T. MĀKÖS 7:19 - TÖHET LĪPÖRE (Re-edited) Bible (BSI)

¹⁹ Pòn öt chuh el kuilōn ò; löö el puhū pöri, ngaich hēk nö meutnyi. Angū-ö ṙô Ò, tö në nya-aṅkūö ṙòkhöre nö tölöök.

T. MĀKÖS 7:19 Referans Kwoze

T. MËTIV 15:17

Öt akaha elmat öyih tö nup lamökhöt elvāng nö chu el puhū, nö meutnyi nö hēk?

1 KÒRIN 6:13

Nya-aṅkūö, kūö ngam aich, ngaich ngam aich kūö ngam nya-aṅkūö; ngam Tēv pöri min kamëtö ranö-ö e nyöre tö u. Rö-ö pöri ngam alaha nö kūö ngam chinô-òṅ kānö, tön kūö ngam Mā Tēv; ngaich ngam Tēv kūö ngam alaha.

INLAHEN 11:9

Ngaich ök ṙô im innët heuh, nö löktö el halīöngö, nö ngö, Nup tölöök tö tī ngam Tēv, un töhuich tö ṙô meh.

INLAHEN 10:15

Ngaich hēk ök ṙô, nö ngö, im innët heuh, Në tölöök tö tī ngam Tēv, un töhuich, tö ṙô meh,

T. LŪKÖS 11:41

Kētö nup lamā tuhēt pöri nö inlōnti; yĕh meuk ṙòkhöre nun në chehen nö het nö in yīö.

KÒLÒSĪ 2:16

Uh yin lökten akaha tö tarik, i nyinā-aṅ, inôkö, hēk i tökiröng sakāmö, hēk salnūvö chingëṅt, hēk sinat sumkam:

T. MĀKÖS 7:18

Ngaich ngö ṙô Anga-aṅ tö cha, Höng ngatī ötmikah el nang öi yī-ö inrē? Öt akaha elmat öi yih tö nup lamökhöt lātunyī nö i tarik, nö ötkô nö ötlöökö tī tö tarik?