T. MĀKÖS 9:15 - TÖHET LĪPÖRE (Re-edited) Bible (BSI)

¹⁵ Ngaich hē yik tömaṙôngö nö meūkan, ngaich uṙeh alaha cha-a; ngaich iṙūö faltöre nö salāman.

T. MĀKÖS 9:15 Referans Kwoze

MANEUTNYI 34:30

Ngaich hē Āròn ṙòkhöre inrē yik kūön Israĕl nö meūkö Môsös, angāṅya uk alaha ök kūö ò nö meūkö; ngaich pa-ekūö cha-a nö haröhtöre nö in ò.

T. MĀKÖS 9:16

Ngaich hatön yik kamūich Anga-aṅ, nö ngö ṙô, Asuh ap ṙô yīö, ve-ekūö cha?

T. MĀKÖS 9:25

Ngaich hē Yēsū nö meuk yik tömaṙôngö nö hufālö nö yihtöre; ngaich Anga-aṅ nö vëkö ök tötlöök sī-ö, nö ngö ṙô, Me-eṅ tötkô ṙô-òv, töthang inrē sī-ö; Chu-ö Chin tamölṙô meh, Meutnyi, ṙā-ang in ò; um hēk meuthöt in ò.

T. MĀKÖS 14:33

Ngaich ngô-òṅ hēḵ Pītör Anga-aṅ, Yāköp, Yôhan inrē; kētöre ngaich nö pōyen ranöingö alaha, ane inrē kanihngen ellōn,

T. MĀKÖS 16:5

Kuhēthötre cha-a ngaich nö ël ök anūlö; ngaich hĕng tak ök ṙāl tarik tö-isōho inyut maheuṅk cha, ūichhaka nö lahāmö. Ngaich rötlö cha-a.

T. MĀKÖS 16:6

Ngaich ngö ṙô anga-aṅ tö cha, Ui pa-ekūö; chamöhö Yēsū yin, öp aṅ Nāsaret, ök töharātu. Choholre ök nö ngaich; öt ihih öku. Yĕh ngëichkö ngam chūök tī cha tö Ò.