T. MĀKÖS 8:15 - TÖHET LĪPÖRE (Re-edited) Bible (BSI)

¹⁵ Ngaich Yēsū nö halēnö cha, nö ngö ṙô, Hīnöre yin: haṙēmngenre töp tö-aföhlöng aṅ i yip Feresī, aṅ in Hērôt inrē.

T. MĀKÖS 8:15 Referans Kwoze

T. MËTIV 16:6

Ngaich ngö ṙô Yēsū tö cha, Haṙēmngenre yin, tö nup tö-aföhlöng i yip Feresi, Satukī inrē.”

T. MĀKÖS 12:13

Ngaich cha-a nö tīntö aṅ i yik Feresī, yik aṅ in Hērôt inrē; pò cha nö hòṅ kēḵ An i nup ṙô Ò.

LA-EN LĒVĪ 2:11

Nup tö-aföhlöng nyā-aṅ tökētu min nö öt kētu nö i ngam Mā Tēv: pò yīö öt föng tö aföhlöng min, ötrēhĕn hönī, nö tökētu nö im Mā Tēv nö lökten i kūö tameūyö.

INCHŌḴ-OṘÔ 19:27

Kūön chu, ṙā-angre i hināngö inköphöti në töng lanô-òṅkūö ṙā-ang i nup ṙô mikah.

1 TIMÒTĪ 6:13

Tölṙô meh chin i kūö ngam Tēv, i kūö Kristū Yēsū inrē, ngam mī-i kūö Pòntiös Pailĕt nö hameuktö ngam tölöök inlööknyô;

T. MËTIV 14:1

Hē e ök kun rācha Hērôt nö hang ineūkö Yēsū;

2 TIMÒTĪ 2:14

Chaphöt u man anū-ö në, nö kanöpölōn cha, i kūö ngam Tēv, tölṙô cha, hòṅ cha nö öt lā-alkūöre nö chööḵnyö tö nup ṙô, nö hòṅ halō-ongkūö cha, yip hamang.

1 TIMÒTĪ 5:21

Tölṙô meh chin i kūö ngam Tēv, Kristū Yēsū inrē, yip tökatöllöng ma-ahānga inrē, öm haköp nö öm um chanöku; öt kahëkuṙen tö intölten.

T. LŪKÖS 12:15

Ngaich ngö ṙô Anga-aṅ tö cha, Haṙēmngenre yin, kē-ĕngre ui im yinikhanga; pò ngih nômö ngòh tarik nö öt i ṙôken nup chehen mi-in ò.

1 KINṘÖTNGÖ 28:20

Ngaich ngö ṙô Tāvit tök kūönre Sòlòmön, Hangë-eṅre man um pa-ekūö inrē, la-evṙen tö e. Um pa-ekūö, um ngangngö kūö; tön in meh an ngam Mā Tēv, ngam Tēv chu, Öthōḵ an nö öt teung nö in meh hēk öthō nö ṙāngen meh, hanöng saha nup la-en i ngam patī ngam Mā Tēv nö keuheūten.

T. MËTIV 14:3

Pò Hērôt nö kē-ĕ Yôhan. Ngaich nyëkan; kalonghöt ò ngaich nö el kinlōngö, töpòkūö Hērôti, ök pīhö ök kahëm ò Filip.

T. MËTIV 14:6

Hē ök sakāmö finötnyö Hērôt pöri, kiṙīöm ök kūön Hērôtī kikānö, nö ellōn cha; ngaich ṙāmölōn ang Hērôt;

T. MĀKÖS 8:14

Ngaich vaichngö yik mahaköp, nö öt kēkö ròtī; höng humeng ök in cha, nö el kupòk.

T. MĀKÖS 8:16

Ngaich cha-a nöng kö vë-ekūöre, nö ngö ṙô, Öt īnu in tö ròtī.