T. MĀKÖS 7:34 - TÖHET LĪPÖRE (Re-edited) Bible (BSI)

³⁴ Môklö kūöre el halīöngö, uhômlöre Anga-aṅ; ngaich ngö ṙô tö ò, Effata; ngam tö ngö, Löpnyökūöre yēḵ.

T. MĀKÖS 7:34 Referans Kwoze

T. YÔHAN 11:41

Ngaich cha-a nö kēḵngö ök ihong; ngaich môklökūöre Yēsū, nö ngö ṙô, Kayöngö; ha-öinyö Meh Chin, pò Meh hang ṙô Chu.

T. MĀKÖS 6:41

Kēḵtam Anga-aṅ tö nuk tö taneui ròtī, nuk tö nët nòng kāḵ inrē; môklökūöre ngaich nö el halīöngö, ngaich hakôlò u Anga-aṅ; ngaich fòk nuk ròtī. Kē-ĕkūö yik haköptöre ngaich Anga-aṅ, nö ṙātö u nö i kūö cha, Katölö cha-a inrē tö Ò, nö ṙòkhöre, tö nuk tö nët nòng kāk.

T. MĀKÖS 5:41

Ngaich kēḵ kël ök nyīö Anga-aṅ, ngaich ngö ṙô tö ò, Talitā kūmi, ngam tö ngö manah, Me-eṅ nyīö kikānö, choholre, ngö ṙô Chin tö meh.

INLAHEN 9:34

Ngaich ngö ṙô Pītör tö ò, Ainīös; lööken man ngaich tö tī Yēsū Kristū. Choholre lömlö ngam chamamre. Iṙūö choholre ngaich anga-aṅ.

T. YÔHAN 11:33

Hē Yēsū nö meūkan nö peuny, peuny inrē yik Yahūti hol ò; afil uhôṅmöre ngaich Anga-aṅ nö haṙivlōn.

T. MĀKÖS 15:34

Ngaich im tö lūöi köṅny ṙô Yēsū nö pōitô, nö ngö ṙô, Ēli, Ēli, lāma sapaktānī; ngam tö ngö manah, Tēv Chu, Tēv Chu, kūöyòh Öm ṙāngen Chu?

T. MĀKÖS 8:12

Uhômlöre ngaich Anga-aṅ, ngaich ngö ṙô, Kūöyòh öng ngih tūmö nö hòṅ chöh minkahngö? Tökô-òṙô Chin tö yīö, Öt kē-ĕvkūö ön ngih tūmö tö minkahngö.

INLAHEN 9:40

Kumnyīnyu pöri cha-a tö Pītör, nö ngö ṙô, Tapīta; choholre man. Milaklö matre ngaich anga-aṅ; ngaich ūichlöre, hē ò nö meukkūö Pītör.

T. YÔHAN 11:43

Keuheūthëṙô Anga-aṅ tö e, ngaich ngö ṙô, nö pōitô nö hūḵa, Lāsörös; kunyī-inyre man.

HEPRĀI 4:15

Pò hī öt īnu tö mākūö kūönṙô, tö ngam töt hōḵ nö öt akahaiṙen nö lūölka tö öt kumlēḵen hī: tö ngaich pöri Anga-aṅ nö kalaha nö keuheūttöre lā-a löktö, nö sā hī, öt īnu pöri tö tökööl.

T. YÔHAN 17:1

Anū-ö në ṙô Yēsū; ngaich môklökūöre nö el halīöngö nö ngö ṙô, Kayöngö yih an ngam ṙētak. Hapōilö ngam Kūönre Man; hòṅ ngam Kūön nö hapōilen Meh.

T. YÔHAN 11:38

Hēk Ang Yēsū nö afil unhôṅmöre; ngaich yihtöre nö ik anūlö. Höng kinluhu öku; hĕng ök ihong i kūö e,

T. YÔHAN 11:35

Taṙēchköṅny mak mat ngaich Yēsū.

T. LŪKÖS 19:41

Ngaich hē Ò nö röhta, ngaich meuk ngam panam Anga-aṅ, ngaich peūinyö e;

T. LŪKÖS 18:42

Ngaich ngö ṙô Yēsū tö ò, Meuk man yēḵ ngaich. Ngam mikah meh an tölöökentī tö meh.

T. LŪKÖS 7:14

Yihtöre Anga-aṅ, nö haröhtöre, ngaich lūölkö ngam chūök ngam tökapah ngaich sökngöre yik kameūnan. Ngaich ngö ṙô Ō, Me-eṅ, tö-ayal tarik, choholre; ngö ṙô Chin tö meh.

T. MĀKÖS 1:41

Hateutnyö këlre ngaich Anga-aṅ, nö i miṙēlōnre, ngaich lūölken ò, ngö ṙô tö ò, Hōḵ Chin; lööken man yēḵ ngaich.

Isayā 53:3

Töt hakūökaṙen an tösō-ovö inrē tö tarik; tarik miṙivlōn an, tö-īnu inrē tö miṙivlōn; sā öp töhĕng tak an inrē chūök tarik nö hanyatngö kūö re öt hakūökaṙen anga-aṅ rö-ö ayīö inrē hāngen tö ò.

MANEUTNYI 2:23

Ngaich ngö inlahen irô-òten nuk töṙōl sumkam, kapah ngaich ök rācha aṅ Aikup; ngaich yik kūön Israĕl nö halöinyöre tökūö ök inkövöre, ngaich peuiny chā-a, ngaich ök ṙô cha nö söllö nö im Tēv.

T. MĀKÖS 7:35

Ngaich lavëköṅnykūö nuk elnang ò; tayōlköṅny nuk inröt litāk ò; ngaich löökö ṙô anga-aṅ nö ṙô-òv.