T. MĀKÖS 8:32 - TÖHET LĪPÖRE (Re-edited) Bible (BSI)

³² Halööknyôre Anga-aṅ tö e. Ngaich Pītör nö sarōkngen Ò, ngaich vëken Ò.

T. MĀKÖS 8:32 Referans Kwoze

T. MËTIV 16:22

Tūökngen Ò pöri Pītör, ngaich kētöre nö vëken Ò, nö ngö ṙô, Mā öt hōḵ Man; sòk nö öt ngatī nö in Meh.

T. YÔHAN 16:25

Anū-ö nun ṙô Chu inchōḵovṙô tö yīö. Yih pöri nö ngaich ngam ṙētaka, hē Chu öt ngöhören inchōḵovṙô tö yīö; halöökṙôre pöri, ve-eny nang yīö tö ngam Yöng.

T. YÔHAN 16:29

Yĕh meuk; ngö ṙô yik mahaköp nö in Ò; möl Man halöökṙôre; Öm öt inchōḵovṙô.

T. YÔHAN 18:20

Ngaich ngö ṙô Yēsū tö ò, Höng hangāṅlnyöṙô re Chin ing panam; el chūök vine-eṅkūötēv Chin haköphöti, el ngam töhet chūök inrē, i chūök vē Yahūti nö ṙòkhöre nö mūl. Rö-ö Chin ulāikôre.

T. LŪKÖS 10:40

Ngaich ang Mārta nö rëtnyi elmat nö meukṙen nya-aṅkūö. Ngaich yihtöre nö in Ò, nö ngö ṙô, Mā, rö-ö Öm hòṅ vëkö ngam kahëm chu, tö ò nöng ṙāngen chu hĕng taka, öich meukṙen. Lökten Man yĕh tölṙô ò, hòṅ ò nö holṙen chu.

T. MĀKÖS 4:38

Ngaich Anga-aṅ nöng lārit nöng haṙòh nö el tinnyik; ngaich kilanglen Ò cha-a, nö ngö ṙô; Mahaköphöti; öt chumkūöṙen Öm tö hī ötkôlò?

T. YÔHAN 10:24

Yihtöre yik Yahūti, nö kiteūmtöre nö in Ò, ngaich ngö ṙô, I rô-òten Öm Me-eṅ kitöngkölōn ih? Halöökṙôre Man yēḵ; ve-eny nang ih, yē Meh Öm Me-eṅ Kristū.

T. YÔHAN 11:14

Lökten Yēsū nö halöökṙôre, nö ngö ṙô tö cha, Kapah ap Lāsörös.