T. MĀKÖS 7:28 - TÖHET LĪPÖRE (Re-edited) Bible (BSI)

²⁸ Ngö ṙô pöri ök kikānö tö Ò, Hòṅ; Mā. Ngaich ṙung në am nö nyā pinṙōngökūö nyīö, nö elkatòh mīs.

T. MĀKÖS 7:28 Referans Kwoze

RŌMA 10:12

Pòn rö-ö nö harīkngöre Yahūti, tö tahëng mihëṅṙö tarik: pòn höng Anga-aṅ Mā taṙòkhöre, tökôlòlōn tö taṙòkhöre vame-eṅkūö Ò.

RŌMA 3:29

Hēk, höng Tēv vē Yahūti ang ngam Tēv? Röh ang nö Tēv vē Tahëng mihëṅṙö inrē? Hôṅ, vē Tahëng mihëṅṙö inrē?

Isayā 45:22

Havantöre in chu, hòṅre hayöökaṙen, ṙòkhöre aṅ manā-angkūö ngih tumlat: tön chū-ö chin Tēv, öt tahënguvö.

Isayā 49:6

Ngö ṙô anga-aṅ, töhöhövṙen an angū-ö tö meh öm tarik chu mahachohlö miyöngö Yāköp, mahavantö ngam töma-īṅlöng ang Israĕl; kēten meh chin min öm ëāṅvö i yip pumnāmö tarik, hòṅ ngam inyööken aṅ in chu nö sölngö i manā-angkūö ngih tumlat.

Salmai 145:16

Löpnyökūö eltī re Me-eṅ: ngaich hatöö-önglōn në tö aṅ.

EFISÖS 3:8

In chu chu-ö manā-angkūö yip tökūöṅnö i yip taṙòkhöre töhet, ngih inlōnti nö kētu nö in chu, öich mikahten vē tahëng mihëṅṙö tö nup tötkanṙeūken kanôlò Kristū,

T. MËTIV 5:45

Hòṅ yīö öi kūön ngam Yöngre el halīöngö; tön vītö ngam tavūöire An nö meutlö nö i kui tötlöök inrē; tīntö kumṙah inrē nö i kui tötmichūṙen, i kui tömichūṙen inrē.

T. MËTIV 15:27

Ngö ṙô pöri ngam kikānö, Hôṅ; Mā sönen ṙung në am nö nyā nup pinṙōngö tösuktöre nö ṙā-ang el mīs yip yōmre.”

T. MĀKÖS 7:27

Ngaich Anga-aṅ nö ngö ṙô tö ò, Hökngen vē nyīö urĕh nö hatöö-öiṙen tön ötkônun në nya-aṅkūö nyīö nö kavaltuvö nö i am.

T. MĀKÖS 7:29

Ngaich ngö ṙô Yēsū tö ò, Kūö e angū-ö ṙô meh, kuṙòh ngaich man; ngaich ök sī-ö nö ṙāngö ap kūön meh.