T. MĀKÖS 8:34 - TÖHET LĪPÖRE (Re-edited) Bible (BSI)

³⁴ Ngaich havëtö yik tömaṙôngö Anga-aṅ, nö in re, nö holtö yik haköptö Ò; ngaich ngö ṙô tö cha, Yĕn tarīkuvö tö hòṅ tömrit Chu; hökngen ò yēḵ nö hayëḵngenre, nö kēḵ ngam töhakālöre nö tömrit Chu.

T. MĀKÖS 8:34 Referans Kwoze

T. MËTIV 10:38

Ngòh tötkamëḵ ngam töhakālöre, nö tömrit Chu, öt kô anga-aṅ nö in Chu.

T. YÔHAN 10:27

Hang ṙô chu, nun në pököre Chu; akahakūö Chū-ö inrē tö u: tömrit Chu anū-ö inrē,

1 RĀCHA 14:8

Ngaich tikaingö ngam pūlngö ṙā-ang i patī Tāvit, ngaich kētö e in meh: ngaich sönngenre më-eṅ öt sā ök tarik chu Tāvit, ök mahaköp në chöngö chu, ök tamömrit chu inrē nö holtö ellōn re öt töchīpö la-en inrē nö i kūö chu;

KALATĪ 5:24

Ngaich cha-a yip aṅ in Kristū Yēsū nö ngaich nö fëlngö ngam alaha, tö nup töchōich lōn e inrē.

KALATĪ 2:20

Ngaich chin harātu hol Kristū; sön chu-ö aṅ: rö-ö pöri ōtre öich chū-ö, tön Kristū tö aṅ nö in chu: ngaich ngam anaha chu töngamuh ing alaha, aṅ chū-ö im mikah, ngam mikah im Kūön ngam Tēv, ngam töhāngenlōn tö chu, kēngöre inrē töpôkūö chu.

1 YÔHAN 3:16

I ngih, pò Ò nö kēḵngö nômöre tö pòkūö hī. Ngaich hòṅ kēḵngö nômöre ayī-ö töpòkūö yip holre.

KINṘEŪKÖ 14:24

Höng Kalĕp ngòh tarik Chu, pò ò nö tahëngö aṅ in tö ma-alaha, ngaich keuheūtlöre nö tömrit Chu, anga-aṅ min tökētu tö Chu nö im panam ngam chahūhuh ò nö ngaich, ngaich yip kūön ò min nö hayōmö e.

T. MËTIV 16:24

Ngaich ngö ṙô Yēsū tö yik mahaköp, Yĕn tarikuvö töhòṅ tömkörit Chu, hökngen ò yēḵ nö hayëḵngenre, nö kēḵngam töhakālöre, nö tömrit Chu.

FILIPĪ 3:10

Hòṅ chu akahakūö tö Ò, ngam minhôiṅyö ngam invanlö Ò inrē, ngam innôlti inrē im kanihngen Ò, ngaich asātu im kinpaha Ò;

RŌMA 8:17

Ngaich yē hī kūön, ngaich tö amīnuvö: tö amīnuvö töm Tēv, hol Kristū tö amīnuvö, yē hī sā Ò kihngen, hòṅ hī inrē hapōilöngö hol Ò.

T. LŪKÖS 9:23

Ngaich ngö ṙô Anga-aṅ tö cha nö ṙòkhöre, Yē ngòh tarik tö hòṅ yihtöre nö tömrit Chu, hökngen ò nö hayëḵngenre, nö kēḵ ngam töhakālö örheūheu, ngaich tömrit Chu.

KÒLÒSĪ 3:5

Lökten kumpahngö nup tūmö alahare më-el tumlat, Chinô-òṅkānö, töchōich, sinṙakngölōn, tötlöök lōn, ngam yinikhanga inrē, ngam vinë-ekūö insātēv.

FILIPĪ 3:7

Nuk taneūngen pöri nö in chu, ngaich kaheuktu tö chu nö yanëḵngen töpòkūö Kristū.

1 PĪTÖR 4:1

Pò Kristū nö ngaich nö kihngen nö im alaha, ngatī yin yēḵ yī-ö inrē kēḵ aṅtīre öi ngatī lōn; pò ngam tökihngen nö im alaha, nö ṙāngenre nö i tökööl;

KALATĪ 6:14

Uh chin yēḵ chū-ö eū-eure, höng im töhakālö ngam Mā hī, Yēsū Kristū; ngam lökngen ngih panam nö kapah nö in chu, kapah chu-ö inrē ing panam.

1 KÒRIN 15:31

Kahōlö, ṙô tö ngam ṙānāmölōnre chin in yīö, ngam lamökten im Mā hī Kristū Yēsū, örheūheu chin chū-ö kapah.

RŌMA 6:6

Akahalōn tö ngih, tö ngam höteh tarik hī nö harātu nö hol Ò, hòṅ ngam tökööl alaha nö ṙā-aiṙen, hòṅ ngam tökööl nö öt ngöhöre nö hayöng nö in hī.

T. LŪKÖS 14:33

Lökten yē ngòh mi-in yīö tötṙamā-ang inlānenre, öt kô anga-aṅ nö mahaköp nö in Chu.

2 PĪTÖR 1:14

Pòich akahalōn tö ṙinòngngö ngih inrūkui, nö veūten yanihih, sā ṙô ngam Mā hī Yēsū Kristu nö hameuktö e nö in chu.

1 PĪTÖR 4:13

Ṙāmölōn yin sā yīö ngaich hamòl im kanihngen Kristū, hòn hē öp inmeuktö öp kanôlò Ò inrē yī-ö min pōyen ṙanāmölōn.

TAITÖS 2:12

Haköpten hī, pòi hōtu harööḵngen ötlanöökö, nup lōn töyīki inrē aṅ panam, ngaich iyöng, öt sinṙaklen, chanīpen, lanöökö inrē, ing töngamuh panam:

KÒLÒSĪ 1:24

Ṙāmölōn chin i në kanihngenre tö pòkūö yīö, ngaich haṙënngö ngam töhāṅten chu-ö kanihngen Krsitū ing alahare, pòkūö ngam alaha Ò, ngih māṅ;

INLAHEN 14:22

Hangëkö ellōn yik mahaköp; ṙuhöl alaha cha inrē nö haköpngöre nö im mikah; ve-eny nang cha inrē tö hī, lökten i kanihngen, öi kuhēthötre im pūlngö ngam Tēv.

T. LŪKÖS 18:22

Höng hangtöre ang Yēsūtö e, ngö ṙô Anga-aṅ tö ò, Hĕng ap töhāṅten nö in meh; inyihngö nup taṙòkhöre man chehenre; öm katölhökūö yāich; ngaich me-eṅ min kanôluṙô el halīöngö. Ngaich ta-a tömrit Chu.

T. LŪKÖS 13:24

Ngaich ngö ṙô Anga-aṅ tö cha, Kalah yin kuhēthötre, lökhöt im töcheūkti inkūp. Ngö ṙô Chin tö yīö, maṙôngö yip min chamöh talöököre, nö kuhēthötre nö in e; ngaich rö-ö min nö kô.

T. MËTIV 27:32

Ngaich hē cha nö kunyi-inyre, hĕng taka ök tarik kanôtökūö cha, aṅ Kuṙēnī, Sīmōn ök minënyö ò. Anga-aṅ lahīp cha, nö kiröönngöre nö in cha; pòn hōtu nö keun ök tö hakālö Ò.

INMEUKHÖMAT 2:10

Uh man pa-ekūö tö u nup töt ṙôktörevö kanihngen meh; yĕh meuk, tö ngam sī-ö nö hòṅ rultöre nö sukhöt yip rēvre tö yīö nö el kinlōngö, hòṅ yīö kalaha; kanihnguṙen yin min söm sumkam. Söl i kinpahare kanô-en man yēḵ, ngaich kē-ĕkūö meh min chu-ö tö sapīöv aṅ i nômö.

HEPRĀI 13:13

Ta-a lökten, töi chuh in Ò lā-uk ngam elyöngö, keun ngam sinrōngkūö Ò.

2 TÖSALÒNIKĒ 3:11

Pò ih hang yip rēvre lamök in yīö nö öt lēnö inlahen, yip töng rö-ö nö vahī-ivṙen, höng samöömkö ṙô.

1 KÒRIN 9:19

Pò chu pòrô öt inlōm tarik, kētöre pöri chū-ö elkatòh, hakövö tö taṙòkhöre, pò chu hòṅ ṙūöhlöre taneūngen.

1 KÒRIN 8:13

Lökten, yē ngam nya-aṅkūö nö pô-òvkūö tö ngam mak alaha chu nö kavē-ĕre, ngaich chū-ö öt hòṅ kā alaha, hòṅ chu öt pô-òvkūö tö ngam mak alahare nö kavē-ĕre.

T. YÔHAN 19:17

Kunyī-inyre ngaich anga-aṅ, keun ök töhakālöre, nö chuh ip chūök kui kupah; ök Kòlkòta, tö ṙô Heprai.

T. LŪKÖS 20:45

El nang yik tarik ṙô Anga-aṅ, nö ngö ṙô tö yik mahaköp.

T. MĀKÖS 10:21

Ngaich Yēsū nö hatīönken ò, nö hāngenlōn tö ò; ngaich ngö ṙô tö ò, Hĕng öp hanāten meh. Kuṙòh; inyihngö nup inre man, ngaich kē-ĕkūö yāich; ngaich me-eṅ minö el halīöngö chehen. Ngaich ta-a; kēḵ ngam töhakālöre tömrit Chu.

T. MĀKÖS 7:14

Havë-eti Anga-aṅ hēk tö yik tömaṙôngö nö in Ò; ngaich ngö ṙô tö cha, Ṙòkhöre yin hangihtöre; akaha elnang inrē.