T. MĀKÖS 9:25 - TÖHET LĪPÖRE (Re-edited) Bible (BSI)

²⁵ Ngaich hē Yēsū nö meuk yik tömaṙôngö nö hufālö nö yihtöre; ngaich Anga-aṅ nö vëkö ök tötlöök sī-ö, nö ngö ṙô, Me-eṅ tötkô ṙô-òv, töthang inrē sī-ö; Chu-ö Chin tamölṙô meh, Meutnyi, ṙā-ang in ò; um hēk meuthöt in ò.

T. MĀKÖS 9:25 Referans Kwoze

INLAHEN 16:18

Ṙōl sumkam anga-aṅ nö ngatī; ngaich pöri ang Pôl nö uhā-en, havöölökūöre ngaich anga-aṅ, ngaich ngö ṙô tök sī-ö, Tölṙô meh chin, i Mine-eny Yēsū Kristū, öm meutnyi ṙā-ang in ò. Ngaich iṙūö meutnyi anga-aṅ hē e.

T. LŪKÖS 9:42

Ṙòngmöng yihtöre anga-aṅ, ngaich ngam sī-ö nö afukngen ò, ane inrē pilönan nö kalē-ĕtī. Vëka pöri ngam tötlöök sī-ö tö Yēsū; ngaich lööken ngam nyīö, ngaich kētuvö tö Ò nö ik yöngre. Ngaich cha-a nö ṙòkhöre nö pingangkūö tö kanôlò ngam Tēv.

T. MĀKÖS 9:15

Ngaich hē yik tömaṙôngö nö meūkan, ngaich uṙeh alaha cha-a; ngaich iṙūö faltöre nö salāman.

T. MËTIV 17:18

Ngaich Yēsū nö vëken ò; ngaich kunyi-inyre ök sī-ö, nö ṙā-ang in ò. Hētentö e ngaich, ök nyīö nö lööken.

NGAM LĪPÖRE KAHŪICH YŪT 1:9

Ngaich pöri Maiköl, ngam mākūö ma-ahānga, hē ò nö lā-alkūö ngam sī-ö nö kil ngam alaha Môsös, öt kētö chanökhuṙô tö ò nö im kinṙôka, ngö ṙô pöri, Vëka man töm Mā.

T. LŪKÖS 11:14

Ngaich ahōngö sī-ö Anga-aṅ nö ik tötkô nö ṙô-òv. Ngaich chuhhë ngam sī-ö, ngaich ngam tarik tötkô nö ṙô-òvö, nö kahôka, Ngaich më tömaṙôngö nö pingangkūö.

T. LŪKÖS 8:29

Pò Ò nö tölṙô yik tötlöök sī-ö nö kunyi-inyre nö ṙā-ang ik tarik. Marò-òten an nö in ò; ngaich aṅtuvö anga-aṅ, nö nyanëktö sayōk; ngaich litòknyö u; ahōṙi ngaich tö ngam sī-ö nö el-inchōn.

T. LŪKÖS 4:41

Ngaich më sī-ö ṙamā-ang i yik tömaṙôngö nö kunyī-inyre, pōitô nö ngö ṙô, Me-eṅ Man Kristū Öm Kūön ngam Tēv. Ve-evkūö cha-a tö Ò, höng öt halöngnyuṙô nö ṙô-òvö, pò cha nö akahakūö tö Ò nö Kristū. Mikāhaten Yēsū Nö El Chūök Vinë-ekūötēv (Mk 1.35-39)

T. LŪKÖS 4:35

Ngaich ngö ṙô Yēsū nö vëken ò, Ṙāngôre mana; kunyī-inyre öm ṙā-ang in ò. Ngaich hē ngam sī-ö nö afukngen ò, nö el ṙôngö, kunyī-inyre ngaich anga-aṅ nö ṙāngen ò; höng öt chökhuṙen tö ò.

SAKARIĀ 3:2

Ngö ṙô ngaich ngam Mā Tēv tö satān, Ō Satān, vëka man tö ngam Mā Tēv; hôṅ, ngam Mā Tēv ngam ma-atöllen Yērusalem nö vëken meh: röh öng angū-ö nö hanūkūö tameūyö tötöknyu nö ṙā-ang i kūö tameūyö?

T. MËTIV 12:22

Ngaich hĕng tak ök tökētu nö in Ò, tö-īnu tö sī-ö, tötmeuk tötkô nö ṙô-òv inrē. Ngaich halanken ò Anga-aṅ; ṙô-òvö ngaich ngam tarik, meuk inrē.

T. MĀKÖS 9:24

Ngaich iṙūö peuiny ök yöng ök nyīö, nö ngö ṙô, Ṙātö ellōnre chin. Meukṙen hanāṅten mikah chu.

T. MĀKÖS 9:26

Keuheūthëṙen nö hūḵa, ngaich hangihire tī tö ò, nö pōihangen; meutnyi ngaich, nö ṙā-ang in ò, ngaich ngam nyīö nö sā kupah; lökten nö maṙôngö yik tö ngö ṙô, kapah an.