T. MĀKÖS 9:20 - TÖHET LĪPÖRE (Re-edited) Bible (BSI)

²⁰ Ngaich kēten ò cha-a nö in Ò. Ngaich hē ngam nyīö nö meūkö Yēsū, iṙūö hangihire tī ngaich ngam sī-ö tö ò, nö pōihangen; fukngö ngaich nö el tumlat, pilönöre, nöng pēhĕv elvāng.

T. MĀKÖS 9:20 Referans Kwoze

T. MĀKÖS 1:26

Ngaich ngam tötlöök sī-ö nö hangīhire tī tö ò, ngaich pōitô nö hūḵa; ṙāngen ò ngaich.

T. LŪKÖS 4:35

Ngaich ngö ṙô Yēsū nö vëken ò, Ṙāngôre mana; kunyī-inyre öm ṙā-ang in ò. Ngaich hē ngam sī-ö nö afukngen ò, nö el ṙôngö, kunyī-inyre ngaich anga-aṅ nö ṙāngen ò; höng öt chökhuṙen tö ò.

1 PĪTÖR 5:8

Hayöngöre yin: höngöre. Tön havötköre an ngam sī-ö, ngam tökunyahaṅ elmat tö yīö, nö sā ṙôktô lāyön, nö chöh ap kahā-angre.

T. YÔHAN 8:44

Ngam sī-ö an yöng yīö; ngaich la-evṙen yī-ö tö nup lōn ngam yöngre. Famël tarik an ik raneh; öt mi-im kanô-en, pòn öt kanô-envö nö in ò. Ṙô-òvö anga-aṅ nö minyôiny-aṅ, yōm minnyôiny-aṅ inrē.

T. LŪKÖS 9:42

Ṙòngmöng yihtöre anga-aṅ, ngaich ngam sī-ö nö afukngen ò, ane inrē pilönan nö kalē-ĕtī. Vëka pöri ngam tötlöök sī-ö tö Yēsū; ngaich lööken ngam nyīö, ngaich kētuvö tö Ò nö ik yöngre. Ngaich cha-a nö ṙòkhöre nö pingangkūö tö kanôlò ngam Tēv.

T. LŪKÖS 8:29

Pò Ò nö tölṙô yik tötlöök sī-ö nö kunyi-inyre nö ṙā-ang ik tarik. Marò-òten an nö in ò; ngaich aṅtuvö anga-aṅ, nö nyanëktö sayōk; ngaich litòknyö u; ahōṙi ngaich tö ngam sī-ö nö el-inchōn.

T. MĀKÖS 9:26

Keuheūthëṙen nö hūḵa, ngaich hangihire tī tö ò, nö pōihangen; meutnyi ngaich, nö ṙā-ang in ò, ngaich ngam nyīö nö sā kupah; lökten nö maṙôngö yik tö ngö ṙô, kapah an.

T. MĀKÖS 9:18

Afukngen ò ap, yē ò nöng yihtöre nö in ò; pēhĕv elvāng anga-aṅ, kap kui kanapre inrē; ngaich an nöng lëvngö. Ngaich chu-ö ve-ekūö më haköptö Meh, nö ahōngen ò; ngaich öt kô cha-a.

T. MĀKÖS 9:19

Ngaich ngö ṙô Anga-aṅ tö cha, Ō yī-ö tötakaha tūmö; irô-òten Öich min in yīö? Irô-òtö manööyö Öich min in yīö? Kēten ò in Chu.

T. MĀKÖS 9:21

Ngaich hatön ök yöng ò Yēsū, nö ngö ṙô, I ṙô-òten ang nö ngaich tök hētö yanihih e nö in ò? Ngaich ngö ṙô anga-aṅ, Hētentö ò nö ṙòngmö nyīö.

T. LŪKÖS 9:39

Ngaich kē-ĕyö anga-aṅ tök sī-ö, ngaich hönglūk anga-aṅ nö hūḵa; pilönö anga-aṅ tö ò, ngaich atēngakūö; kihngen chanuhu anga-aṅ nö ṙā-ngen Ò, ngaich pōihangentī tö ò nö taleuich.