T. MĀKÖS 8:31 - TÖHET LĪPÖRE (Re-edited) Bible (BSI)

³¹ Rĕhnyôre ngaich Anga-aṅ nö haköpten cha tö ngam Kūön Tarik nö ötkôn rö-ö nö pōyen kanihngen, sōḵovö min tö yip yöngṙen, mākūö kūönṙô, kamūich inrē; kumpaha min, ngaich choholre hēk, unôichrit tö lūöi sumkam.

T. MĀKÖS 8:31 Referans Kwoze

INLAHEN 7:35

Anga-aṅ Môsös ngam sahōḵo cha sin, nö ngö ṙô, Achīö öp vamīlen meh hayöng, kahôka inrē? Anga-aṅ tahīntö ngam Tēv nö hĕnghöre mahayöng, ṙamānyö inrē, nö lökten ik ma-ahānga, ök tömeūkö tö ò nö el töyul.

T. YÔHAN 2:19

Ngaich Yēsū nö ngö ṙô nö sapṙô cha, Tiṙōlngö ngih töhet chūök; ngaich Chū-ö min asöklö e i tö lūöi sumkam.

T. LŪKÖS 24:26

Tö sōtu ang Kristū nö ngatī kanihngen tö u, ngaich kuhēthötre nö unôich nö im kanôlòre?

T. LŪKÖS 17:25

Urĕh pöri Anga-aṅ nö pōyen kanihngen ane inrē sōḵov tö ngih tūmö tarik.

T. MĀKÖS 12:10

Öt ve-ekūö ngam töhet līpöre öi yī-ö, tö ngö, Ngam ihong tösōḵov tö yip mamānö, ngaich anga-aṅ nö yöngkūö sinkeukngö.

T. MËTIV 21:42

Ngaich ngö ṙô Yēsū tö cha, Öt ve-ekūö aṅ mat nup töhet līpöre öi, Ngam ihong sahōḵo yip mamānö, ngaich anga-aṅ nö vītu nö yöngkūö sinkeukngö. Aṅ i ngam Mā an angū-ö; ngaich pingangkūö në mat hī

T. MËTIV 12:40

Pòn sā Yôna misī nö lūöi sumkam, lūöi mitööm inrē nö ellōn ök tökiröng kāḵ; ngatī min ngòh Kūön Tarik nö lūöi sumkam lūöi mitööm inrē, nö lataṙeū tö tumlat.

HŌSĪ 6:2

Unôichrit tönët sumkam an min nö ha-aṅha hī: im linūöi sumkam min anga-aṅ hachohlen hī, ngaich aṅ min ayī-ö i kūö ò.

1 KÒRIN 15:4

Tö ò nö ūliyö; tö Ò inrē nö hacholöngö im linūöi sumkam, sā ṙô minë töhet līpöre,

T. LŪKÖS 24:44

Ngaich ngö ṙô Anga-aṅ tö cha, Në nun ṙô Chu, ṙahônyö Chu in yīö, hē Chu ṙòngmö in yīö; tö u nö töhōtu nö keuheūtiṙen nup tökūichiyö nö im chöngö Môsös, i nup pròfĕt, ane inrē i nup salmai, nup inlahen Chu.

YÔNA 1:17

Halēnlö tökiröng kāḵ ngaich ngam Mā Tēv nö ngameūkten Yôna; ngaich Yôna nö lūöi sumkam lūöi mitööm inrē nö ellōn ök kāḵ.

Isayā 53:3

Töt hakūökaṙen an tösō-ovö inrē tö tarik; tarik miṙivlōn an, tö-īnu inrē tö miṙivlōn; sā öp töhĕng tak an inrē chūök tarik nö hanyatngö kūö re öt hakūökaṙen anga-aṅ rö-ö ayīö inrē hāngen tö ò.

Salmai 118:22

Ngam ihong tö so-òv tö yip mamānö: vītöre nö yöngkūö sinkeukngö.

1 SAMUĔL 10:19

Sōk-o ngam Tēv re pöri yī-ö in ngih sakāmö ngam mahayööken yīö ṙā-ang i nup taṙòkhöre öt kanôlò yīö kanihngen yīö inrē; ngaich ngö ṙô yī-ö tö ò, Hö-ö, ha-ūichlö rācha pöri i kui ih. Lökten hameuktöre yin töngamuh ikūö ngam Mā Tēv i miyöngö yīö, i tun köṅny yīö inrē.

1 SAMUĔL 8:7

Ngaich ngö ṙô ngam Mā Tēv tö Samu-ĕl, Hang ṙô më tarik man i nup ṙô cha tö meh: tön rö-ö yin nö sōḵen meh, sōḵen chu pöri cha-a, nö sōḵten chu rācha i kui cha.

T. YÔHAN 12:48

Ngòh samôḵen Chu, öt hōḵo në ṙô Chu inrē, hĕng öp kamhòkken ò, ngih ṙô ṙahônyö Chu, angū-ö min kamhòkken ò, ip manā-aṅ sakāmö,

T. MËTIV 27:63

Ngaich ngö ṙô, Mā, Köpölōn in tö ṙô ök mahachīl, i saha Ò nö ṙòngmö aṅ, nö ngö ṙô. Unôichrit tö lūöi sumkam Chin min hēk choholre.