T. MĀKÖS 8:35 - TÖHET LĪPÖRE (Re-edited) Bible (BSI)

³⁵ Pò ngòh tö hòṅ teūngen tö nômöre min, nö löhölti min tö e. Ngaich ngòh tölöhölti tö nômöre, töpòkūö Chu, ngam tölöök inhānga inrē, teūngen min tö e.

T. MĀKÖS 8:35 Referans Kwoze

1 KÒRIN 9:23

Keūheūttöre vahīken chin kūö tölöök inhānga, hòṅ chu tönôlta in e.

2 TIMÒTĪ 1:8

Lökten man um sirōngkūö tö ngam ineūkö ngam Mā hī, um rēhĕn tö chu chu-ö haköv Ò: hol ngam talöök inhānga pöri harëtöre sā ngam minhôiṅyö aṅ im Tēv;

T. LŪKÖS 17:33

Ngòh lamukkö taneūngenre tö nômöre, öt teūngen tö e min. Ngòh tötteūngen tö nômöre aṅhatī min tö e.

T. MËTIV 16:25

Ngòh tö hòṅ hayööken nômöre, löhöltī tö e; ngòh tö löhöl tī tö nômöre, töpòkūö Chu, teūngen tö e.

T. MËTIV 19:29

Ngaich ṙòkhöre yip ṙamā-ang patīre, hanöng kisānöre, yöngre, kūönre, panamre, tö pòkūö Mine-eny Chu; hēngòng taneūngen min; ngaich amīnu tö ngam nômö tö örheūheu-aṅ.

T. MËTIV 10:39

Ngòh tökôtökūö tö nômöre, öt teūngen min tö e; ngòh tötteūngen tö nômöre, töpòkūö Chu, kôtökūö min tö e.

2 KÒRIN 12:10

Lökten chin kumchikngenre im öt kumlēḵen, i pinlāngen, i hanāten, i inkihten, i kanihngen, tö pôkūö Kristū: pò chu, yē chu ötkalēḵen, ngaich kalēḵ chu-ö.

INLAHEN 9:16

Hameukhömat ò Chin min tö ṙôken kanihngen ò tö kūö Minë-eny Chu.

T. LŪKÖS 9:24

Pò ngòh tö hòṅ hayööken nômöre, nö ötteūngen min tö e; ngòh tö-ötteūngen pöri tö nômöre min, tö pòkūö Chu, anga-aṅ min mahayööken e.

INMEUKHÖMAT 12:11

Ngaich mihôiṅ cha-a, lökten i mahām ngam pököre, lökten ngam ṙô inhangkö Ò tö cha. Öt ma-iṅ nômöre cha-a nö im kinpaha.

T. MËTIV 10:22

Surīkhu yin min tö taṙòkhöre tarik, töpòkūö Minë-eny Chu. Ngòh tököp pöri, nö söl ip manā-aṅ, anga-aṅ min töhayöökaṙen.

INMEUKHÖMAT 2:10

Uh man pa-ekūö tö u nup töt ṙôktörevö kanihngen meh; yĕh meuk, tö ngam sī-ö nö hòṅ rultöre nö sukhöt yip rēvre tö yīö nö el kinlōngö, hòṅ yīö kalaha; kanihnguṙen yin min söm sumkam. Söl i kinpahare kanô-en man yēḵ, ngaich kē-ĕkūö meh min chu-ö tö sapīöv aṅ i nômö.

INLAHEN 21:13

Ngaich ngö ṙô ang Pôl, Kūöyòh öi peuny ane inrē miṙivngölōn chu, öi ngatī, yē chu tölēnen, öt höng tönyëkö, tön kapah inrē, i Yerūsalem, töpòkūö Mine-eny ngam Mā Yēsū?

INMEUKHÖMAT 7:14

Ngaich ngö ṙô chū-ö tö ò, Me-eṅ man tö akahalōn. Ngaich ngö ṙô anga-aṅ tö chu, Cha-a yin vē ṙamā-ang el ök yöng kanihngen, ngaich cha-a nö söich minë tö aṙū-uti inyutre, nö i mahām ngam pököre nö mī-isohnyö mat u.

HEPRĀI 11:35

Kapah kikānö, ngaich hachohlöngö, kumpaha nö fōhoh yip tahëng, öthōḵ nö ṙānyuvö, pò cha nö hòṅ teūngen, tö tölöök invanlö tökapah:

INLAHEN 20:24

Rö-ö ön ngih nômö chu nö tö pōi ṙāi tö lōn chu, öt tökôlò inrē nö in chu; höng yē chu keuheūten tö ngam la-en, taneūngen chu aṅ im Mā Yēsū, ngam inhangkö ngam tölöök inhānga, ngam inlōnti aṅ im Tēv.

T. MĀKÖS 8:36

Asuh öp öre kanôlò ngòh tarik, ngòh tö teūngen töng panam, ngaich löhöltī pöri tö nômöre?

Mumkahten 3:6

Ṙētakvö chöh, ṙētakvö inrē chatngentī; ṙētakvö halinhangen, ṙētakvö inrē kavalhanga;