā kupah; lökten nö maṙôngö yik tö ngö ṙô, kapah an.

T. MĀKÖS 9:26 Referans Kwoze

T. MĀKÖS 9:20

Ngaich kēten ò cha-a nö in Ò. Ngaich hē ngam nyīö nö meūkö Yēsū, iṙūö hangihire tī ngaich ngam sī-ö tö ò, nö pōihangen; fukngö ngaich nö el tumlat, pilönöre, nöng pēhĕv elvāng.

T. MĀKÖS 1:26

Ngaich ngam tötlöök sī-ö nö hangīhire tī tö ò, ngaich pōitô nö hūḵa; ṙāngen ò ngaich.

INMEUKHÖMAT 12:12

Lökten yin ṙāmölōn, Ō yī-ö halīöngö, yī-ö mī-iyöng ël u inrē. Ötkôlò yin yī-ö panam, mai inrē; pò ngam sī-ö nö ngaich nö yôntī nö in yīö, holtö yöng lanīnö; pòn akahalōn töre nöng rahëchtöreṙen.

T. MĀKÖS 9:18

Afukngen ò ap, yē ò nöng yihtöre nö in ò; pēhĕv elvāng anga-aṅ, kap kui kanapre inrē; ngaich an nöng lëvngö. Ngaich chu-ö ve-ekūö më haköptö Meh, nö ahōngen ò; ngaich öt kô cha-a.

MANEUTNYI 5:23

Tön höng chalôhë chin in Fërō, öich i minë-eny meh ṙô ṙô-òv, ngaich angā-aṅ nö öthakôlò vē tarik; hö-ö man ṙānyö vē tarik meh.

T. MËTIV 15:22

Ngaich hĕng tak ök kikānö aṅ Kanā-an, kumnyī-inyre nö ṙā-ang umuh; huḵa, nö ngö ṙô, Aheūklölōn tö chu; Ō Mā, Me-eṅ Kūön Tāvit. Öt kôlò ap kūön chu kikānö, īnu tö sī-ö.

T. MĀKÖS 9:25

Ngaich hē Yēsū nö meuk yik tömaṙôngö nö hufālö nö yihtöre; ngaich Anga-aṅ nö vëkö ök tötlöök sī-ö, nö ngö ṙô, Me-eṅ tötkô ṙô-òv, töthang inrē sī-ö; Chu-ö Chin tamölṙô meh, Meutnyi, ṙā-ang in ò; um hēk meuthöt in ò.

T. MĀKÖS 9:27

Kēḵ kël ò pöri Yēsū, ngaich hachohlen ò; ngaich choholre anga-aṅ.