T. MĀKÖS 7:6 - TÖHET LĪPÖRE (Re-edited) Bible (BSI)

⁶ Ngaich ngö ṙô Anga-aṅ tö cha, Kô-ò ṙô ök pròfĕt Isayā tö yīö yī-ö mahanyatkö elmat, sā kinūichngö e nö ngö, Höng i minuhre milēḵṙen yin vē tarik, tö Chu; marôvat pöri nup ellōn cha tö Chu.

T. MĀKÖS 7:6 Referans Kwoze

Isayā 29:13

Ngaich ngam Mā nö ngö ṙô. Pò vē tarik nö ṙuöhtöre nö in chu, ngaich cha-a nöng elvāngre i minuh cha inrē nö milēḵṙen tö chu, kēngöp ellōn re pöri cha-a nö marôvat tö chu, ngaich ngam pinhe-eṅkūö cha tö chu nöng chöngö tarik nöng inköptö cha:

TAITÖS 1:16

Eūköre cha-a nö akahakūö töm Tēv; ngaich i nup la-enre nö mahngen Ò, tösōḵov, töminôṙô, samô-òṅ nup taṙòkhöre tölöök la-en.

ISIKĪ-ĔL 33:31

Ngaich yih cha-a nö in meh nö sā tarik yamih, ūichngöre ngaich cha-a nö i kuö meh nö sā tarik chu, ngaich cha-a nö hangṙô meh hö-ö pöri min cha-a nö kēken e; pòn i minuhre cha-a nö hameuktö tökiröng hanāngenlōn, kētu pöri öp ellōn cha nö i taneūngen cha.

2 TIMÒTĪ 3:5

Ṙapkö töng insā lanöökö, ngaich harööḵngen ngam minhôiṅyö aṅ in e: havööngökūöre man inrē i töngatī.

T. YÔHAN 5:42

Akahalōn Chū-ö tö yīö, öi öt īnu tö hanāngenlōn ngam Tēv.

T. YÔHAN 15:24

Yē Chu öre öt ngaichngö tī tö në la-en, Öich in cha, në la-en töthĕng tak nö ngaich; ngaich öt tököölu in öre cha-a. Tön ngaich pöri cha-a nö hĕnghöre meuk, hĕnghöre surīkhen Chu, töm Yöng Chu inrē.

INLAHEN 28:25

Ngaich hē cha nö öt hōḵen höö, ngaich kiröönngöre cha-a, ngaich ngö ṙô Pôl nö unôich, kô-òṙô an ngam Töhet Fanöinylö, nö lökten in Isayā, ök pròfĕt, nö i yik muvöhngö yīö, nö ngö ṙô,