T. MĀKÖS 7:26 - TÖHET LĪPÖRE (Re-edited) Bible (BSI)

²⁶ Tahëng mihëṅṙö ök kikānö, aṅ Suropòinikē. Ngaich ve-ekūö Ò anga-aṅ, nö hōten Ò nö ahōngö ök sī-ö, nö ṙā-ang ik kūön ò.

T. MĀKÖS 7:26 Referans Kwoze

T. MËTIV 15:22

Ngaich hĕng tak ök kikānö aṅ Kanā-an, kumnyī-inyre nö ṙā-ang umuh; huḵa, nö ngö ṙô, Aheūklölōn tö chu; Ō Mā, Me-eṅ Kūön Tāvit. Öt kôlò ap kūön chu kikānö, īnu tö sī-ö.

Isayā 49:12

Yĕh meuk, cha-a yin vē min yamih nö ṙeū-eung tömarôvat, yĕh meuk vē ṙameū-eung lā kapā, lā sūng inrē, cha-a vē inrē ṙeū-eung panam Sī-enī.

KÒLÒSĪ 3:11

In e nö ötkô nö Krīku, Yahūtivö inrē; tötunyīnyi, töt tunyīnyi inrē; tarik aṅ elinchōn, aṅ töng Sitīh inrē, tö hakövö, töt hakövö inrē: ṙòkhöre nö in Kristū, i taṙòkhöre inrē.

KALATĪ 3:28

Ötkô nö Yahūtivö, ötrēhĕn nö Krīkuvö, ötkô nö töhakövuvö, öt rēhĕn nö töt hakövuvö, ötkô nö kikōnyuvö, ötrēhĕn nö kikānuvö: pò yīö ṙòkhöre höng hĕng tak in Kristū Yēsū.

T. MËTIV 4:24

Ngaich ngam vinënyö Ò nö söl i Siria; ngaich cha-a nö kētö yik tövāhavö, nö in Ò, yik töṙōlkangen vah ane inrē kanihngen, tö-aṅhavin tö sī-ö, tökatūöilöng elkui, mahangë-ere, tölum inrē, Ngaich halanken cha Anga-aṅ.

T. MĀKÖS 7:25

Pòn hĕng taka ök kikānö tö ilööṙen nö hāngan, ök tökūönuvö tök nyīö kikānö, tö īnu tö tötlöök sī-ö; yihtöre ngaich anga-aṅ, ngaich afukngöre nö i röön Ò.

T. MĀKÖS 7:27

Ngaich Anga-aṅ nö ngö ṙô tö ò, Hökngen vē nyīö urĕh nö hatöö-öiṙen tön ötkônun në nya-aṅkūö nyīö nö kavaltuvö nö i am.