T. MĀKÖS 9:12 - TÖHET LĪPÖRE (Re-edited) Bible (BSI)

¹² Ngaich ngö ṙô Anga-aṅ tö cha, Kô ap Ēlaicha nö urĕh tö yihih, ngaich halēn taṙòkhöre. Ngaich Sitih kinūichngö ngòh Kūön Tarik, tö Ò nö ötkôn rö-ö nö pōiyen kanihngen, sōḵovö inrē?

T. MĀKÖS 9:12 Referans Kwoze

Isayā 50:6

Kētö uk re chin in yip famòh, tameuk sanôi samā; hö-ö chin hanyatngökūöre tö sumrōngkūö öt rēhĕn i kinösngö elmat.

Isayā 52:14

I ṙôngö yip töpingangkūö nö in ò, höng yô-òv mineūkö anga-aṅ, öt rahëichyen nö sāta nö i tarik, lāngö höng yanô-òv inrē tö vē kūön tarik,

T. LŪKÖS 23:11

Ngaich Herôt, yik kumyung inrē, nö hayāichngen Ò, hayëḵngen Ò, hayutlen Ò inrē tö ök tövai inyut. Ngaich tīnngen Ò nö hēk nö in Pailĕt.

Isayā 49:7

Ngö ṙô An ngam Mā Tēv, ngam ṙāmānyen Israĕl ngam Töhĕng Töhet inrē, tö ngam tö yāich nāichngen, tösō-ovö tö pumnāmö tarik, ngam tarik aṅ i mahayöng: meuk min yip Rācha chōholre inrē; kūön rācha, cha-a inrē min fātngökūöre; kūö ngam Mā Tēv, ngam tökô-en, Töhĕng Töhet in Israĕl, ngam kamtöllen meh.

SAKARIĀ 13:7

Ō fël, chōholre man lāḵlö öp yōm pököre chu, lāḵlö öp tarik inrē öp hol chu, ṙô ngam Mā Tēv yip töma- ṙôngö. Hachök ap yōm pö- köre, ngaich parātiyö min nup sīṅp; ngaich chū-ö min havāngtö këlre i nup kuöṅnö.

T. LŪKÖS 1:76

Me-eṅ nyīö havëka man min öm pròfĕt ngam Lamātulöng; pò meh min öm urēhĕkūö ngam Mā Tēv, öm halēnken talöökö Ò;

MALAKI 4:6

Ngaich anga-aṅ min nö havöötö ellōn yip yöng nö in yip nyīö, ellōn yip nyīö inrē nö in yip yöng; hòṅ chu min öt yih öich hachök ngih tumlat aṅtī tö rinôichngen.

T. LŪKÖS 23:39

Ngaich hĕng tak ök tötlöökö la-en ök töharātu, nö ötlēkôre tö Ò, nö ngö ṙô, Kristū Öm Me-eṅ;; hayöökenre Man yĕh; hayööken ai inrē.

T. MËTIV 26:24

Ngaich Ön ngòh Kūön Tarik nö kiröönngöre, nöng sā kinūichngö Ò; tötkôlò öp tarik, öp tölökngu tī tö ngòh Kūön Tarik nö kē-ĕ-yö. Löök öp öre misī, yĕn öt fötnyu öp tarik anga-aṅ.

T. MËTIV 16:21

Hēten e Ang Yēsu nö hameukhömat yik mahaköp, tö Ò nö hòṅ chuh Yērūsalem, ngaich pōiyen kanihngnen nö i yik mā, fëliyö, ngaich choholre im linūöi sumkam.

SAKARIĀ 11:13

Ngaich ngö ṙô ngam Mā Tēv tö chu, Kavalngö e ip chūök rupīö, ngam tölöök ṙôken ṙāi ngam ṙāi chu in cha. Ngaich chū-ö kē nuk tölūö anāi tum tāk rupīö, ngaich kahal tö u im chūök rupīö, el patī ngam Mā Tēv.

Salmai 74:22

Ō Tēv, chōholre, vë-elkui ih: köpölōn tö ngam tö kulō-ov tarik nö miṙēngen Meh, nö öt hĕng hang sumkam.

T. MĀKÖS 9:13

Ngö ṙô pöri Chu-ö tö yīö, Ngaich ap Ēlaicha nö yih ngaich ngaich tī cha-a tö ò, ip töng lōnre; sā ṙô ngam töhet līpöre tö ò.

T. MĀKÖS 9:31

Pò Ò nö haköptö yik haköptöre, nö ngö ṙô tö cha, Kētu Ön min ngòh Kūön Tārik, nö eltī tarik; ngaich fëlngen Ò min cha-a. Keuheūthëṙen finëlngö min Anga-aṅ, ngaich choholre hēk, unôichrit tö lūöi sumkam.

T. MĀKÖS 10:33

Nö ngö ṙô, Yĕh meuk; chuh Yerūsalem in; ngaich min ngòh Kūön Tarik nö kēḵtu nö i yip mākūö kūönṙô, yip kamūich inrē. Ngaich cha-a min nö hōten Ò nö kumpaha; ngaich kēten Ò nö i yip tahëng mihëṅṙö.

INLAHEN 1:6

Lökten hē cha nö hamūlöre, ngaich ngö ṙô nö hatönan, Mā; ngaich Öm töngamuh havantö ngam pūlngö in Israĕl?

INLAHEN 4:11

Anga-aṅ An ihong tö sōḵovö tö yīö, yī-ö mamānö; ngam tövītu nö yöngkūö sinkeukngö.