T. MĀKÖS 8:13 - TÖHET LĪPÖRE (Re-edited) Bible (BSI)

¹³ Ṙā-ang Anga-aṅ tö cha, ngaich yôklö nö el kupòk, ngaich chuh tahëng lā.

T. MĀKÖS 8:13 Referans Kwoze

INLAHEN 18:6

Hē cha nö lā-alkūö ò, miyëḵṙô inrē, piyònglö hilāre ngaich Pôl; ngaich ngö ṙô tö cha, Pòkūöre yin ötkôlò, öt pô-òvkūö chin chu-ö; töngamuhöten chin ngaich chuh i yip Tahëng Mihëṅṙö.

T. YÔHAN 12:36

I saha yīö īnu töm Hanātö, ṙātö ellōnre im Hanātö; hòṅ yīö kūön ngam Hanātö. Keuheūthëṙô Yēsū tö u, kiröönngöre ngaich, nö hayunngöre tö cha.

T. YÔHAN 8:21

Ngaich hēk Anga-aṅ nö ngö ṙô tö cha, Kiröönngöre Chin; chöhö Chu min yī-ö; ngaich kapah i nup tököölre; öt kô yin chuh ip chahūhu Chu.

T. LŪKÖS 8:37

Ngaich ṙòkhöre yik tarik aṅ ök panam i Keresēn, nup töng ranghö e inrē, nö ve-ekūö Ò nö kiröönngöre nö ṙāngen cha. Pò cha nö pōyen pinheṅ-eṅkūö. Yôklö Anga-aṅ ngaich nö el kupòk, ngaich havantöre.

T. MËTIV 15:14

Hökngen cha; mahachōkūö töt meuk yin. Yē ngam tötmeuk nö hachōkūö ngam tötmeuk, ngaich nëtre taka cha-a min nö suktöre nö el tömëngö.

T. MËTIV 7:6

“Un kēḵtu ap töhet nö i am: un rēhĕn nö kavaltu nö i kūö ha-un nup töpōiṙāi tasëhe; hòṅ u nö öt rööntökui u, ngaich havöölökūöre, nö kāpö meh.

HŌSĪ 9:12

Pòrô cha-a nö haruklö kūön re sön chū-ö min miṙivngölōn cha, nö öt hĕng tit tak tarik tö ōtre: hôṅ, töt kôlò yip cha-a inrē hē chu min ṙāngen cha!

HŌSĪ 4:17

Hamūltu Ifrēm nö i insātēv; hökngen ò.

YERIMIĀ 23:33

Hē öp töhĕng tak aṅ in vē tarik, hēk hĕng tak pròfĕt, hēk hĕng tak kūönṙô mahatönö meh, Suh ap tölangan aṅ im Mā Tēv? Ngaich ngö ṙô min me-eṅ tö cha, Yī-ö yin lumngan, kavalngen yīö chin min, ṙô ngam Mā Tēv.

Salmai 81:12

Lökten chin hökngen cha, nö tömrit ngam töt hanvöökenkūö ellōn cha: hòṅ cha nö lök im kanahngenre inlēnö tö cha.

T. MĀKÖS 8:12

Uhômlöre ngaich Anga-aṅ, ngaich ngö ṙô, Kūöyòh öng ngih tūmö nö hòṅ chöh minkahngö? Tökô-òṙô Chin tö yīö, Öt kē-ĕvkūö ön ngih tūmö tö minkahngö.

T. MĀKÖS 8:14

Ngaich vaichngö yik mahaköp, nö öt kēkö ròtī; höng humeng ök in cha, nö el kupòk.

INLAHEN 27:2

Yôklö ihö ngaich el ök chōng aṅ Etramutti, ök chamuh i nup panam i kūö mai i Asi; ngaich elmai ihö. Hol ih Aristakös ök aṅ Tösalònikē.