T. MĀKÖS 7:23 - TÖHET LĪPÖRE (Re-edited) Bible (BSI)

²³ Ṙòkhöre nun në tötlöök, nö ṙamā-ang lātuhēt anū-ö nun tötlöökö tī tö tarik.

T. MĀKÖS 7:23 Referans Kwoze

T. MĀKÖS 7:15

Öt hĕng tötlöökö tī tö nup lamöknyö latunyī nö i tarik. Nup lamöknyö latuhēt pöri nö i tarik tötlöökö tī töm tarik.

TAITÖS 1:15

Ṙòkhöre nun nö het nö i vē töhet; in cha pöri nö öt töhëtu yip töhachōichi nö ngaich, töt ṙamātö ellōnre inrē; nëtngöre pöri tö ap lōn cha, kuilōn inrē nö ngaich nö hachōichi.

1 KÒRIN 3:17

Yĕn tarīku pumyāingö ngam töhet chūök ngam Tēv, piyāingen ò min ngam Tēv; pò ngam töhet chūök ngam Tēv nö töhet; öi yī-ö kòl.

NGAM LĪPÖRE KAHŪICH YŪT 1:8

Ngaich nö ngatī inlahen vē inrē, i nup heūvö, nö hachōichngö ngam alaha, ngaich harāinyngö ngam chöngö, ötlēkôre inrē tö kanôlò.

T. MĀKÖS 7:18

Ngaich ngö ṙô Anga-aṅ tö cha, Höng ngatī ötmikah el nang öi yī-ö inrē? Öt akaha elmat öi yih tö nup lamökhöt lātunyī nö i tarik, nö ötkô nö ötlöökö tī tö tarik?

T. MĀKÖS 7:20

Ngaich ngö ṙô Anga-aṅ, Ap lamöknyö el kuilōn tarik nö meutnyi, angū-ö ap tö-ötlöökö tī tö tarik.

T. MĀKÖS 7:22

Insĕhha, yinikhanga, ötlanöökö, inchīlö, ötmīṙē-ĕv, kumnyah elmat; öt linëkô, inkeūlen, ötmikah.

T. MĀKÖS 7:24

Choholre ngaich Anga-aṅ, nö ṙā-ang umuh; ngaich kiröönngöre nö chuh kūöngö Tūrös, Sītōn inrē. Kuhēthötre ngaich Anga-aṅ nö el patī; ngaich sōtö tarik lang nö akahalōn tö e. Öt hanyunngen pöri Anga-aṅ.