T. MĀKÖS 7:21 - TÖHET LĪPÖRE (Re-edited) Bible (BSI)

²¹ Pòn löknyö lātuhēt, ṙā-ang el kuilōn tarik, nup tötlöök lōn nö meutnyi, chinô-òṅkānö, unlāyö, finël tarik,

T. MĀKÖS 7:21 Referans Kwoze

YERIMIĀ 17:9

Tulöng michīl an ngam ellōn tö taṙòkhöre öt kôlò takô inrē; chiāp tökô nö akaha elmat tö e?

T. MËTIV 15:19

Pòn löknyö ellōn nup tötlöök lōn, finël tarik, insĕhha, chinô-òṅkānö, unlāiyö sinūöichkö, ötlinëkô; anū-ö nun töchōchö tī tö tarik.

INLAHEN 8:22

Lökten man yēḵ havöötö ellōnre, ṙā-ang im ötlanöököre; ngaich ve-ekūö ngam Mā Tēv; yĕn lohten min ap ellōn meh nö aṙēlöngö.

ISIKĪ-ĔL 38:10

Ngö ṙô an ngam Mā Tēv: Ip sakamö angū-ö yih min nup chanöh ellōn nö elkui lōn meh, ngaich me-eṅ min vīken tötlöök huneū-enre,

T. MËTIV 9:4

Ngaich Yēsū nö akahalōn tö lōn cha; ngaich ngö ṙô,

YERIMIĀ 4:14

Ō Yērusalem, söichngö ap tötlöök man ṙā-ang ellōn re hòṅ meh hayöökaṙen. Irô-òten nup min tötlöök nö iyönghötvö nö in meh?

YĀKÖP 2:4

Röh öyih harēvhanga ellōnre, ngaich vītöre ma-akah öi holtö nup tötlöök lōn?

INCHŌḴ-OṘÔ 4:23

Haköp ellōnre i hinöngöre; tön löknyö in e ap nö hëmnyi mak nômö,

T. LŪKÖS 16:15

Ngaich ngö ṙô Anga-aṅ tö cha, Yī-ö yin mahalöököre i kūö tarik; akahalōn pöri ngam Tēv tö ellōn yīö. Pò ngih töhapōilöng nö i tarik, nö tösōḵovö nö i kūö ngam Tēv.

Isayā 59:7

Fal nup röön cha nö kū-ötö ngam tötlöök, ka-eūyen cha-a inrē nö kitaknyö mahām tötakhaṙa: lōn ötlanöökö nup lōn cha, inhatngö tinṙōlngö inrē nup el talöökö cha.

Salmai 53:3

Ṙòkhöre yin nö havanritre ṙòkhöre yin nö mūmuvö öt hĕng tak tö vahī-envö tö tölöök, hö-ö, öt hĕng tak.

Salmai 14:3

Ṙòkngöre yik nö kānngöre; holre yin nö vītöre nö chōich: öt hĕng tak umuh töla-evṙen tö tölöök, hö-ö, öt hĕng tak.

RŌMA 7:8

Ngaich pöri ngam tökööl nö vahī-ivṙen nö in chu, nö lökten im chöngö, tö nup tö ṙōlkangen yinikhanga, kôti ngaich nö lökngövah, pòn kapah ngam tökööl nö köhngen töm chöngö.

INLAHEN 5:4

Hē e nöngngöh, öt inlānen meh hòng angū-ö? Keuheūthë tī me-eṅ inyihngö e öt kanahanglōn meh hòng? Sītih ömeh ngatī lōn ellōnre?

INCHŌḴ-OṘÔ 15:25

Ṙòngngö patī mahakeūlenre an ngam Mā Tēv, haköp kūöngö panam tafīösi pöri.

Salmai 14:1

Ngö ṙô an ngam tökulō-ov, nö ellōnre, Öt Tēvuvö: tö-chōich yin cha-a, töla-evṙen yin tö sin-òkkūö, öt hĕng tak umuh töla-evṙen tö tölöök.

NGAM LĪPÖRE YŌP 25:4

Sitih kanô-òṅ ang ngòh tarik nö löök nö i kūö ngam Tēv? Sitih kanô-òṅ ang nö het ngòh töfötnyu tö kikānö?

NGAM LĪPÖRE YŌP 14:4

Chiāp tökô nö kētö tölöök nö ṙā-ang i tötlöök? Öt hĕng tak umuh.

Ranehlö 8:21

Ngaich ngam Mā Tēv nö tong tökuchik tinhūsö; ngaich ngam Mā Tēv nö ngö ṙô nö ellōnre, Rö-ö Chin min hēk rūttö öt kanôlò ngam tumlat nö hēkngöre tö pòkūö tarik, pò ngam chanöh ellōn tarik nöng tötlöök löktökūö nyīni-öṅ ò; ötrēhĕn Chin min hēk fël nup tö-aṅ chehen Öich hēkngöre, sā tī Chu ngaich.

Ranehlö 6:5

Ngaich ngam Mā Tēv nömeuk tö ötlanöökö tarik nö kiröng nö im tumlat, ane inrē ṙòkhöre chanöh ellōn ò nö iṙūöhen nö ötlöök.

RŌMA 7:5

Pò hī, hē hī misī ing alaha ngaich nup tökööl lōn ngam alaha, nup lamökten im chöngö, nö vahī-ivṙen nö i në tūmö alaha hī, nö asīöpnyö ṙòng im kinpaha.

Salmai 53:1

Ngö ṙô an ngam tökulo-ov nö ellōnre, Öt Tēvuvö: Tötlöök yin cha-a, kamëken tökööl sin-òkkūö, öt hĕng tak tövahīenvö tö tölöök.

TAITÖS 3:3

Tön töt akaha in ayī-ö misī, töminôṙô, hachīlö, ṙōlö lahök tö töchōich lōn, intööḵngen minyam inrē, iyöng i kumnyah elmat inrē, sunrīkhö, kö sumrīkhen höö.

Salmai 119:36

Hachōtö ellōn chu i minë chöngö Meh: un im yinikhanga.

Isayā 59:13

Mahngö ngam Mā Tēv in i në tanôichngenre, ngaich havööngökūöre i tinömörit ngam Tēv ih, kahôkkö inkihten in inhôngö chöngö inrē, löknyö ellōn nup minyôiny-aṅ ṙô nö chöhlöng löklö, ngaich kaknyuvö nö ṙô.

YERIMIĀ 16:12

Pò yīö inrē höichngen tö yik yöng re, yĕh meuk, höng kö tömrit lōnre yin töm töthanvööken kūö tötlöök, sō öi hang ṙô chu;

T. MĀKÖS 7:20

Ngaich ngö ṙô Anga-aṅ, Ap lamöknyö el kuilōn tarik nö meutnyi, angū-ö ap tö-ötlöökö tī tö tarik.

T. MĀKÖS 7:22

Insĕhha, yinikhanga, ötlanöökö, inchīlö, ötmīṙē-ĕv, kumnyah elmat; öt linëkô, inkeūlen, ötmikah.

KÒLÒSĪ 3:5

Lökten kumpahngö nup tūmö alahare më-el tumlat, Chinô-òṅkānö, töchōich, sinṙakngölōn, tötlöök lōn, ngam yinikhanga inrē, ngam vinë-ekūö insātēv.