T. MĀKÖS 8:11 - TÖHET LĪPÖRE (Re-edited) Bible (BSI)

¹¹ Yihtöre yik Feresī, kaknyöre ngaich nö hatönan; chöh minkahngö aṅ el halīöngö, nö kalahan.

T. MĀKÖS 8:11 Referans Kwoze

1 KÒRIN 10:9

Uh in rēhĕn kalah manöinyö ngam Tēv, sā yik rīkre tö cha; ngaich lëlngö tö kūö pēch.

T. MËTIV 12:38

Ngaich rēvre yik kamūich, yik Feresi inrē, töngö ṙô tö Ò, Mahaköphöti; hòṅ meuk minkahngö in, aṅ in Meh.

MALAKI 3:15

Ngaich in yih töngamuh töṙāmölōn ngö ṙô tö ngòh mahakeūlenre; hôṅ, könghakṙen yin cha-a vē töla-evṙen tö tötlöök; hôṅ, kalah ngam Tēv cha-a, ngaich ṙānyuvö.

I. CHÖNGÖ 6:16

Uh yin kalah ngam Mā Tēv ngam Tēv yīö, sā yīö misī kalahan i Massah.

T. YÔHAN 4:48

Lökten Yēsū nö ngö ṙô tö ò, Öt hōḵ yin ṙātö ellōnre, yē yīö öt meuk minkahngö, pinngangkūö inrē.

T. LŪKÖS 11:16

Ngaich tahëng yik kamlahan, ve-ekūö Ò tö min kahngö aṅ el halīöngö.

MANEUTNYI 17:7

Ngaich kaheuk minë-eny ök chūökö angā-aṅ nö Masa, Meripā inrē, kūö ngam linā-alkūö tö yik kūön Israĕl, ane inrē kūö cha nö kalah ngam Mā Tēv nö ngö ṙô In hī Ang kan ngam Mā Tēv, hö-ö ṙöng?

INLAHEN 5:9

Ngaich ngö ṙô Pītör tö ò, Kūöyòh an hĕngrelōn kalah ngam Töhet Fanöinylö ngam Mā Tēv? Yĕh meuk röön yip amulngö ök pihö meh, nö i kūö inkūp. Keunnyu man min tö cha.

T. YÔHAN 7:48

Mā-av hòng ṙamātö ellōnre nö in Ò? Feresīṙu hòng?

T. YÔHAN 6:30

Ngaich ngö ṙô cha-a tö Ò, Asuh ap tī Meh minkahngö, hòṅ ih meuk, ngaich ṙātö ellōnre in Meh?

T. LŪKÖS 10:25

Hĕng taka ök mahaköptö ngam chöngö, samöklöre nö kalah, nö ngö ṙô. Asuh ap min la-en chu hòṅ chu amīnuvö tö ngam tö-örheūheu-aṅ nômö?

T. MĀKÖS 12:15

Akahalōn pöri Anga-aṅ tö ngam innyatkö elmat in cha; ngaich ngö ṙô tö cha, Kūöyòh öi kalaha Chu? Hĕng hata tāk yin, kētö rupīö; hòṅ Chu meūkö e.

T. MĀKÖS 2:16

Ngaich hē yik kamūich, yik Feresī inrē, nö meūkan nö nyā nö hol yik tököölö fālen, mahamūl ṙāi kinëhet chehen inrē; ngö ṙô cha-a tö yik haköptö Ò, Sitih Ang nö nyā, òk inrē, nö holkūö mahamūl ṙāi kinëhet chehen, tököölö fālen inrē?

T. MËTIV 22:23

Im hē e angū-ö sakāmö, yik Satukī nö yihtöre, nö in Ò, yik törö-övṙô tö invanlö tökapah, ngaich cha-a nö hatönan, nö ngö ṙô.

T. MËTIV 22:18

Akahalōn pöri Yēsū tö ötlanöökö cha; ngaich ngö ṙô, Kūöyòh öi kalaha Chu, yī-ö mahanyatkö elmat?

T. MËTIV 22:15

Kiröönngöre ngaich yik Feresī, ngaich ve-ekūöre tötīre, nö tingööpan i nup ṙô Ò.

T. MËTIV 21:23

Ngaich hē Ò nö kuhēthötre nö el ök töhet chūök; ngaich yik mākūö kūönṙô, tö yik mākūö yik tarik inrē, nö yihtöre nö in Ò, hē Ò nö haköphöti; ngaich ngö ṙô, Asuh ap chöngö Meh, la-evṙen tö në? Achīö ap kamëḵ-eṅkūö Meh tö chöngö?

T. MËTIV 19:3

Ngaich yihtöre nö in Ò yik Feresī, kalahan, nö ngö ṙô, Kô ang ngòh tarik nö ṙāngö pīhöre nöng keuheūttöre löknyö chööḵnyi?

MANEUTNYI 17:2

Lökten yik tarik nö lā-alkūö Môsös, nö ngö ṙô, Kētö mak in ih hòṅ ih òk. Ngaich Môsös nö ngö ṙô tö cha, Kūöyòh öyih lā-alkūö chu? Kūöyòh öi kalah ngam Mā Tēv?

T. YÔHAN 8:6

Angū-ö ṙô cha nö kalahan; pòn hòṅ löknyuṙô nö vënyen Ò. Sōntöre pöri Yēsū, ngaich kūich el tumlat, nö aṅtī tö kuntīre.

T. MĀKÖS 9:16

Ngaich hatön yik kamūich Anga-aṅ, nö ngö ṙô, Asuh ap ṙô yīö, ve-ekūö cha?