T. MĀKÖS 8:12 - TÖHET LĪPÖRE (Re-edited) Bible (BSI)

¹² Uhômlöre ngaich Anga-aṅ, ngaich ngö ṙô, Kūöyòh öng ngih tūmö nö hòṅ chöh minkahngö? Tökô-òṙô Chin tö yīö, Öt kē-ĕvkūö ön ngih tūmö tö minkahngö.

T. MĀKÖS 8:12 Referans Kwoze

T. MĀKÖS 7:34

Môklö kūöre el halīöngö, uhômlöre Anga-aṅ; ngaich ngö ṙô tö ò, Effata; ngam tö ngö, Löpnyökūöre yēḵ.

T. MËTIV 16:4

Tötlöök, ma-asĕhha tūmö, chöh minkahngö; öt kē-ĕvkūö pöri angū-ö tö minkahngö, höng ök minkahngö Yôna. Ṙā-ang Anga-aṅ tö cha, ngaich kiröönngöre.

T. LŪKÖS 19:41

Ngaich hē Ò nö röhta, ngaich meuk ngam panam Anga-aṅ, ngaich peūinyö e;

T. MĀKÖS 9:19

Ngaich ngö ṙô Anga-aṅ tö cha, Ō yī-ö tötakaha tūmö; irô-òten Öich min in yīö? Irô-òtö manööyö Öich min in yīö? Kēten ò in Chu.

T. MĀKÖS 6:6

A Ngaich Anga-aṅ nö pingangkūö tö ötmikah cha. b Ngaich keuheūtkūö tuhēt Anga-aṅ, nö haköphöti.

T. MĀKÖS 3:5

Ngaich hē Ò nö havīngömatre, nö hol tö lanīnö, nö ngëichken cha; pòn haṙivlōn tö ngane-eṅ ellōn cha; ngö ṙô Anga-aṅ tök tarik, Hateutnyö kël re mana. Ngaich hateutnyö e anga-aṅ ngaich lööken ök kël ò.

Isayā 53:3

Töt hakūökaṙen an tösō-ovö inrē tö tarik; tarik miṙivlōn an, tö-īnu inrē tö miṙivlōn; sā öp töhĕng tak an inrē chūök tarik nö hanyatngö kūö re öt hakūökaṙen anga-aṅ rö-ö ayīö inrē hāngen tö ò.

T. MËTIV 12:38

Ngaich rēvre yik kamūich, yik Feresi inrē, töngö ṙô tö Ò, Mahaköphöti; hòṅ meuk minkahngö in, aṅ in Meh.

T. MĀKÖS 8:13

Ṙā-ang Anga-aṅ tö cha, ngaich yôklö nö el kupòk, ngaich chuh tahëng lā.