T. MĀKÖS 8:38 - TÖHET LĪPÖRE (Re-edited) Bible (BSI)

³⁸ Ngòh tösirōngkūö tö Chu, tö në ṙô Chu inrē, i ngih ma-asĕha, tököölö fālen tūmö; sumrōngngökūö ò min ngòh Kūön Tarik, yē Ò nö yih nö im kanôlò ngam Yöngre, nö holtö yip töhet ma-ahānga.

T. MĀKÖS 8:38 Referans Kwoze

RŌMA 1:16

Pò chu öt sirōngkūö tö ngam tölöök inhānga: pò e nö minhôiṅyö ngam Tēv im inyööken, nö in cha nö ṙòkhöre yip ṙamātö ellōnre; i yip Yahūti urĕh, i yip Krīk inrē.

1 YÔHAN 2:23

Öp mamahngö ngam Kūön, anga-aṅ töt aṅhaṅv-in töm Yöng: anga-aṅ ngòh mahalööknyôre töm Kūön īnu töm Yöng inrē.

YĀKÖP 4:4

Yī-ö ma-asĕhha, öt akahalōn öyih; tö ngam innôlö aṅ ing panam nö lā-al kūö ngam Tēv? Lökten ngòh töng mahanôl ngih panam vi-ire anga-aṅ nö lā-alkūö ngam Tēv.

T. LŪKÖS 9:26

Pò ngòh tösirōngkūö min tö Chu, tö në ṙô Chu inrē; anga-aṅ min tösumrōngikūö tö ngòh Kūön Tarik, yē Ò nö yihtöre nö ip kanôlòre, kanôlò ngam Yöng inrē, yip töhet ma-ahānga inrē.

2 TIMÒTĪ 1:8

Lökten man um sirōngkūö tö ngam ineūkö ngam Mā hī, um rēhĕn tö chu chu-ö haköv Ò: hol ngam talöök inhānga pöri harëtöre sā ngam minhôiṅyö aṅ im Tēv;

T. MËTIV 26:64

Ngaich ngö ṙô Yēsū tö ò, Ngaich man yih ṙô-òvö. Ngö ṙô Chin tö yīö. Töngamuhöten yin min meuk ngòh Kūön Tarik, nö ūichhaka nö lahāmö ngam minhôiṅyö, ngaich yih nö i kui taṙul ngam halīöngö.

T. MËTIV 16:27

Pò ngòh Kūön Tarik min nö yih, nö im kanôlò ngam Yöngre, nö holtö yip ma-aṅhāngare; ngaich kē-ĕkūö tarik min Anga-aṅ tö tö sā nup la-en cha.

HEPRĀI 11:26

Ṙātö el lōnre tö ngam sinrōngkūö Kristū nö tömötlö nö kanôlò tö nup töpōiṙāi kanôlò aṅ Aikup: pò ò nö ngëichngöre tö gnam invahal raneushö.

HEPRĀI 11:16

Ngaich pöri cha-a tö ngamuh nö lōn tö öp töngö-al panam, ngam aṅ el halīöngö: lökten ngam Tēv nö öt sirōngkūö tö cha, nö Tēv cha invëka: pòn halēnken tö hĕng Anga-aṅ elpanam cha.

2 TIMÒTĪ 1:12

Angū-ö lökten chu inrē kihngen tö në; ngaich sön chū-ö öt sirōngkūö; pò chu akahakūö töp chūökre ṙātö ellōnre, ngaich akahalōn chū-ö tö Ò nö kô nö aṅtö yip kahëtö chu in Ò ip sakāmö.

T. MËTIV 12:39

Ngaich ngö ṙô Anga-aṅ tö cha, Vē tötlöök, ma-asĕhha tūmö inrē, chöh minkahngö; öt kinë-evkūö pöri töminkahngö, höng ngam minkahngö ngam pròfĕt Yôna.

T. YÔHAN 1:51

Ngaich hēk ngö ṙô Anga-aṅ tö ò, Tökô-ò ṙô Chin tö meh, meuk ngam halīöngö man min nö löpnyörekūö; ngaich yip ma-ahānga, aṅ im Tēv nö yônlö, yônti inrē nö i kui ngòh Kūön Tarik.

T. MËTIV 25:31

Hē ngòh Kūön Tarik min nö yih nö im kanôlòre, ṙòkhöre min yip ma-ahānga nö hol ò; ūichlöre Anga-aṅ ngaich, nö el kantēra kanôlò.

T. MËTIV 24:30

Ngaich möl nö meūkö minkahngö ngòh Kūön Tarik, nö el halīöngö; ngaich ṙòkhöre min vē aṅ ngih panam nö kōköre; ngaich cha-a min nö meuk yanihih ngòh Kūön Tarik nö el taṙul ngam halīöngö, holtö chöngö, kanôlò inrē.

T. LŪKÖS 19:26

Ngö ṙô chin tö yīö, Ngòh tö-aṅhaṅv-in ngaich kē-ĕvkūö min; ngòh tötaṅhaṅv-in pöri, ngaich nö kē-ĕyö ap töng mi-in ò min.

T. MËTIV 13:41

Tīntö yip ma-aṅ-hāngare min ngòh Kūön Tarik; ngaich cha-a min nö hamūl ngaich kēḵngö u nö ṙā-ang im pūlngö Ò, nup töpô-òvkūö, yip tarik inrē tötlöökö la-en; ngaich kavalhötvö cha-a min nö i kūö öp töhūkūö tameūyö.

TANĪ-ĔL 7:13

Ngaich meuk chū-ö i heūvö tö hatööm, Yĕh meuk, holtö taṙul ngam halīöngö. Hĕng tak ök umuh yamih tö sā kūön tarik, yih anga-aṅ nö i nuk sakāmö mā misī, ngaich kētu anga-aṅ nö i kuö ò.

TANĪ-ĔL 7:10

Hëmnyi ök tameūyö, ngaich löknyö kūö ò nö yihtöre; hĕng köṅny tököṅnyu nö lök la-en ò, söm köṅny tum van tösöm köṅny sökhak nö i kūö ò; kinṙôka ngaich nö inkaha fālen, fehnyu kūö ngaich nuk līpöre.

I. CHÖNGÖ 33:2

Ngö ṙô anga-aṅ, Yih an ngam Mā Tēv nö ṙā-ang Sināi, ngaich choholre nö in cha nö ṙā-ang Sēir; yang anga-aṅ nö ṙā-ang ip rôngö Parān, yih anga-aṅ nö ṙā-ang i yip tösöm köny töhet: lahāmö ò ök chöngö cha tötameūyu.

HEPRĀI 13:13

Ta-a lökten, töi chuh in Ò lā-uk ngam elyöngö, keun ngam sinrōngkūö Ò.

2 TIMÒTĪ 1:16

Kētö neūkölōn an yēḵ ngam Mā nö i patī Ònīsifòres: pòn ṙōlheuh anga-aṅ nö ha-aṅlen chu, ngaich rö-ö nö sirōngkūö tö inlöökö chu;

KALATĪ 6:14

Uh chin yēḵ chū-ö eū-eure, höng im töhakālö ngam Mā hī, Yēsū Kristū; ngam lökngen ngih panam nö kapah nö in chu, kapah chu-ö inrē ing panam.

INLAHEN 5:41

Kiröönngöre yik tanīnöṙô nö ṙā-ang i kūö yik kamhôṅka; ṙāmölōn töre nö halöngtuṙen nö sumrōngikūö tökūö ngam Mine-eny;

T. YÔHAN 12:34

Ngaich yik tömaṙôngö nö ngö ṙô tö Ò, Töt chanūhuvṙen Öp Kristū, nö hāngö tö ih, nö im chöngö. Kūöyòh Öm ngö ṙô, Hatamlöngö Ön min ngòh Kūön tarik?

T. YÔHAN 5:27

Ngaich pòn Kūön Tarik Anga-aṅ, ngaich kē-ĕvkūö tö Ò tö chöngö nö kahôka.

T. YÔHAN 1:14

Ngaich ngam Ṙô nö vīngöre nö tarik; ngaich iyöng in hī, tööḵlö tö hanāngenlōn kanô-en inrē. Ngaich meuk kanôlò Ò ayī-ö, sā kanôlò ngam töng hĕng maneuk kūön ngam Tēv.

T. MĀKÖS 14:62

Ngaich ngö ṙô Yēsū, Chu-ö Chini. Meuk ngòh Kūön Tarik yin min nö ūichhaka nö lahāmö ap kanôlò, ngaich yih nö löktö el taṙul.

T. MËTIV 16:4

Tötlöök, ma-asĕhha tūmö, chöh minkahngö; öt kē-ĕvkūö pöri angū-ö tö minkahngö, höng ök minkahngö Yôna. Ṙā-ang Anga-aṅ tö cha, ngaich kiröönngöre.

SAKARIĀ 14:5

Ngaich yī-ö min falngöre lök el achāṙö minë rôngö chu, pò ngam achāṙô minë Rôngö chu min nö sölngö nö i Asel. Hôṅ, falngöre yin min, sā yīö misī falngöre urēhĕkūö ngam kumyeūnö hē nuk sakāmö Usayā rācha aṅ Yūtā: ngaich ngam Mā Tēv min nö yih ngam Tēv chu, ṙòkhöre min inrē yip töhet nö hol meh.

T. MËTIV 8:20

Ngaich Yēsū nö ngö ṙô tö ò, “Kilmīṙu nun në am aṅ el-inchōn; chūöku në chehechōn nö haṙòh; rö-ö pöri ngòh Kūön Tarik nö chūöku ṙanôlngö kui.”

T. MËTIV 16:28

Tökô-ò ṙô Chin tö yīö, Rēvre yip ihih samökhaka, yip töt kamlah kinpaha, hanöng saha mat cha nö meuṅk ngòh Kūön Tarik nö yih nö im pūlngöre.

T. MĀKÖS 8:37

Asuh öp öre, ṙāitī ngòh tarik tö nômöre?

T. MĀKÖS 13:26

Ngaich möl cha-a min nö meuk ngòh Kūön Tarik nö löktö el taṙul nö yih, nö holtö minhôiṅyö, kanôlò inrē.

INLAHEN 10:22

Ngaich ngö ṙô cha-a hĕng taka ap yöngṙen töhēngòng kumyung, ang Kòrnëli, talöök ap nö tarik tö pa-ekūö inrē tö ngam Tēv, tö eūnyu inrē tö vē Yahūti; ve-evkūö ap tö ngam Tēv, nö lökten ik töhet ma-ahānga, nö hōtu nö tīnngö mahavëten meh i patī ò; hōtu inrē nö hang nup ṙô meh. Havëhötnen cha ngaich anga-aṅ, ngaich hachūöklen cha.

1 TÖSALÒNIKĒ 2:19

Asuh ṙöng ap, maheūṅkkö ih, ṙanāmölōn, sapīöv ineū-euṅ? Röh öi yī-ö, i kūö ngam Mā Yēsū ip yanihih Ò?

1 TÖSALÒNIKĒ 3:13

Pòn hòṅ haköpngö nup ellōn yīö Anga-aṅ im hanëtö, nö öt vinëku nö i kūö ngam Tēv hī, Yöng inrē, ip yanīhih ngam Mā hī Yēsū KrisTū nö holtö yip töhet.

1 YÔHAN 2:28

Yĕh pöchö, yī-ö kun kūön chu, haköpöre in Ò; hòṅ hī tayāchaṙen, öi öt sirōngkūö i kūö ò, hē öp yanihih Ò, yĕn hameuktu min Anga-aṅ.

INMEUKHÖMAT 14:10

Ngaich anga-aṅ min nö òk ngam vāin ngam lanīnö ngam Tēv, öp töhalēnö, nö öt katēhĕ nö el öp kōp lanīnö ò; ngaich öt hakôlöngṙô min anga-aṅ nö i kūö tameūyö, tö hū ihong inrē, nö i kūö yip töhet Ma-ahānga, i kūö ngam pököre inrē: