T. MĀKÖS 8:17 - TÖHET LĪPÖRE (Re-edited) Bible (BSI)

¹⁷ Akahalōn Ang Yēsū tö e, ngaich ngö ṙô tö cha, Kūöyòh öi ve-ekūöre, pò yīö öt īnu tö ròtī? Öl öi meuk, öt rēhĕn öi akahalōn? Höng ngëḵengre nup ellōn yīö?

T. MĀKÖS 8:17 Referans Kwoze

T. MĀKÖS 6:52

Pò cha nö öt akahalōn tö inlahen nuk ròtī; ngëḵngöre nuk ellōn cha.

T. MĀKÖS 2:8

Iṙūö akahalōn Yēsū tö cha nöng ellōnhanga nö inre; ngaich ngö ṙô tö cha, Kūöyòh öi höng ellōnhanga tö u?

Isayā 63:17

Ō Mā Tēv, kūöyòh ömeh vī-i ih vāichö kū-ötö ngam talöökö meh öm öt hangëṅngö ellōn ih inrē, tö lökten ih öt pa-ekūö tö meh? Chö-öinytö tarik re man yēḵ havantöre, vē miyöngö yip amin meh.

T. MĀKÖS 3:5

Ngaich hē Ò nö havīngömatre, nö hol tö lanīnö, nö ngëichken cha; pòn haṙivlōn tö ngane-eṅ ellōn cha; ngö ṙô Anga-aṅ tök tarik, Hateutnyö kël re mana. Ngaich hateutnyö e anga-aṅ ngaich lööken ök kël ò.

INMEUKHÖMAT 2:23

Fëlngö yip kūön ò chin min aṅtītö kinpaha; ngaich ṙòkhöre në māṅ min nö akahalōn tö chu, öich chū-ö anga-aṅ, chamöh elkilpong, el fanöinylö inrē; kö kē-ĕkūö yīö min chu-ö tö tösā nup vahīṙen yīö.

T. YÔHAN 21:17

Ngö ṙô Yēsū tö ò, īm linūöi heuh, Sīmōn, me-eṅ kūön Yôna; hāngenlōn öm tö Chu? Haṙivlōn ngaich ang Pītör, pòn linūöi heuh ṙô Ò, nö ngö, Hāngenlōn öm tö Chu? Ngaich ngö ṙô Pītör tö Ò. Mā! Tökeuheūttöre mikahlōn Man; akahalōn Man, tö chu hāngenlōn tö Meh. Ngaich ngö ṙô Ang Yēsū tö ò, Ha-aṅlö në pököre Chu man.

T. YÔHAN 16:30

Ngaich in akahalōn tö Meh tökeuheūttöre mikahlōn; öt kusīknyô tarik Man, nö hatönö Meh. In e in ṙātö ellōnre tö Meh ṙamā-ang im Tēv.

T. LŪKÖS 24:25

Ngaich ngö ṙô Anga-aṅ tö cha, Ō yī-ö tötakaha, tötka-eūyen ellōn öi ṙātö ellōnre i nup ṙô yik pròfĕt.

T. MĀKÖS 16:14

Unôichngöre Anga-aṅ nö meūkö tö yik tö kahuksīön taka, hē cha nö ūichhak nö nyā; ngaich Anga-aṅ nö vëkö ötmikah cha, nganëḵeṅ ellōn cha inrē; pò cha nö öt ṙātö ellōnre tö ṙô yik mameūkan, unôichrit chanôhòl Ò.

T. MËTIV 15:17

Öt akaha elmat öyih tö nup lamökhöt elvāng nö chu el puhū, nö meutnyi nö hēk?

T. MËTIV 12:15

Akahalōn pöri Ang Yēsū tö e; ngaich kē-ĕngre nö ṙā-ang in e. Maṙôngö yik tamömrit Ò; ngaich halanken cha Anga-aṅ, nö ṙòkhöre.

T. MËTIV 16:7

Ngaich cha-a nö ve-ekūöre, nö ngö ṙô, Öt kēkö ròtī in,

T. MĀKÖS 8:16

Ngaich cha-a nöng kö vë-ekūöre, nö ngö ṙô, Öt īnu in tö ròtī.