T. MĀKÖS 7:2 - TÖHET LĪPÖRE (Re-edited) Bible (BSI)

² Ngaich rēvre maheuṅk cha-a tö yik haköptö Ò nö nyā, nöng öt halööklöre nöng öt söichlö eltīre.

T. MĀKÖS 7:2 Referans Kwoze

INLAHEN 10:28

Ngaich ngö ṙô anga-aṅ tö cha, Akahalōn yin tö vē Yahūti nö tökööl nö hamūltöre nö i tahëng mihëṅṙö tarik; kööl inrē nö yihken cha. Hameukhumat pöri chū-ö tö ngam Tēv, öich sōtu töhuich ngö, tö tarik.

RŌMA 14:14

Akahalōn chin, mikahtulōn chin tö ngam Mā Yēsū, tö törö-ö tösa-òkhu nöng kahngenre: höng löktökūö ò ngòh tösa-òkkūö, in ò an nö tösa-òkhu.

INLAHEN 11:8

Ngö ṙô pöri chu-ö, Hö-ö; Mā öt hĕng heuh chin nya-aṅvkūö tö töhuich.

T. MËTIV 15:2

Kūö yòh aich më haköptö Meh nö öt haköp nup falngen yik mā misī? Pò cha nö öt söich eltīre yē cha nö nyā.

T. MĀKÖS 7:5

Ngaich yik Feresī, tö yik kamūich inrē, nö hatönan, nö ngö ṙô, Kūöyòh aich më haköptö Meh nö öt lök i falngen yik mā misī; ngaich pöri nöng nya-aṅvkūö, nöng ötlöökö eltī?

T. LŪKÖS 11:38

Höng meuktöre ngam Feresī tö e, uṙeh anga-aṅ ngaich tö Ò, nö öt urĕh nö söichlöre, urēhĕkūö ngam nyina-aṅ.

HEPRĀI 10:29

Iṙôkhöl öt inkôlò min, tö lōn yīö, anga-aṅ, ngam ramööntö kui ngam Kūön ngam Tēv nö elröönre ngaich inrē nö kaheuktö ngam mahām ngam kinlēḵngô nö töthet, ngam löktö ò nö ahetlöngö, ngaich miyëḵṙen inrē tö ngam Töhet Fanöinylö inlōntö?

INMEUKHÖMAT 21:27

Ngaich öt hētu min nö kuhēthötre nö ël e, nup töchōich, hēk ngòh vamītö sin-òkkūö, ane inrē minyôinyaṅ: höng cha-a pöri yip tökūichi nö i mat līpöre nômö ngam pököre.