T. MĀKÖS 8:33 - TÖHET LĪPÖRE (Re-edited) Bible (BSI)

³³ Havöölökūöre Anga-aṅ, ngaich ngëichkö yik haköptöre; ngaich ngö ṙô, nö vëken Pītör, Sātān; heūlngöre man, i uk Chu; tön rö-ö man lōn tö aṅ im Tēv, nup aṅ i tarik pöri.

T. MĀKÖS 8:33 Referans Kwoze

T. MËTIV 4:10

Ngaich ngö ṙô Yēsū tö ò, “Sātan kē-ĕngre man; tön ngö kinūichngö an, Ve-ekūö ngam Mā Tēv man; höng Anga-aṅ lahök la-en meh inrē.”

1 YÔHAN 2:15

Uh yin hāngen töng panam, un rēhĕn tö nup chehen aṅkūö ngih panam. Yĕn tarīkūvö töhāngenlōn töng panam, öt in ò ngaich ngam hanāngenlōn ngam Yöng.

FILIPĪ 3:19

Yip töng manāngen tö ötkanôlò; töng tēv tö aichre; töng kanôlò tö sumrōngkūöre; töng lōntö nup chehen aṅ ngih panam.

INMEUKHÖMAT 3:19

I tum tat yip hanāngen chu, vëken cha chū-ö chökṙen cha inrē: lökten kalēḵĕ ellōn, havöötö ellōnre inrē.

Salmai 141:5

Hökngen öp tölöök nö kisōlö chu, tī tö hanāngenlōn angu-ö, hökngen ò inrē nö vëken chu, ngaich sā tavī-i angū-ö nö i kui: un sōḵ ngam kui chu tö e; tön iṙūöhöṙô chin ve-ekūö Meh, lā-al ötlanöökö cha.

1 PĪTÖR 4:1

Pò Kristū nö ngaich nö kihngen nö im alaha, ngatī yin yēḵ yī-ö inrē kēḵ aṅtīre öi ngatī lōn; pò ngam tökihngen nö im alaha, nö ṙāngenre nö i tökööl;

1 TIMÒTĪ 5:20

Cha-a yip tököölö fālen, vëken cha i kūö tömaṙôngö, hòn pa-ekūö yip inrē.

1 KÒRIN 5:5

Nö kētö töngatī nö in Sātān; nö halëli ngam alaha, hòṅ ngam ma-alaha nö yöölen im sakāmö ngam Mā Yēsū,

T. LŪKÖS 22:61

Ṙònghöichṙô anga-aṅ, ilööṙen ngaich nö takeūk hayōm. Havöötökūöre ngam Mā, ngaich ngëichken Pītör; ngaich fē-ĕlre ang Pītör tö ṙô ngam Mā, nö ngö ṙô tö ò, Urēhĕkūö ṙô hayöm, i ngih hatööm, lūöi tum heuh min me-eṅ mahangre öt akahakūö tö Chu.

T. MĀKÖS 3:34

Ngaich havīngömatre Anga-aṅ nö i yik amūichhaka, nö havīlen Ò; ngaich ngö ṙô Anga-aṅ, Yĕh meuk, ngam yöng Chu kikānö; vē mëm Chu inrē.

T. MĀKÖS 3:5

Ngaich hē Ò nö havīngömatre, nö hol tö lanīnö, nö ngëichken cha; pòn haṙivlōn tö ngane-eṅ ellōn cha; ngö ṙô Anga-aṅ tök tarik, Hateutnyö kël re mana. Ngaich hateutnyö e anga-aṅ ngaich lööken ök kël ò.

T. MËTIV 15:23

Ngaich pöri Ang-aṅ nö öt hĕng höiny nö sapṙô ò. Ngaich yihtöre yik mahaköp nö in Ò, ngaich ve-ekūö Ò, nö ngö ṙô, Tīnngen ò Man yēḵ; tön höng hūkörit hī an.

2 SAMUĔL 19:22

Ngaich ngö ṙô ang Tāvit, Sitih inlahen öichvö in yīö, yī-ö kikōnyö kūön Sērūyā, tö yīö hòṅ lā-al chu töngamuh i ngih sakāmö? Hēktöre hòng min tarik tö kumpaha in Israĕl i ngih sakāmö? Röh öich ngaich akahalōn töre töngamuh öich rācha i kui Israĕl?

LA-EN LĒVĪ 19:17

Uh man kunyāṅha ellōn ip makalaha meh: lahëḵ man vëkö öp holre, uh pöri öm keun tökööl tö pòkūö ò.

TAITÖS 1:13

Tökô-en nun anū-ö tö-eūka. Lökten man, kalēḵĕṙô vëken cha, hòṅ cha nö lööken nö im mikah,

T. LŪKÖS 9:55

Havöölökūöre Anga-aṅ, ngaich vëken cha; ngaich ngö ṙô Ò, Rö-ö yin akahalōn tö fanöinylö löknyö yīö öi havëkö e.

T. LŪKÖS 4:8

Ngaich ngö ṙô Yēsū nö sapṙô ò, Me-eṅ Sātān, heūlngöre man lā-uk Chu; tön töngö kinūichngö an, Im Mā Tēvre man sōntökūöre; höng Anga-aṅ lahök la-en meh.

NGAM LĪPÖRE YŌP 2:10

Ngö ṙô pöri anga-aṅ tö ò, Sā ṙô töhĕng tak man më-eṅ tökulō-ov kikānö öm ṙô-òv. Höng tölöökhöre taneūngen öi min eltī ngam Tēv, öt teūngen öi min inrē tö tötlöök? In u ang Yōp nö ṙòkhöre nö öt köölö fālen nö i minuh re.

T. MËTIV 16:23

Havöölökūöre pöri Anga-aṅ, ngaich ngö ṙô tö Pītör, Heūlngöre man, Sātan, insānngö Chu man; pò meh öt lōntö nup aṅ im Tēv, lōntö nup aṅ i tarik pöri.