T. MĀKÖS 9:18 - TÖHET LĪPÖRE (Re-edited) Bible (BSI)

¹⁸ Afukngen ò ap, yē ò nöng yihtöre nö in ò; pēhĕv elvāng anga-aṅ, kap kui kanapre inrē; ngaich an nöng lëvngö. Ngaich chu-ö ve-ekūö më haköptö Meh, nö ahōngen ò; ngaich öt kô cha-a.

T. MĀKÖS 9:18 Referans Kwoze

T. MĀKÖS 11:23

Tökô-ò ṙô Chin tö yīö, Ngòh tö ngö ṙô min tö ngih rôngö, Ateuklöng man yēḵ: ngaich fuk el mai, nö öt kintöngulōn, ṙātö ellōnre pöri, tö e min nö teungten; ngaich teūngen min anga-aṅ tö e.

T. MĀKÖS 9:26

Keuheūthëṙen nö hūḵa, ngaich hangihire tī tö ò, nö pōihangen; meutnyi ngaich, nö ṙā-ang in ò, ngaich ngam nyīö nö sā kupah; lökten nö maṙôngö yik tö ngö ṙô, kapah an.

T. MĀKÖS 9:20

Ngaich kēten ò cha-a nö in Ò. Ngaich hē ngam nyīö nö meūkö Yēsū, iṙūö hangihire tī ngaich ngam sī-ö tö ò, nö pōihangen; fukngö ngaich nö el tumlat, pilönöre, nöng pēhĕv elvāng.

T. MËTIV 17:16

Ngaich kēten ò chu-ö in më haköptö Meh; ngaich öt kô cha-a nö halanken ò.

INLAHEN 7:54

Ngaich hē cha nö hāngö u, ṙatngöre ellōn cha-a ngaich; kap kui kanapre inrē, nö in ò.

Salmai 112:10

Meūkö e min yip tötlöök, ngaich haṙīvölōn; ti-ëaṅt kui kanap re min anga-aṅ, ngaich chaṙēviyö: öt kôlò min öp lōn ngòh tötlöök.

NGAM LĪPÖRE KAHŪICH YŪT 1:13

Tökalēḵ mahūṅvö ngam mai, hapĕhnyö sumrōngkūö nöng kahngenre; taneūsömat mahavöt, töhöngkaṙen töp tösah aṅ i tösah nöng örheūheu.

T. MËTIV 15:22

Ngaich hĕng tak ök kikānö aṅ Kanā-an, kumnyī-inyre nö ṙā-ang umuh; huḵa, nö ngö ṙô, Aheūklölōn tö chu; Ō Mā, Me-eṅ Kūön Tāvit. Öt kôlò ap kūön chu kikānö, īnu tö sī-ö.

T. MËTIV 8:12

Ngaich pöri vē kūön ngam pūlngö min nö kavāliyö, el ngam sinngūlö elkahôyö. In e min nöng peuiny, kap kui kanapre inrē.”

NGAM LĪPÖRE YŌP 16:9

I lanīnöre an nö chiṙesngen chu, surīkhen chu inrē; kapkui kanap re an nö in chu; hangëḵ matre an nö in chu ngam lā-al chu.

T. MĀKÖS 9:17

Ngaich hĕng tak ök aṅ i yik tömaṙôngö, tö ngö ṙô tö Ò, Mahaköphöti; kētö ngòh kūönre chin, ngòh tö īnu tö sī-ö tötkô nö ṙô-òv.

T. MĀKÖS 9:19

Ngaich ngö ṙô Anga-aṅ tö cha, Ō yī-ö tötakaha tūmö; irô-òten Öich min in yīö? Irô-òtö manööyö Öich min in yīö? Kēten ò in Chu.