T. MĀKÖS 7:7 - TÖHET LĪPÖRE (Re-edited) Bible (BSI)

⁷ Höng tötöl pöri cha-a nö hayīchö Chu; haköphötī tö fālen tarik nö inköphöti.

T. MĀKÖS 7:7 Referans Kwoze

Isayā 29:13

Ngaich ngam Mā nö ngö ṙô. Pò vē tarik nö ṙuöhtöre nö in chu, ngaich cha-a nöng elvāngre i minuh cha inrē nö milēḵṙen tö chu, kēngöp ellōn re pöri cha-a nö marôvat tö chu, ngaich ngam pinhe-eṅkūö cha tö chu nöng chöngö tarik nöng inköptö cha:

T. MËTIV 15:9

Höng tötöl cha-a nö ve-ekūö Chu; haköphöti pöri tö fālen tarik, nö inköphöti.

YĀKÖP 1:26

Yē ngòh tarik, nö im Tēv inlahen tölōnre, ngaich öt haköp ngam litākre, hachīl ellōnre pöri, töt kô-en an angū-ö falngen nö im Tēv.

KÒLÒSĪ 2:22

(Nup tötkôlò tö kūö linūölköre), nö tö sā talöökö chöngö inköphöti, aṅ i tarik inrē?

T. MËTIV 6:7

Uh man hĕngre ṙô, yē meh ve-ekūötēv, öm sā yip tahëng mihëṅṙö tarik; tön hāngö ṙô yip cha-a, tö lōnre, yĕn maṙôngö ṙô.

TAITÖS 3:9

Hakūnngö nup ṙô tötakaha intönö, inkaha lökngörit, lina-alkūö töng hòṅ mihôiṅhöre, linā-alkūö chööḵnyö töm chöngö, tön öt kanôlòvö tī nun anū-ö, chanök alaha inrē.

INMEUKHÖMAT 22:18

Kö hameukhömat tarik chū-ö ap hamang minë ṙô vine-eny mu-unôich i mat ngih līpöre, Yĕn tarīku ṙamūötö hol u min, ṙūötuṙen hol min nup tölëlngökūö invah nö in ò tö ngam Tēv, nup tökūichi nö i mat ngih līpöre:

1 SAMUĔL 12:21

Ui kānngöre öi lök nup töt kô-en töt hōḵ nö kôlòtī tö yīö öt rēhĕn nö kô nö ṙānyen yīö pò u nö töt kô-en.

I. CHÖNGÖ 12:32

Nup töng tinölô meh tö chu, anū-ö haköpkö meh öm la-evṙen um ṙūötö ṙôken u, um rēhĕn hakūönhanga in u.

YĀKÖP 2:20

Akahalōn öm min, Ō me-eṅ tarik mahanyatkö ellōn, tö ngam ṙinātö ellōn, yĕn köhngen tö nup la-en, nö öt ṙôngu?

MALAKI 3:14

Ngö ṙô yin ngaich, Chanök alaha an ngam linökö la-en ngam Tēv: asuh ap inrē kanôlò hī öi haköp ngih chöngö ò, tö hī inrē kiröönngöre i kūö ngam Mā Tēv yip tömaṙôngö öi höng haṙīvölōn?

1 KÒRIN 15:14

Ngaich yē Kristū öre nö öt hachohlöngö, ngaich ngam inhānga tö ih nöng chanök alaha, chanök alaha inrē ngam ṙinātö ellōnre tö yīö.

1 KÒRIN 15:58

Lökten, yī-ö hol chu, haköpöre yin, ui hanlöinyken: örheūheu ṙūölö ngam la-en ngam Tēv, akahatöhechlōn tö ngam la-en yīö, im Mā Tēv, nö öt chanök alaha.